ანდრეა ბოჩელი

ანდრეა ბოჩელი (იტალ. Andrea Bocelli) (დ. 22 ეკენია, 1958) — იტალიარი ტენორი, მულტი-ინსტრუმენტალისტი. დაბადებაშე თოლს ორკჷდჷნ ფერ მუმალ მურიცხიქ 12 წანაშ ხანს უბედური მონახვამილაშ გეშა გვალო დეჸვერჷ.

ანდრეა ბოჩელი
ბიოგრაფია
დებადჷ	22 ეკენია, 1958 (1958-09-22)
დაბადებაშ აბანი	ტოსკანა, იტალია
ჟანრ(ეფ)ი	ალმახანური მუსიკა, კლასიკური მუსიკა, ლათინური პოპი, ოპერა, პოპ მუსიკა
საქვარუა	მუსიკოსი, ობირეშეფიშ ავტორი, პროდიუსერი, მულტი-ინსტრუმენტალისტი
ობირეში ხონარი	ლირიკულ-დრამატული ტენორი
ინსტრუმენტ(ეფ)ი	ვოკალი, კლავიშამი ინსტრუმენტეფი, ფლეიტა, საქსოფონი, საყვირი, ტრომბორნი, არფა, ჰარმონიკა, გიტარა,
აქტიური	1992-ამუდღარშახ
ლეიბლ(ეფ)ი	Universal, Philips, PolyGram, Decca, Sugar
ვებ-ხასჷლა	ოფიციალური ვებ-ხასჷლა

ბიოგრაფია

ბოჩელიქ 1958 წანას, ტოსკანაშ რეგიონს, ჭიჭე ოფუტე ლაჯატიკოს დებადჷ, ნამუთ ნოღა პიზაშე 40 კილომეტრით ობჟათეჸურე იდვალუაფუ. ფანია დიხაშქიმინჯალას მეჸუნდუ. ბოჩელიშ დიდა დო უკულაში ჯიმა ამუდღარშახ ოდაბადურ ოფუტეს ოხორანა. მუამუშიქ 2000 წანას ღურჷ.

ჭიჭე ანდრეა დიდ ინტერესის გჷმირჩქინანდჷ მუსიკაშჸურე — 6 წანაშე მიოგანდჷ ფორტეპიანოს, მოგვიანაფილო ფლეიტა დო საქსაფონი ხოლო ქჷდიგურუ. მუჭოთ დიამუში ეშანჷნსჷნ, მუსიკა აკა მუდგარენი რდჷ, მუთ მუს კომფორტის უქიმინჷნდჷნ.

ოშქაშე სკოლაშ თებაშ უკული, 1980 წანას პიზაშ უნივერსიტეტის ქენირიცხჷ, სოდეთ სამართალს გურაფულენდჷ. ფარაშ გჷმომუშებაშ ღანკით, სერით ბარეფს პიანინოს მიოგანდჷ. ოგურაფუშ თებაშ უკული, 1 წანას სასამართოს მუშენდჷ, სოდეთ 1987 წანას მუქ მუშ მუმალ ალმასქუ ენრიკა გეჩინებაფუ.

თოლსინთეშ დინაფა

ანდრეას დაბადებაშე უღუდჷ ძირაფაწკჷმა მერსხილი პრობლემეფი. მიარე ექიმწკჷმა ვიზიტიშ უკული, საბოლათ დოჸუნაფილი გლაუკომა ქჷდუდგინეს. 1970 წანას, 12 წანაშ ხანს, ოკუჩხბურთე მატჩის მოხვალამირი ინციდენტიშ გეშა ბოჩელიქ თოლსინთე ედომუშამო მიოდინუ.

კარიერა

ანდრეა ბოჩელი ვერონიკა ბერტიწკჷმა ტოკიოს, იაპონიას, 2008 წანას, აზიური ტურნეშ მიმალობაშ ბორჯის

სიჸვერეშ უმკუჯინუო, ბოჩელიქ ალმახანური ოპერაშ ართ-ართი არძაშე მიკაწონაფალ ხონარო გინირთჷ. მუ ართმანგი სიბარჩხალათ არსულენს კლასიკურ რეპერტუარს დო პოპ-ბალადეფს. ინოჭარილი აფუ დუეტეფი სელინ დიონწკჷმა, ეროს რამაზოტიწკჷმა დო თ.უ.

1992 წანას, ჯუკერო (ადელმო ფორნაჩიანი) ობირეშიშ „Miserere“ ინაჭარალო ტენორს გორჷნდჷ. კომპოზიცია ანდრეაქ ლუჩანო პავაროტიწკჷმა ართო ქინაჭარჷ. მოსოფელიშ მასშტაბიშ ტურნეს ბოჩელიქ 1994 წანაშ ეკენიას ლონდონს ოჩეჟქიმინჯალე ფესტივალს „Pavarotti International Festival“ წჷმოძინელო გჷშართჷ.

1995 წანას ანდრეაქ ნიდერლანდეფს, ბელგიას, გერმანიას, ესპანეთის დო საფრანგეთის „Night Of Proms“ დიდი წჷმოძინათ წჷმარინუ. წჷმორინაფას ოკათუდეს: Bryan Ferry, Al Jarreau, Roger Hodgson დო ჯონ მაისი.

მუში მაართა ჟირი ალბომი „Andrea Bocelli“(1994) დო „Bocelli“ (1996) ხვალე ოოპერე არიეფს იკათუანდჷ, მასუმა ფირფიტა - „Italiano“ ოოპერე არიეფით დო ნეაპოლიტანური ობირეშეფით რე ჩინებული. თიშ უმკუჯინუო, ნამუდა თე ფირფიტაქ ხვალე იტალიას გჷშართჷნ, 300 000 ეგზემპლარქ გჷმიჩინჷ.

მაანთხა ალბომი „Romanza“ (1997) უკვე პოპ-მოღეს ხოლო იკათუანდჷ. ჟირი წანაშ უკული მუშ მახუთა ალბომ „Sogno“ გჷშმურს, ნამუშათ სელენ დიონწკჷმა დუეტი „The Prayer“ ხოლო რე მიშულირი. თე კომპოზიციაქ ზოხო სინგლიშ სახეთ ხვალე ამერიკას 10 მილიონ ანგიქ გჷმიჩინჷ, დო მობირეს „გრემიშ“ ჯილდო ქჷმუღჷ. ალბომი „Ciele Di Toscana“ 2001 წანას ძირჷ მარჩქილექ.

დისკოგრაფია

ალბომეფი

სტუდიური ალბომეფი 1994: Il Mare Calmo della Sera 1995: Bocelli 1996/1997: Viaggio Italiano 1997: Aria – the opera album 1999: Sogno 1999: Sacred Arias 2000: Verdi 2001: Cieli di Toscana 2002: Sentimento 2004: Andrea 2006: Amore 2008: Incanto 2009: My Christmas კომპილაციეფი 1997: Romanza 2007: The Best of Andrea Bocelli: Vivere

ალმახანდალა 1997: A Hymn for the World 1998: A Hymn for the World 2 (Voices From Heaven) 2000: Verdi's Requiem 2010: Carmen: Duets & Arias ოპერა 2000: La Bohème 2003: Tosca 2004: Il Trovatore 2005: Werther 2006: Pagliacci 2007: Cavalleria Rusticana 2008/2010: Carmen 2010: Andrea Chénier

სინგლეფი

დუეტეფი 1995: "Vivo per lei" (ჯორჯა ტოდრანი) 1996: "Vivo por ella" (მარტა სანჩეზი) 1996: "Time to Say Goodbye" (სარა ბრაიტმენი) 1997: "Ich lebe für sie" (ჯუდი ვაისი) 1997: "Je vis pour elle" (ჰელენა სეგარა) 1999: "The Prayer" (სელინ დიონი) 2001: "L'Abitudine" (ჰელენა ჰედვიგი) 2006: "Somos Novios (It's Impossible)" (კრისტინა აგილერა) 2006: "Because we believe" (მარკო ბორსატო) 2006: "Ama credi e vai" (ჯანა ნანინი) 2007: "Dare to live" (ლაურა პაუზინი) 2008: "Vive Ya" (ლაურა პაუზინი) 2009: "What Child Is This" (მერი ჯეი ბლაიჯი) 2010: "Bridge over Troubled Water" (მერი ჯეი ბლაიჯი)

სოლო სინგლეფი 1994: "Il mare calmo della sera" 1995: "Con te partirò"/"Vivere" 1995: "Macchine da guerra" 1995: "Per amore" 1999: "Ave Maria" 1999: "Canto della Terra" 2001: "Melodramma" 2001: "Mille Lune Mille Onde" 2004: "Dell'amore non si sa" 2004: "Un nuovo giorno" 2009: "White Christmas/Bianco Natale"

ცოცხალი ალბომეფი დო DVD

• 1998: A Night in Tuscany
• 2000: Sacred Arias: The Home Video
• 2002: Tuscan Skies (Cieli di Toscana)
• 2006: Credo: John Paul II
• 2006: Under the Desert Sky
• 2008: Vivere Live in Tuscany
• 2008: Incanto The Documentary
• 2009: My Christmas Special

რესურსეფი ინტერნეტის

• ოფიციალური ვებ-ხასჷლა (ააშ)
• ვებ-ხასჷლა გერმანულ ნინაშა
• ანდრეა ბოჩელი — კინოფილმეფიშ ინტერნეტ მუნაჩემეფიშ ბაზა (IMDb).
• Andrea Bocelli - community Archived 2021-05-17 ვებ-ხასჷლას Wayback Machine.
• Andrea Bocelli - forum Archived 2010-05-09 ვებ-ხასჷლას Wayback Machine.
• Andrea Bocelli - myspace.com
• Andrea Bocelli - facebook.com
• Andrea Bocelli - youtube.com
• Andrea Bocelli - discogs.com