არაბული ქიანეფიშ ლიგა

არაბული ქიანეფიშ ლიგა

არაბული ლიგა (არაბ. الجامعة العربية‎‎), ედომუშამი ოფიციალური ჯოხო არაბული ქიანეფიშ ლიგა (არაბ. جامعة الدول العربية‎‎) — ერეფოშქაშე ორგანიზაცია, ნამუთ იკათუანს 22 არაბულ ქიანას დო პარტნიორ სახენწჷფოეფს. ორგანიზაციაქ დირსხუ 1945 წანაშ 22 მელახის. უმაღალაში ორგანო — ლიგაშ სხუნუ იდვალუაფუ კაიროს (ეგვიპტე).

ისტორია

დორსხუაფაშე, 1945 წანას შვიდობაშ დო ორგანიზაციაშ აკოქიმინუაშ აპიჯალას შკვით ქიანაქ მაჭარჷ ხე: ეგვიპტე, ერაყი, ლიბანი, საუდიშ არაბეთი, სირია, ტრანსიორდანია (ასეაინი იორდანია) დო იემენი. უკულ ლიგას ქაკათეს: ლიბია(1953), სუდანი (1956), მაროკო დო ტუნისი (1958), ქუვეითი (1961), ალჟირი (1962), ბაჰრეინი, კატარი, ომანი დო არაბეფიშ საამიროეფი (1971), მავრიტანია (1973), სომალი (1974), ჯიბუტი (1977), კომორიშ კოკეფი (1993). 1976 წანას ლიგაშა იკათუეს პალესტინაშ გოდუდიშულაფაშ ორგანიზაცია, 1988 წანაშე წჷმარინუანს პალესტინაშ სახენწჷფოს.

მაკათური ქიანეფი

ლიგაშ დორსხუაფაშე, 1945 წანაშე, ორგანიზაციაშა მიშმეშჷ 6 მაკათური ქიანა, არაბული ლიგა იკენს 14 მილიონ კმ² ფართობის დო 22 მაკათურ ქიანას დო 4 დუმაკვირაფალ ქიანას. ლიგაშ 22 მაკათურ ქიანაშა მიშმურს აფრიკაშ 3 უდიდაში სახენწჷფო: სუდანი, ალჟირი დო ლიბია, არხო ბჟაეიოლიშ უდიადში სახენწჷფო (საუდიშ არაბეთი).

20 ოშწანურაშ მაჟირა ნორთის ორგანიზაციაშ მაკათურეფქ ქაძინჷ 15 არაბულ სახენწჷფოშ სახეთ. სირიაშ მაკათურობა ობორჯეთ გაჩერებული რე 2011 წანაშე, მარა მოგვიანაფათ ქიანაშ აბანქ გინაჩჷ სირიულ ოპოზიციას. 2015 წანაშ მუნაჩემეფით, ორგანიზაცია იკათუანს 22 მაკათურ ქიანას. არაბული ქიანეფიშ ლიგაშ მაკათური ქიანეფი რე:

ალჟირი  ბაჰრეინი  კომორიშ კოკეფი  ჯიბუტი  ეგვიპტე  ერაყი  იორდანია  ქუვეითი  ლიბანი  ლიბია  მავრიტანია

მაროკო  ომანი  პალესტინა  კატარი  საუდიშ არაბეთი  სომალი  სუდანი სირიული ოპოზიცია (სირიაშ აკანიშ დუმაკინე)  ტუნისი  არაბეფიშ გოართოიანაფილი საამიროეფი  იემენი დო 1 დუმაკვირაფალი ქიანა :  ერიტრეა

გენერალური მელამოსეეფი

•  ეგვიპტე, აბდულ რაჰმან ჰასან აზამი 1945 – 1952
•  ეგვიპტე, აბდულ ხალექ ჰასაუნა 1952 – 1972
•  ეგვიპტე, მაჰმუდ რიადი 1972 – 1979
•  ტუნისი, ჩედლი ქლიბი 1979 – 1990
•  ეგვიპტე, აჰმედ ისმათ აბდელ მაგიდი 1991 – 2001
•  ეგვიპტე, ამრ მუსა 2001 – 2011
•  ეგვიპტე, ნაბილ ელარაბი 2011–შე

რესურსეფი ინტერნეტის

ვიკიოწკარუეს^? რე ხასჷლა თემაშენ:

არაბული ქიანეფიშ ლიგა

• არაბული ლიგა Archived 2011-01-10 ვებ-ხასჷლას Wayback Machine.
• Arab Gateway Archived 2004-10-16 ვებ-ხასჷლას Wayback Machine.
• World Statesmen
• Winthrop University Archived 2008-07-25 ვებ-ხასჷლას Wayback Machine.
• Jewish Virtual Library
• Looklex Encyclopedia

სქოლიო

ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ.