ართპალატამი პარლამენტი
ართპალატამი პარლამენტი (ართპალატამი ოპარლამენტე სისტემა) — სახენწჷფოს ართი ოპარლამენტე პალატაშ მუშობა. თეშნერო, ართპალატამი პარლამენტი, ვარ-და ართპალატამი ოკანონმადვალე კათუა — კანონმადვალე ორგანო, ნამუთ ართ პალატაშე აკმოდირთჷ. კერზოთ ქიანეფი, სოდე ართპალატამი ოკანონმადვალე ორგანო მუშენსჷნ, ართმაგური მორჩილი უნიტარული სახენწჷფოეფი რე, ნამუეფშოთ ჟილენი ვარდა მაჟირა პალატაშ ოხვილურობა ვარენ.
ართპალატამი ოკანონმადვალე ორგანოეფი
რედაქტირაფამოსოფელიშ სუვერენული სახენწჷფოეფიშ დოხოლაფირო გვერდის თეხანურო ართპალატამი პარლამენტი უღუ, თინეფს შქას, თეჯგურას ორხველჷ მუჭოთ არძაშე მეჭედელო დოხორელი (ჩინეთი), თეში გეკვა (ვატიკანი) სახენწჷფოეფი.
მიარე ქიანაშ ადმინისტრაციულ ართულს ართპალატამი ოკანონმადვალე ორგანო უღუ. თინეფს ორხველჷ, სამანგათ, ნებრასკა, გუამი დო ვირჯინიშ კოკეფი ააშ-ს, რუსეთიშ არძა რეგიონს, ჰონგ-კონგის, კანადაშ არძა პროვინციას დო ტერიტორიას, გერმანიაშ არძა დიხას, იტალიაშ არძა რეგიონს დო ესპანეთიშ არძა ავტონომიურ ჯარალუას.
გოართოიანაფილ ომაფეს ართპალატამი რე შოტლანდიაშ პარლამენტი, უელსიშ ერუანული კათუა დო ოორუე ირლანდიაშ ასამბლეა.
თაშნეშე, დახე არძა ონოღე ოკანონმადვალე ორგანო ართპალატამი რე: ნოღაშ სხუნუეფი ჟირ პალატათ ვერთუ,— მარა XX ოშწანურაშახ ააშ-ს უმოსო ჟირპალატამი ოკანონმადვალე ორგანოეფი რდჷ.
██ ქიანეფი ჟირპალატამი ოკანონმადვალე ორგანოეფით
██ ქიანეფი ართპალატამი ოკანონმადვალე ორგანოეფით
██ ოკანონმადვალე ორგანოეფი ვაუღუნა
აბანური ორგანოეფი
რედაქტირაფაფედერაციეფი
რედაქტირაფა- ქვინსლენდიშ პარლამენტი დო ავსტრალიაშ ტერიტორიეფიშ ოკანონმადვალე ორგანოეფი
- ბელგიაშ ოლქეფიშ დო ჯარალუეფიშ არძა ოკანონმადვალე ორგანო დო სხუნუ
- სერბეფიშ რესპუბლიკაშ ერუანული ასამბლეა
- ბრაზილიაშ შტატეფიშ არძა ოკანონმადვალე ორგანო
- გერმანიაშ დიხეფიშ არძა ლანდტაგი
- ინდოეთიშ მუსხირენი შტატიშ პარლამენტი — არუნაჩალ-პრადეში, ჰიმაჩალ-პრადეში, ბჟადალი ბენგალი, მადჰია-პრადეში, რაჯასტანი, გუჯარათი, ორისა, კერალა, ასამი, პენჯაბი, ჰარიანა, ჯარხანდი, ტრიპურა, ნაგალენდი, მანიპური, მეგჰალაია, გოა, მიზორამი, სიკიმი, უტარაკჰანდი, პუდუჩერი, დელი დო ჩატისგარჰი
- კანადაშ არძა პროვინციაშ ოკანონმადვალე ხუნა
- მალაიზიაშ არძა შტატიშ ოკანონმადვალე ხუნა
- რუსეთიშ არძა სუბიექტიშ ოკანონმადვალე ორგანო
- ნებრასკაშ ოკანონმადვალე კათუა დო ვაშინგტონიშ (კოლუმბიაშ ოლქიშ ააშ) სხუნუ
- ობჟათე აფრიკაშ რესპუბლიკაშ პროვინციეფიშ ოკანონმადვალე ორგანოეფი