დუტუ მეგრელი
დუტუ მეგრელი (თახმი ჯოხო — დიმიტრი თომაშ სქი ხოშტარია; დ. 26 გჷმათუთა, 1867, ოფ. სუჯუნა, ასეიანი აბაშაშ მუნიციპალიტეტი ― ღ. 13 მელახი, 1938, ქართი) — ქორთუ ჭარუ, პოეტი დო ოჯარალუ მოღალე. ანასტასია ერისთავ-ხოშტარიაშ ალმასქუ.
| დუტუ მეგრელი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 13, 1938 (70 წანერი) |
| ღურაშ აბანი: | |
| ერუანობა: | |
| საქვარუა: |
ჭარუ |
ბიოგრაფია რედაქტირაფა
დიმიტრი ხოშტარიაქ დებადჷ 1867 წანაშ, 26 გჷმათუთას ოფუტე სუჯუნას. მუამუში თომა ოფუტეშ ღარიბი დიაკონი რდჷ. თიქ მალას დოღურჷ, ოდო ნანაქ, მარიამქ, ჭიჭე დიმიტრამო ძიძეთ მინორთჷ დავით აბაშიძეშ ფანიაშა (ხარაგაული). თეშ უკული თიქ დუდი ქიმკაფორუ ნიკო დადიანს (შალვა დადიანიშ მუმას). თაქ მუმალ პოეტის ინუჩეს ოდაბადური ნინაშ დო ჭარუობაშ ჸოროფა.
ქუთეშიშ გიმნაზიაშ თებაშ უკული დიმიტრი ხოშტარია სახენწჷფო ხარჯიშა გურაფას აგჷნძორენს ნოვოროსიაშ (ოდესაშ) უნივერსიტეტის იურიდიული გჷნართას. თაქ თინა, შხვა ქორთუ სტუდენტეფწკჷმა ართო, მონკა მატერიალურ პიჯალეფს რდჷ.
ოდესაშ უნივერსიტეტიშ თებაშ უკული, 1893 წანას დიმიტრი ხოშტარიაქ დიირთჷ ოდაბადეშა, მარა თაქ ომუშებელი ვა მეჩეს დო აძვილებურქ იჸუ უინალუდუკო გინაგაფურეფიშ ინსპექტორო დო ოგუბერნიე ოფიოშე საქვარეფიშ ოკათუეშიშ მაკათურო ყარსიშ ოლქის დო ერევანიშ დო განჯაშ გუბერნიეფს.
აზერბაიჯანს დო სომხეთის თინა თხილანს თარობაშ მოხელეეფშე მოხანდე მახორობაშ ინტერესეფს, გჷშაკერძაფილო ღარიბ ფიოშალას. თეშ ოსხირშა თის 1900-1902 წანეფს ოინალუშე დათხინაფათ ხოლო ორცქინანდეს.
1917 წანაშე დიმიტრი ხოშტარია ოირიათონეთ გინმურს ქართიშა, სოდეთ მუშობას იჭყანს მახუთა კლასიშ საგანგიო საქვარეფიშ მოხელეთ მოლენკავკაციაშ გჷშაკერძაფილი კომიტეტიშ ოდუდალეს. უკული ინალენს საქორთუოშ დჷმარსხუაფალი კათუაშ საქვარეფიშ ოდუდალეს დო ქართიშ ოლქიშ სასამართოშ მაკათურო. თე პერიოდის დუტუ მეგრელიშ მიარერიცხუამი ფანია კჷნე მონკა ეკონომიკურ სიტუაციას რე.
სხუნუეფიშ ხეშუულობაშ მოულაშ პერიოდის ხანშამიშულირი პოეტიქ ინალუა დიჭყჷ ოფინანსე კომისარიატის დიო გჷშაკერძაფილი ოგინაგაფურაშე სხუნუშ მაკათურო, ოდო უკული გინოჸონაფილქ იჸუ უნჩაშ რევიზორ-ინსტრუქტორო.
დუტუ მეგრელქ ღურჷ ქართის, 1938 წანას, 18 მელახის. ნთხორეს ვაკეშ ოსაფულეს. 1968 წანას გეგნასვანჯეს დიდუბეშ ოჯარალუ მოღალეეფიშ პანთეონშა.
აკოქიმინჯალა რედაქტირაფა
დუტუ მეგრელქ ლერსეფიშ ჭარუა დიო ხოლო გიმნაზიას გურაფაშ ბორჯის დიჭყჷ. თიში მაართა ლერსიქ გიმიბჟინუ 1888 წანას ოლიტერატურე დო ოხანტუე გაზეთ „თეატრის“; 1891 წანას ქუთეშიშ კათელი „ცდაქ“ დუტუ მეგრელიშ ხეშმოჭარუათ ბეშტუ „შვილი და დედა“ (ამბე). მალას ჭარუქ, ახალი ლერსეფიშ დო თხობელუეფიშ პარალელურო, გჷმაბჟინუ პუბლიცისტური დო თეორიულ-ლიტერატურული ხასიათიშ ჭარილეფი. აკოქიმინჷ დრამატული პოემეფი დო პიესეფი. 1892 წანას გჷმიბჟინუ ჭარუშ მაართა წიგნიქ „სურათები ჩვენი ცხოვრებიდან“, ოდო 1893 წანას — მუში ლერსეფიშ კათელი „ცრემლები“, ნამუთ ოლიტერატურე კრიტიკაქ დო მაკითხირალი ჯარალუობაქ გურტიბას მიღჷ.
თიში პოპულარული ლერსი „მე პატარა ქართველი ვარ“ (1902) დო თხობელუა „ქინაქინა“ მიშულირირე ი. გოგებაშვილიშ „დედაენაშა“ დო „ბუნების კარშა“.
ჭარუ დიდი გურიშჩამას არზენს აკოქიმინჯალას დო კათაშ სიხოლას, თინეფიშ შურიელ ართობას. გურგაჩამალიე დუტუ მეგრელიშ ლიტერატურული ჭარილეფი; თინეფიშ ავტორს ბონას არჩქილე ხელუანობაშ ორთა დო თიში მეშანილობა. ქორთულ ლიტერატურარჩქინალას დუტუ მეგრელქ ართ-ართიქ მაართაქ აწუდირთჷ დეკადენტიზმის დო თიქ ეცადჷ გეუნწყუმუდუკო რეალისტური აკოქიმინჯალაშ ხასიათი. ჭარუ აკრიტიკენს ფორმალიზმის დო ნატურალიზმის, მუჭოთ ჟირ ოძგაშე თიბორჯიშ ხელუანობას, მეთხოზჷ რეალიზმიშ პრინციპის.
რესურსეფი ინტერნეტის რედაქტირაფა
- ინფორმაცია დუტუ მეგრელიშ გეშა 400.ge[ღურელი რსხილი]
- დუტუ მეგრელიშ ბიოგრაფია დო აკოქიმინჯალა.
- დუტუ მეგრელიშ აკოქიმინჯალა lib.ge-ს[ღურელი რსხილი]