ერევანი
ერევანი (სომეხ. Երևան, Երեվան) — ნოღა სომხეთის, სომხეთიშ არძაშ უდიდაშ ნოღა დო სომხეთიშ ნანანოღა. 2011 წანაშ მუნაჩემეფით ნოღას ოხორანს 1 060 138 მახორუ. ერევანი სომხეთის ისტორიული, ეკონომიკური, ფინანსური დო კულტურული ცენტრი რე. ნოღა წყარმალუ რაზდანიშ წყარპიჯის იდვალუაფუ. ერევანი დოხოლაფირო 2,780 წანერი დო მოსოფელიშ ართ-ართი უჯვეშაში ნოღა რე.
ერევანი
Երևան (Երեւան)
|
ისტორია
რედაქტირაფაერევანი სომხეთიშ ისტორიაშ ლიტერატურას მაართაშე VI ოშწანურაშ დაჭყაფუშ იშინუაფუ. არქეოლოგიური გონთხორუეფიშ შედეგო მეგორაფილი მარჭვალურ მიკნაჭარეფიშ მეჯინათ, ურარტუშ მაფა არგიშთი I-ქ ჯვ. წ. 782 აკაგჷ ჯიხა ერებუნი, ნამუშ გოხოლუას დოდგუ თეხანური ერევანი.[2] XIII ოშწანურაშე იძნანდჷ ერევანიშ ეკონომიკური დო პოლიტიკური შანულობა. 1440-იან წანეფშე ბჟაეიოლ სომხეთიშ ადმინისტრაციული ცენტრო გჷნირთჷ. 1513 წანაშე 1735 წანაშახ ჯიხა დო ნოღა მიარეშა მოჯალაგეს ოსმალეთიქ დო ირანქ. 1604 წანას ერევანი ქჷდიჸუნუ აბას I-ქ დო სომხეთიშ მახორობა ირანშა გეგნახორუ, მარა ნოღაქ მალას აკოდგინჷ დო ერევანიშ სახანოშ ცენტრო გჷნირთჷ. XVII ოშწანურას, ერევანს ეკონომიკურ ეჸონუაქ დიჭყჷ. 1827 წანაშ 1 გჷმათუთას ნოღა რუსეთიშ ჯარქ ქჷდიჸუნუ დო თურქ-მანჩაიშ ზავით ბჟაეიოლ სომხეთიშ ტერიტორიაწკჷმა ართო რუსეთის ქჷმიარსხუ 1828 წანას. ერევანი დიო სამაზრო ნოღა რდჷ, 1849 წანაშე ერევანიშ გუბერნიაშ ცენტრო გჷნირთჷ. 1902 წანას ერევანქ რკინაშარათ ქიმიარსხუ ქართის, 1908 - ჯულფას, ნამუქჷთ ხე უნწყუ ნოღაშ ეკონომიკურ მოჭყანიარაფას.
დომაჸალაფირი დო პარტნიორი ნოღეფი
რედაქტირაფაერევანიშ დომაჸალაფირი ნოღეფი რე:
.svg){kind=small}
რესურსეფი ინტერნეტის
რედაქტირაფასქოლიო
რედაქტირაფა- ↑ ქალაქისა და სოფლის მიმდინარე და მუდმივი მოსახლეობა 2011 წლის აღწერის მიხედვით
- ↑ Katsenelinboĭgen, Aron (1990). The Soviet Union: Empire, Nation and Systems. New Brunswick: Transaction Publishers, ხს. 143. ISBN 0-88738-332-7.
|
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |