ვალტერ ბაადე
ვალტერ ბაადე (გერმ. Walter Baade; დ. 24 მელახი, 1893, შრეტინგჰაუზენი, გერმანიაშ იმპერია — ღ. 25 მანგი, 1960, გეტინგენი, გერმანია) — გერმანალი ასტრონომი.
| ვალტერ ბაადე | |
| გერმ. Walter Baade | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მანგი 25, 1960 (67 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
ჰამბურგიშ ობსერვატორია |
| ალმა-მატერი: | |
| ჯოხოშინელი მოგურაფეეფი: | |
| ჯილდოეფი დო პრემიეფი: |
ასტრონომიაშ ომაფე ჯარალუაშ ორქოშ მენდალი (1954) |
ვალტერ ბაადე გურაფულენდჷ მათემატიკას, ფიზიკას დო ასტრონომიას მიუნსტერიშ დო გეტინგენიშ უნივერსიტეტეფს. ოდოქტორე დისერტაცია თხილუ 1919 წანას. გურაფაშ თებაშ უკულ, 1919-1931 წანეფს მუშენდჷ ჰამბურგიშ ობსერვატორიას. ჸათაქ მუშობაშ ბორჯის, ბაადექ, 1920 წანას მიოგორუ კენტავრის (944) იდალგოს.
1931-1958 წანეფს ბაადე მუშენდჷ მაუნთ-ვილსონიშ ობსერვატორიას. ჸათაქ თიქ გიმირკვიუ ანდრომედაშ გალაქტიკა, დო აკეთჷ მურიცხული პოპულაციეფიშ (პოპულაცია I დო პოპულაცია II) დეფინიცია. თაშნეშე, ბაადექ გიშართჷ ცეფეიდური მურიცხეფიშ ჟირი ტიპი. ჸათე რკვიებეფით ბაადექ აკეთჷ რჩქინელი ოქიანუშ ზომაშ რეკალკულაცია დო თიში მეჯინათ თინა ჟირშა უმოს დიდი რდჷ, ვიდრე ედუინ ჰაბლიშ გჷმოთვალირი ზომეფი. ჸათე კალკულაციეფი ბაადექ წჷმარინუ 1952 წანაშ საირქიანო ასტრონომიული რსხუშ რომიშ კონგრესის.
ვალტერ ბაადექ ფრიც ცვიკიწკჷმა ართო, აკეთჷ სუპერნოვეფიშ, მუჭოთ ასტრონომიული ობიექტეფიშ ახალი კატეგორიაშ იდენტიფიკაცია. თაშნეშე, ცვიკიწკჷმა ართო, ბაადექ წჷმარინუ ნეიტრონული მურიცხეფიშ არსებობაშ კონცეფცია. ბაადეშ აზრით სუპერნოვას შეულებუდჷ ჸათეცალი მურიცხეფიშ ფორმირაფა.
მუში მენცარული კარიერაშ ბორჯის, ბაადექ მიოგორუ 10 ასტეროიდის.
ვალტერ ბაადე რდჷ შხვადოშხვა პრემიეფიშ დო ჯილდოეფიშ ლაურეატი. 1954 წანას მიპალუ ასტრონომიაშ ომაფე ჯარალუაშ ორქოშ მენდალი დო 1955 წანას ბრიუსიშ მენდალი. რდჷ ნიდერლანდეფიშ ხელუანობეფიშ დო მენცარობეფიშ ომაფე აკადემიაშ მაკათური. ბაადეშ ჯოხონობაშ რე ართ-ართი კრატერი თუთას დო ართი ასტეროიდი.