ვანაძორი (სომეხ. Վանաձոր) — ნოღა სომხეთის. ვანაძორი ქიანაშ სიდიდათ მასუმა ნოღა რე ერევანიშ დო გიუმრიშ უკული, ლორეშ პროვინციაშ ადმინისტრაციული ცენტრი. ნოღა ქართი-გიუმრიშ რკინაშარაშ ღოზის, ბაზუმიშ დო პამბაკიშ ქჷნდჷრეფს შქას მარვალუ გვალეფოშქაშე ქვიბილს იდვალუაფუ. 2017 წანაშ მუნაჩემეფით, ნოღას 90 525 ადამიერი ოხორანს. თარო ოხორანა სომეხეფი, მორჩილი მუდანობათ რუსი, ბერძენი დო უკრაინალი. ნოღას გოვითარაფილი რე მანქანაეფიშაკოგაფა, ქიმიური დო მქექე ხერეჭუა. ნოღას მუშენს ტიბელექტროდგჷმილი.
ნოღაშ კინოხიანი ოხოეფი რე: ყარაქილისი (თურქულო "უჩა ოხვამე"). 1935 წანას, სერგეი კიროვიშ ღურაშ უკული თიშ პატიოცემელო გიადჷ — კიროვაკანი. ნოღაქ თეხანური ჯოხოდვალა 1993 წანას მიღჷ. ვანაძორს იდვალუაფუ ოვანეს თუმანიანიშ ჯოხოდვალაშ სახენწჷფო პედაგოგიური ინსტიტუტი, ერევანიშ არქიტექტურაშ უნივერსიტეტიშ ფილიალი, სახენწჷფო აგრარული აკადემია, ოვანეს აბელიანიშ ჯოხოდვალაშ დრამატული თეატრი დო მაჭყუდიეფიშ თეატრი.
ვიკიოწკარუეს
? რე ხასჷლა თემაშენ:
ვანაძორი
ნოღაშ ცენტრი
ნოღაშ ცენტრი
ვანაძორიშ ქიმიური ქარხანა
ვანაძორიშ ორთაშ მიოჯინი
