ვენესუელაშ ჸუჯი
ვენესუელაშ ჸუჯიშ (ესპ. Golfo de Venezuela) — კარიბიშ ზუღაშ ჸუჯი ვენესუელაშ წყარპიჯეფწკჷმა, გუახირაშ დო პარაგუანაშ ჩქონეფს შქას. ჸუჯიშ წყარპიჯიშ ღოზის იდვალუაფუ ვენესუელაშ ჟირი შტატი — სულია დო ფალკონი, წყარპიჯიშ ღოზის თაშნეშე იდვალუაფუ კოლუმბიაშ დეპარტამენტი გუახირა.
ვენესუელაშ ჸუჯიშ სიგჷრძა დოხოლაფირო 231 კილომეტრის აკმადგინანს, სიგანა — 98 კილომეტრის, სიტომბა — 18-შე 71 მეტრიშახ. ჸუჯიშ ობჟათეშე, ტაბლოსიშ საროტიშ (6,5-22 კმ) მეშქაშობათ ჸუჯი გიშმერთუ მარაკაიბოშ ტობას.
1499 წანას, თე აბანეფს ევროპალეფქ მიოგორეს, ექსპედიციას დუდენდჷ ალონსო დე ოხედა, ნამუქჷთ გიმირკუ ობჟათე ამერიკაშ თე ტერიტორია. ვენესუელაშ ჸუჯიშ ესპანეთიშ იმპერიაშ აკოდგინალუაშა მიშმეშჷ, თე ტერიტორიას ვენესუელას დო კოლუმბიას შქას ხურგეფი მაართათ 1941 წანას გიჸუნუ, თე ჟირ სახენწჷფოს შქას ტერიტორიულ წყარეფშენ ასე ხოლო იგჷნძარებუ.
ვენესუელაშ ჸუჯის სტრატეგიული შანულობა უღუ ედომუშამ კარიბიშ ზუღას, თაურეშე იხორციელებუ მარაკაიბოშ ტობაშე მოპალაფირი ნაფთობიშ ექსპორტი.
ლიტერატურა
რედაქტირაფა- ქორთული სხუნუეფიშ ენციკლოპედია, ტ. 4, ხს. 360, ქართი, 1979 წანა.