იალმარ შახტი
ჰორას გრილი იალმარ შახტი (გერმ. Horace Greeley Hjalmar Schacht; დ. 22 ღურთუთა, 1877 — ღ. 3 მანგი, 1970) — გერმანალი ბანკირი, ეკონომისტი, პოლიტიკოსი, გერმანიაშ დემოკრატიული პარტიაშ ართ-ართი დუმარსხუაფალი, რაიხსბანკიშ პრეზიდენტი 1923-1930 დო 1933-1939 წანეფს, ეკონომიკაშ რაიხსმინისტრი 1934-1937 წანეფს.
| იალმარ შახტი Hjalmar Schacht | ||
 | ||
| ეკონომიკაშ რაიხსმინისტრი | ||
|---|---|---|
| პოსტის გერინაშ ბორჯი | ||
| 3 მარაშინათუთა, 1934 – 26 გერგობათუთა, 1937 | ||
| კანცლერი | ადოლფ ჰიტლერი | |
| წიმოხონი | კურტ შმიტი | |
| მონძე | ჰერმან გერინგი | |
რაიხსბანკიშ პრეზიდენტი | ||
| პოსტის გერინაშ ბორჯი | ||
| 22 ქირსეთუთა, 1923 – 7 მელახი, 1930 | ||
| წიმოხონი | რუდოლფ ჰავენშტაინი | |
| მონძე | ჰანს ლუთერი | |
| პოსტის გერინაშ ბორჯი | ||
| 17 მელახი, 1933 – 20 ღურთუთა, 1939 | ||
| წიმოხონი | ჰანს ლუთერი | |
| მონძე | ვალტერ ფუნკი | |
| დუნაბადი | 22 ღურთუთა, 1877 ტინგლევი, გერმანიაშ იმპერია | |
| ნაღურა | 3 მანგი, 1970 (93 წანერი) მიუნხენი, გფრ | |
| მენოღალობა | .svg){kind=small} გერმანიაშ იმპერია.svg){kind=small} ვაიმარიშ რესპუბლიკა.svg){kind=small} ნაცისტური გერმანია გფრ | |
| ერუანობა | გერმანალი | |
| პოლიტიკური პარტია | გერმანიაშ დემოკრატიული პარტია (1918-1926) ნაციონალ-სოციალისტური გერმანული მუშეფიშ პარტია (1937-1942) | |
| ალმასქუ | 1. ლუიზა სოვა 2. მანცი ფოგლერი | |
| სქუალეფი | კორდულა შახტი | |
| გონათაფა | მიუნხენიშ უნივერსიტეტი ლაიფციგიშ უნივერსიტეტი ბერლინიშ უნივერსიტეტი პარიზიშ უნივერსიტეტი კილიშ უნივერსიტეტი | |
| პროფესია | ბანკირი, ეკონომისტი | |
| ხეშმოჭარუა |  | |
1908 წანაშე რდჷ დრეზდნერ-ბანკიშ დირექტორი. 1916 წანას ქუდარინეს გერმანიაშ ერუანული ბანკიშ დირექტორო. 1923 წანაშე ნინალენდჷ ფინანსეფიშ სამინისტროს, ვალუტაშ კომისარო. შახტიქ აკიმუშუ ეფექტური მონეტარული პოლიტიკა, ნამუშ შედეგო გაჩენდჷ ინფლაციაქ დო დესტაბილურჷ მარკაქ. 1923 წანაშ ქირსეთუთას, შახტი ქუდარინეს გერმანიაშ უშანულამაში ფინანსური ინსტიტუტიშ რაიხსბანკიშ პრეზიდენტო. ჸათე პოსტის თინა 1930-წანაშახ მოღალენდჷ. ადოლფ ჰიტლერიშ ხეშულობაშა მულაშ უკულ, შახტი კინ ქუდარინეს რაიხსბანკიშ პრეზიდენტო. 1934 წანას შახტიქ ქიდეკინჷ გერმანიაშ ეკონომიკაშ რაიხსმინისტრიშ პოსტი. შახტიშ ეკონომიკური პროგრამათ თარობაქ გეჭოფუ მონოპოლია ინდუსტრიას დო აგრარული სექტორს. პროფრსხუეფი დოთირუ ნაცისტური ოხანდე ფრონტეფქ. კანონგალეთ გინირთჷ გაფიცვეფქ. სახენწჷფოქ დაფინანსჷ შხვადოშხვა ახალი ეკონომიკური პროგრამეფი. ეიოგეს ავტობანეფი, 1938 წანაშე დიჭყჷ ფოლკსვაგენიშ მანქანეფიშ წარმებაქ. შახტი ოპონირენდჷ ჰიტლერიშ აკოანჯარაფაშ პოლიტიკას. თაშნეშე, შახტის გლახა ურთიართალა უღუდჷ ჰერმან გერინგიწკჷმა, ჸათეშ გეშათ შახტიქ მინისტრიშ პოსტიშე გეგნოდირთჷ. 1939 წანას თის ქუდატებაფეს რაიხსბანკიშ პრეზიდენტიშ პოსტი ხოლო. 1944 წანაშ 20 კვირკვეს ჰიტლერს მუნწყის ტერორისტული აქტი. ჸათე აქტის შახტი ვაკათუდჷ, მარა გესტაპოქ თინა იშენით ოჭოფუ დო საკონცენტრაციო კარეს ქუდახუნუ. მაჟირა მოსოფელიშ ლჷმას გერმანიაშ მარცხიშ უკულ, შახტი გასამართეს ნიურნბერგიშ პროცესის. სასამართალოქ თინა გამართჷ დო გადუდიშულჷ. უკულიანი პერიოდის შახტიქ მუში კერძო ბანკი ქუდარსხუ დიუსელდორფის. თინა, თაშნეშე მოღალენდჷ შხვადოშხვა ქიანეფიშ ფინანსური კონსულტანტო.