იცხაკ რაბინი

იცხაკ რაბინი (ურ. יִצְחָק רַבִּין; დ. 1 მელახი, 1922 — ღ. 4 გერგობათუთა, 1995) — ისრაელიშ პოლიტიკური დო ოურდუმე მოღალე, გენერალი, ისრაელიშ მა-5 პრემიერ-მინისტრი. ჸათე პოსტის მოღალენდჷ ჟირშა 1974-1977 დო 1992-1995 წანეფს.

იცხაკ რაბინი יִצְחָק רַבִּין
რაბინი 1994 წანას
ისრაელიშ პრემიერ-მინისტრი
პოსტის გერინაშ ბორჯი
13 კვირკვე, 1992 – 4 გერგობათუთა, 1995
პრეზიდენტი	ხაიმ ჰერცოგი ეზერ ვაიცმანი
წიმოხონი	იცხაკ შამირი
მონძე	შიმონ პერესი
პოსტის გერინაშ ბორჯი
3 მანგი, 1974 – 20 მანგი, 1977
პრეზიდენტი	ეფრაიმ კაცირი
წიმოხონი	გოლდა მეირი
მონძე	მენახემ ბეგინი
დუნაბადი	1 მელახი, 1922 იერუსალიმი, პალესტინა
ნაღურა	4 გერგობათუთა, 1995 (73 წანერი) თელ-ავივი, ისრაელი
ღურაშ ბაძაძი	ჸვილუა
პოლიტიკური პარტია	მაარახი ავოდა
მუმა	ნეჰემია რაბინი
ნანა	როზა კოენი
ალმასქუ	ლეია რაბინი
სქუალეფი	დალია რაბინ-პელოსოვი იუვალ რაბინი
პროფესია	ოფიცერი
რელიგია	იუდაიზმი
ჯილდოეფი	ნობელიშ პრემია თინჩალაშ დარგის (1994)
ხეშმოჭარუა

დებადჷ იერუსალიმს. სკოლაშ თებაშ უკულ, დიჭყჷ ოურდუმე კარიერა დო 27 წანაშ გოძვენას ნინალენდჷ ისრაელიშ აკოანჯარაფილი ნძალეფს. მუჭოთ ოურდუმე მოღალექ, მიოჭირინუ შანულამი წჷმოძინეფს. 1964 წანას რაბინი ქუდარინეს ისრაელიშ არმიაშ გენერალური შტაბიშ უნჩაშო. 1968-1973 წანეფს რაბინი რდჷ ისრაელიშ ელჩი ამერიკას. 1970-იან წანეფიშე უკინებუდჷ შხვადოშხვა პოსტეფი ისრაელიშ თარობას. რდჷ ხანდაშ მინისტრი (1974), კომუნიკაციეფიშ მინისტრი (1974-1975), დუდთხილუაშ მინისტრი (1984-1990, 1992-1995), გონათაფაშ დო კულტურაშ მინისტრი (1993), დინახალენი საქვარეფიშ მინისტრი (1993-1995).

1974 წანას, გოლდა მეირიშ გინორინაშ უკულ, რაბინიქ გინირთჷ ისრაელიშ პრემიერ-მინისტრო. მაართა მართუალაშ ბორჯის, ისრაელქ დო ეგვიპტექ ხე მაჭარეს სინაიშ ხეკულუას. რაბინიშ ინიციატივათ, 1976 წანაშ 3-4 კვირკვეს, იმანჯჷ ენტებეშ ოპერაციაქ. ფინანსური სკანდალიშ უკულ, რაბინიქ პოსტიშე გეგნოდირთჷ 1977 წანას. რაბინიქ, მაჟირაშა იჸუ გიშაგორილქ პრემიერ-მინისტრო 1992 წანას. თინა რდჷ მოხუჯე ისრაელი-პალესტინაშ ოთინჩალე პროცესეფიშ. რაბინიქ ხე მაჭარჷ ოსლოშ ხეკულუას 1993 წანას. ჸათე ოთინჩალე მეჭირინაფეფიშ გეშათ, 1994 წანას რაბინის გინოჩეს ნობელიშ პრემია თინჩალაშ დარგის (იასირ არაფატი დო შიმონ პერესიწკჷმა ართო). 1994 წანას, რაბინიქ ხე მაჭარჷ ოთინჩალე ხეკულუას იორდანიაწკჷმა. 1995 წანაშ გერგობათუთას, იცხაკ რაბინი დოჸვილჷ რადიკალი ექსტრემისტიქ იგალ ამირიქ, ნამუსჷთ ოსლოშ ხეკულუაშ პიჯალეფი ვამოწონდჷ.

ქოძირით თაშნეშე

• ისრაელიშ პრემიერ-მინისტრეფიშ ერკებული

ლიტერატურა

• ენციკლოპედია ბრიტანიკა