კარლ დენიცი
კარლ დენიცი (გერმ. Karl Dönitz; დ. 16 ეკენია, 1891 — ღ. 24 ქირსეთუთა, 1980) — გერმანალი სახენწჷფო დო ოურდუმე მოღალე, გროსადმირალი, გერმანიაშ ოზუღე ნძალეფიშ თარსარდალი 1943-1945 წანეფს. ადოლფ ჰიტლერიშ ღურაშ უკულ, ჭიჭე ხანს უკინებუდჷ გერმანიაშ რაიხსპრეზიდენტიშ პოსტი.
| კარლ დენიცი Karl Dönitz | ||
(3)_(cropped).jpg) კარლ დენიცი 1943 წანას | ||
| გერმანიაშ პრეზიდენტი | ||
|---|---|---|
| პოსტის გერინაშ ბორჯი | ||
| 30 პირელი, 1945 – 23 მესი, 1945 | ||
| კანცლერი | იოზეფ გებელსი ლუც ფონ კროზიგკი (დე ფაქტო) | |
| წიმოხონი | პაულ ფონ ჰინდენბურგი (მუჭოთ პრეზიდენტი) ადოლფ ჰიტლერი (მუჭოთ ფიურერი) | |
| მონძე | პოსტიქ გეუქვჷ | |
| პოსტის გერინაშ ბორჯი | ||
| 30 პირელი, 1945 – 23 მესი, 1945 | ||
| კანცლერი | იოზეფ გებელსი | |
| წიმოხონი | ვილჰელმ კაიტელი (მუჭოთ ვერმახტიშ თარსარდალი) | |
ოზუღე ნძალეფიშ თარსარდალი | ||
| პოსტის გერინაშ ბორჯი | ||
| 30 ღურთუთა, 1943 – 1 მესი, 1945 | ||
| წიმოხონი | ერიხ რედერი | |
| მონძე | ჰანს-გეორგ ფონ ფრიდებურგი | |
| დუნაბადი | 16 ეკენია, 1891 გრუნაუ, ბრანდენბურგი, პრუსია, გერმანიაშ იმპერია | |
| ნაღურა | 24 ქირსეთუთა, 1980 (89 წანერი) აუმიულე, შლეზვიგ-ჰოლშტაინი, გფრ | |
| ნთხორუ აბანი | ვალდფრიდჰოფიშ სასაფლა | |
| მენოღალობა | .svg){kind=small} გერმანიაშ იმპერია.svg){kind=small} ვაიმარიშ რესპუბლიკა.svg){kind=small} ნაცისტური გერმანია გფრ | |
| ერუანობა | გერმანალი | |
| პოლიტიკური პარტია | ნაციონალ-სოციალისტური გერმანული მუშეფიშ პარტია | |
| ალმასქუ | ინგებორგ ვებერი | |
| სქუალეფი | 3 | |
| ხეშმოჭარუა |  | |
ოურდუმე კარიერა დიჭყჷ კაიზერლიხმარინეს (გერმანიაშ იმპერიაშ ოზუღე ნძალეფი). 1918 წანაშო დუდენდჷ წყართუდო ნიშის SM UB-68-ს. ჸათე წყართუდო ნიშით დენიცი ბრიტანალეფს ოლიმუდჷ სქირონაშქა ზუღას. ართ-ართი რეიდიშ ბორჯის ბრიტანალეფქ დენიცი ტყვეთ ხეშა ქაშეჸოთეს. მაართა მოსოფელიშ ლჷმას მარცხიშ უკულ, ვერსალიშ ხეკულუაშ ნძალათ, გერმანიას წყართუდო ნიშეფიშ ეგაფაშ ნება ვაუღუდჷ. მარა ადოლფ ჰიტლერიშ ხეშულობაშა მულაშ პერიოდიშე დენიცი ხემანჯღვერენდჷ U-boat-იშ ფლოტიშ პროექტის. მაჟირა მოსოფელიშ ლჷმაშ მიმალობას, U-boat-ეფიშ ფლოტიშ გიმორინაფათ, დენიციქ შანულამი ზარალი მიორინუ მორსხუეეფიშ ოზუღე ნძალეფს. 1943 წანას დენიციქ დოთირუ ერიხ რედერი დო გინირთჷ ნაცისტური გერმანიაშ ოზუღე ნძალეფიშ თარსარდალო. თიქ მუში ლოიალურობათ ჰიტლერიშ ნდობა მალას მიპალუ. 1945 წანაშ აპრილს, ჰიტლერქ, დუდიშ ჸვილუაშახ, მუში მონძეთ, რაიხიშ პრეზიდენტო, ოურდუმე მინისტრო დო აკოანჯარაფილი ნძალეფიშ მანჯღვერთარო დენიცი ქჷმწარინუ. მარა ჸათე პოსტეფი დენიცის ხვალე ჭიჭე ბორჯიშ გოძვენას უკინებუდჷ. მუჟამსჷთ მორსხუეეფქ გერმანიას ორჯგინეს დო გერმანიაქ კაპიტულაცია გეგმაცხადუნჷ, დენიცი ოჭოფეს დო 1946 წანას ნიურნბერგიშ პროცესის გასამართეს. თის ქიმუსაჯეს ვითი წანათ ჯიხას დოხუნა. ჯიხაშე დენიცი 1956 წანას გადუდიშულეს. უკულიანი პერიოდის ხვალე პენსიათ ცხოვრენდჷ ჰამბურგიშ გოხოლუას. დენიციშ მემუარეფქ "მემუარეფი: ვითი წანა დო ეჩი დღა" გიშართჷ 1958 წანას.