კრისტოფერ რენი
სერ კრისტოფერ რენი (ინგლ. Sir Christopher Wren; დ. 30 გჷმათუთა [ჯვ. სტ. 20 გჷმათუთა], 1632, უილტშირი, ინგლისი — ღ. 8 მელახი [ჯვ. სტ. 25 ფურთუთა], 1723, ლონდონი, ინგლისი) — ინგლისარი არქიტექტორი, თაშნეშე ფიზიკოსი, მათემატიკოსი, ასტრონომი დო ანატომი. რენიშ არქიტექტურული პროექტეფი ორხველუდჷ ინგლისური ბაროკოშ სტილს. დიდი დაჩხირიშ (ნამუქჷთ ლონდონს გორჩქინდჷ 1666 წანაშ 2-6 ეკენიას) უკულ, კრისტოფერ რენიქ დუდშე ეიოგჷ 52 ეკლესია. რენიშ არძაშე უმოსო რჩქინელ პროექტო მერჩქინელი რე წიმინდე პავლეშ კათედრალი, ნამუშ ეგაფაქ 1710 წანას ითუ დო ნამუთ იკოროცხუ რენიშ შედევრო.
| კრისტოფერ რენი | |
| ინგლ. Christopher Wren | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
მელახი 8, 1723 (90 წანერი) |
| ღურაშ აბანი: |
ლონდონი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | |
| ჯილდოეფი დო პრემიეფი: | |
.svg){kind=small}
რენიშ შხვა პროექტეფიშე ეიოშანალი რე ჩელსიშ ომაფე ჰოსპიტალი, გრინვიჩიშ ჰოსპიტალი დო ჰემპტონ-კორტიშ ობჟათე ნორთი.
კრისტოფერ რენი გურაფულენდჷ ფიზიკას დო ლათინურ ნინას ოქსფორდიშ უნივერსიტეტის. რენი რდჷ ლონდონიშ ომაფე ჯარალუაშ ართ-ართი დუმარსხუაფალი დო თიში პრეზიდენტი 1680–1682 წანეფს. თაშნეშე რენი რდჷ ინგლისიშ პარლამენტიშ მაკათური. რენიშ ომენცარე ნახანდეფს პოზიტიურო აფასანდეს გიშარჩქინელი მენცარეფი ისააკ ნიუტონი დო ბლეზ პასკალი.
რესურსეფი ინტერნეტის
რედაქტირაფა- კრისტოფერ რენიშ ბიოგრაფია BBC-ის
- კრისტოფერ რენი Maths History-ის
- კრისტოფერ რენი encyclopedia.com-ის
- რენიშ ბიოგრაფია Freemasonry ვებსაიტის
- კრისტოფერ რენი ერუანულ-ბიოგრაფიულ ლექსიკონს
- კრისტოფერ რენი ენციკლოპედია ბრიტანიკას
- რენიშ დაპროექტებული ეკლესიეფიშ 360 გრადუსიანი ინტერიერი