კურიტიბაშ ბოტანიკური ბაღი
კურიტიბაშ ბოტანიკური ბაღი (პორტ. Jardim Botânico de Curitiba; Jardim Botânico Fanchette Rischbieter) — პარკი, ნამუთ იდვალუაფუ ნოღა კურიტიბას, ობჟათე ბრაზილიაშ უდიდაში ნოღა დო პარანაშ შტატიშ ნანანოღას.
თინა წჷმარინუანც ტურისტეფშო უთარაში მიკმაჭოფალი ნოღას, სოდეთ თაშნეშე იდვალუაფუ პარანაშ ფედერალური უნივერსიტეტიშ კამპუსიშ ნორთი. თიში ოერეფოშქაშე ოიდენტიფიკაციე კოდი რე „კურიტი“ („CURIT”).
ბოტანიკური ბაღიქ გინწყჷ 1991 წანას, ნამუთ წჷმორინაფილი რდჷ ფრანგული ბაღეფიშ სტილც. ოზეშკარც მინალუშენო, შადრევანეფიშ, წყარგიმალაფუეფიშ, ტობეფიშ დო 458 მ² ფართობიშ მაღვენჯი ოტიბურიშ (ნამუდგაშ ინტერიერსჷთ რე ჩანარეფიშ ანგეფი, ნამუეფით დუმახასიათაფილიე ტროპიკული რეგიონეფშო) შქაგურს იფაჩუ ფირჩა, ფრანგული სტილიშ ბაღეფი. მინალუშენო, ვიზიტორეფც ათმარჩუნა პეულეფიშ ნოხი. თინა იკჷნენც 240 000 მ² ფართობის. თარი ოტიბური, არტ-ნუვოშ სტილს, ალმახანური მეტალიშ სტრუქტურათ, მეგჷ შქა მა-19 ოშწანურაშ კრისტალ პალასის, ნამუთ იდვალუაფუ ლონდონც. ბოტანიკური მუზეუმი, სოდეთ წჷმორინაფილიე აბანობური ფლორაშ ნაციონალური კოლექცია, მიკმიჭოფანს კილმაგორალეფს ედომუშამი მოსოფელშე. თინა ფორუნც მიარე ბოტანიკურ ბუნეფს ბჟაეიოლ ბრაზილიაშ ლამე ატლანტიკური ტყაშე.
აბანობურ ტყას მიარეთიე ოფელურული კუჩხიშარეფი. ოტიბურიშ უკოხოლე იდვალუაფუ პოლონარი ბრაზილიარი ხელუანიშ, ფრანც კრაბერგიშ მუზეუმი, ნამუთ მეთხოზჷდ ორთაშ თხილუაშ საქვარც; 1,320 კვადრატული მეტრი ტერიტორია, დორთილიე მულტიმედიურ ოკლასე თოლეფო. აუდიტორიას გორანწკილიე 60 დახუნალი, სოდეთ მუთმოხვადუ შხვადოშხვა ნახანდეფიშ გჷმოფინუეფი, წჷმორინაფილი სკულპტურეფით ფოტოგრაფიეფით, ვიდეოეფით, პუბლიკაციეფით დო ოგანმანათლებლე მოღეეფით.
მაჟირა ჸურე იდვალუაფუ ბოტანიკური მუზეუმი. თენა რე ჯაში ნოდგჷმი, ნამუსჷთ გარჩქჷ ხინჯიშ მინალი, ნამუთ თაშნეშე რე ჯაში მოღეშე ხაზირაფილი. კურიტიბაშ ბოტანიკურ ბაღის გარჩქჷ ქიანას სიდიდათ მაანთხა ჰერბარიუმი. ნოდგჷმიშ წოხოლე იდვალუაფუ ღანჩო, ნამუთ ეფშა რე კობრეფით, კორკილეფით, იხვინჯეფით, ჸანჩეფით დო ა.უ. თაქინეშეს იდვალუაფუ ტობა, აუდიტორია, ბიბლიოთეკა, ოგჷმოფინუ ფართი, თეატრი, ჩოგბურთიშ კორტეფი დო ოველოსიპედე შარა.
.jpg)
