კურტ ფონ შლაიხერი
კურტ ფერდინანდ ფრიდრიხ ჰერმან ფონ შლაიხერი (გერმ. Kurt Ferdinand Friedrich Hermann von Schleicher; დ. 7 პირელი, 1882 — ღ. 30 მანგი, 1934) — გერმანალი ოურდუმე დო პოლიტიკური მოღალე, გენერალი, გერმანიაშ კანცლერი 1932 წანაშ 3 ქირსეთუთაშე 1933 წანაშ 30 ღურთუთაშახ.
| კურტ ფონ შლაიხერი Kurt von Schleicher | ||
(2).jpg) შლაიხერი 1932 წანას | ||
| გერმანიაშ კანცლერი | ||
|---|---|---|
| პოსტის გერინაშ ბორჯი | ||
| 3 ქირსეთუთა, 1932 – 30 ღურთუთა, 1933 | ||
| პრეზიდენტი | პაულ ფონ ჰინდენბურგი | |
| წიმოხონი | ფრანც ფონ პაპენი | |
| მონძე | ადოლფ ჰიტლერი | |
| პოსტის გერინაშ ბორჯი | ||
| 3 ქირსეთუთა, 1932 – 30 ღურთუთა, 1933 | ||
| წიმოხონი | ფრანც ფონ პაპენი | |
| მონძე | ფრანც ფონ პაპენი | |
| პოსტის გერინაშ ბორჯი | ||
| 1 მანგი, 1932 – 30 ღურთუთა, 1933 | ||
| კანცლერი | ფრანც ფონ პაპენი მუ | |
| წიმოხონი | ვილჰელმ გრენერი | |
| მონძე | ვერნერ ფონ ბლომბერგი | |
| დუნაბადი | 7 პირელი, 1882 ბრანდენბურგი, ბრანდენბურგი, პრუსია, გერმანიაშ იმპერია | |
| ნაღურა | 30 მანგი, 1934 (52 წანერი) ბაბელსბერგი, ნაცისტური გერმანია | |
| ერუანობა | გერმანალი | |
| პოლიტიკური პარტია | უპარტიე | |
| ალმასქუ | ელისაბედ ფონ შლაიხერი | |
| გონათაფა | პრუსიაშ ოურდუმე აკადემია | |
| საქვარუა | ოურდუმე მოღალე, პოლიტიკოსი | |
შლაიხერი გურაფულენდჷ პრუსიაშ ოურდუმე აკადემიას. უკულ ნინალენდჷ პრუსიაშ არმიას დო მონაწილენდჷ მაართა მოსოფელიშ ლჷმას. ლჷმაშ თებაშ უკულ, თის შანულამი პოსტეფი უკინებუდჷ ვაიმარიშ რესპუბლიკაშ აკოანჯარაფილი ნძალეფს დო 1926 წანაშე რდჷ პრეზიდენტი პაულ ფონ ჰინდენბურგიშ კონსულტანტი. 1928 წანას გერმანიაშ დუდთხილუაშ მინისტრო გინირთჷ ვილჰელმ გრენერქ, ნამუთ შლაიხერიშ მენტორი რდჷ. თიქ, 1929 წანას, შლაიხერი ქუდარინუ დუდთხილუაშ სამინისტროშ ომინისტრე საქვარეფიშ ოფისიშ მადუდეთ. 1932 წანაშე შლაიხერს უკინებუდჷ დუდთხილუაშ მინისტრიშ პოსტი, ფრანც ფონ პაპენიშ კაბინეტის. პაპენიშ პოსტიშე გინორინაფაშ უკულ, კანცლერო გინირთჷ შლაიხერქ. კანცლერობაშ ბორჯის თინა ოცადუდჷ ადოლფ ჰიტლერიშ დო ნაცისტური პარტიაშ ამბიციეფიშ დოდაღარაფას, მარა უშედეგეთ. პოლიტიკური პრობლემეფიშ გეშათ, 1933 წანაშ 28 ღურთუთას შლაიხერქ კანცლერიშ პოსტიშე გეგნოდირთჷ. უკულ, ჰინდენბურგიქ კანცლერო ჰიტლერი ქუდარინუ. გჷნძე ხამუეფიშ სერიშ მიმალობას, სს-არეფქ შლაიხერი დოჸვილეს, 1934 წანაშ 30 ივანობას.