ჟან-ბატისტ ბიო (ფრანგ. Jean-Baptiste Biot; დ. 21 პირელი, 1774, პარიზი, საფრანგეთი — ღ. 3 ფურთუთა, 1862, პარიზი, საფრანგეთი) — ფრანგი ფიზიკოსი, ასტრონომი დო მათემატიკოსი.

ჟან-ბატისტ ბიო
ფრანგ. Jean-Baptiste Biot
დაბადებაშ თარიღი:

21 პირელი, 1774

დაბადებაშ აბანი:

პარიზი, საფრანგეთი

ღურაშ თარიღი:

ფურთუთა 3, 1862 (87 წანერი)

ღურაშ აბანი:

პარიზი, საფრანგეთი

მენოღალობა:

საფრანგეთიშ შილა საფრანგეთი

ომენცარე სფერო:

ასტრონომია, მათემატიკა, ფიზიკა

სამუშაშ აბანი :

კოლეჯ დე ფრანსი

ალმა-მატერი:

პოლიტექნიკური სკოლა

ომენცარე ხემანჯღვერი:

გასპარ მონჟი

ჯოხოშინელი მოგურაფეეფი:

შარლ-ეჟენ დელონე

ჯილდოეფი დო პრემიეფი:


რუმფორდიშ მენდალი (1840)
საფრანგეთიშ მენცარობეფიშ აკადემიაშ მაკათური (1803)
ლონდონიშ ომაფე ჯარალუაშ ურცხოალი მაკათური (1815)

ხეშმოჭარუა:

ჟან-ბატისტ ბიო გურაფულენდჷ პარიზიშ პოლიტექნიკურ სკოლას. მუშენდჷ მათემატიკაშ პროფესორო დიო ნოღა ბოვეს დო უკულ ფიზიკაშ პროფესორო კოლეჯ დე ფრანსის.

1804 წანას ჟან-ბატისტ ბიოქ დო ჟოზეფ ლუი გეი-ლუსაკიქ წყარბადიშ ბურთით ეფურინეს დო მიოჭირინეს 4,000 მეტრაშ სიმაღალას დო გიმირკვიეს დიხაუჩაშ მაგნიტური ვეშ კონდიციეფი.

ჟან-ბატისტ ბიოქ დო ფელიქს სავარიქ წჷმარინეს მაგნეტოსტატიკაშ კანონი, ნამუთ თინეფიშ ჯოხონობაშ რე. კანონი ორხველჷ მაგნიტური ვეშ გენერაციას ელექტრული დენით.

ჟან-ბატისტ ბიოქ 1803 წანას გიმირკვიუ ლეგლიშ კომუნას (ნორმანდია) ნაძირეფი მეტეორიტეფი დო აკეთჷ თინეფიშ მენცარული ანალიზი. ბიოშ ნტკიცებათ ჸათე "ქუალეფი" უქიანოშე რდჷ.

1810-იან წანეფიშე ბიო უმოსო მოღალენდჷ ოპტიკას. ჸათე პერიოდიშე თიქ მიშეღჷ დიდი თია სინთეშ პოლარიზაციაშ რკვიებაშა.

ჟან-ბატისტ ბიო რდჷ შხვადოშხვა პრემიეფიშ დო ჯილდოეფიშ ლაურეატი. 1803 წანაშე რდჷ საფრანგეთიშ მენცარობეფიშ აკადემიაშ დო 1815 წანაშე ლონდონიშ ომაფე ჯარალუაშ მაკათური.

ჟან-ბატისტ ბიოშ ჯოხონობაშ რე ელექტრომაგნიტური ართული ბიო დო მინერალი ბიოტიტი.

რესურსეფი ინტერნეტის რედაქტირაფა

 
ვიკიოწკარუეს? რე ხასჷლა თემაშენ: