სკანდერბეგი

გეორგ კასტრიოტი, ფართოთ ჩინებული მუჭოთ სკანდერბეგი (დ. 6 მესი, 1405, დიბრა — ღ. 17 ღურთუთა, 1468, ლეჟა) — ალბანეთიშ თარი. ალბანეთიშ ერუანული გერგეზი.

კასტრიოტიშ დინასტიაშ გერბი სკანდერბეგი
გეორგ კასტრიოტი
სკანდერბეგიშ პორტრეტი 1466 წანას, სკანდერბეგიშ დოხორეს, რომი, იტალია
ალბანეთიშ თარი ლათ. Dominus Albaniae
დუდალ. დაჭყაფუ:	28 გერგობათუთა, 1443
დუდალ. დათებუ:	17 ღურთუთა, 1468
კორონაცია:	2 მელახი, 1444 (გეორგ არიანიტიშ მონძალათ)
წიმოხონი:	გიონ კასტრიოტი
მონძე:	გიონ II კასტრიოტი
დაბ. თარიღი:	დოხოლ. 1405 წანას
დაბ. აბანი:	შილებე სინა, კასტრიოტიშ სათარო
ღურ. თარიღი:	17 ღურთუთა, 1468 (62 წანერი)
ღურ. აბანი:	ალესიო, ვენეციაშ ალბანეთი (თეხანური ლეჟა, ალბანეთი)
ალმასქუ:	დონიკა არიანიტი
სქუალეფი:	გიონ II კასტრიოტი
ედომუშამი ჯოხო:	კასტრიოტიშ სათაროშ თარი, ლეჟაშ ლიგაშ თარსარდალი
დინასტია:	კასტრიოტეფი
მუმა:	გიონ კასტრიოტი
ნანა:	ვოისავა ტრიპალდა
რელიგია:	მართმადიდებელობა (1405–1423) ისლამი (1423–1443) ბჟაეიოლიშ კათოლიციზმი (1443–1468)
ხეშმოჭარუა:

ბიოგრაფია

გეორგ კასტრიოტი ბაღანობას ოსმალეთიშ სულთან მურად II-შ ჭკორი რდჷ. მიოღებაფეს ისლამი დო ჩარიცხეს ოსმალეფიშ ლესქერს. მუჭოთ ჭკვერი ცხენენჯმადუდექ, ბეიშ ტიტული მიღჷ დო ალექსანდრე მაკედონარიშ ჯოხო ისკანდერ-ბეი გიოდვეს. ირო უღუდჷ რსხუ ალბანარ პატრიოტეფწკჷმა. 1443 წანას, ბალკანეთის ოსმალური არმიაშ აკოდგინალუს კათაფაშ ბორჯის, მიხუჯჷ რტინა წორომოარზეეფწკჷმა ართო დო ოსმალეფიშ მეხჷ ბურჯაფის ქეგუდირთჷ დუდო. ისკანდერ-ბეიქ გეგნორაჸჷ ოსმალური გარნიზონეფი ალბანეთიშე. 24 წანაშ ხანს, ღურაშახ თინა წჷმოძინელო დითმითხინუანდჷ თურქეფიშ მინოკათუეფს. თიში ღურაშ უკული ჟინოთეფს შქას უმუხუჯალაქ ჸოინიერო დასუსტჷ ალბანეთი. თეშ უმკუჯინალო, სულთანს ხოლო 11 წანაქ აჸუ ოხვილურქ ალბანეთიშ დაჸუნაფალო.

შვენა

1953 წანას, სხუნუეფიშ რსხუს გინიღეს ფილმი ალბანეთიშ კაბეტი მელიმორი სკანდერბეგი (ალბ. Skënderbeu, რუს. Великий воин Албании Скандербег), ნამუქჷთ 1954 წანაშ კანიშ კინოფესტივალს სპეციალური პრიზი მიღჷ. ფილმს სკანდერბეგიშ როლს აკაკი ხორავა არსულენს.

ლიტერატურა

• კოტე ანთაძე, ლალი ფირცხალავა, შუა საუკუნეების ისტორია, გამომცემლობა „კონა“ თბ., 2003