ფელიქს დერელი
ფელიქს დერელი (ფრანგ. Félix d'Hérelle; დ. 25 პირელი, 1873 — ღ. 22 ფურთუთა, 1949) — ფრანგი მიკრობიოლოგი, ართ-ართი მაართა მენცარი, ნამუქჷთ ბაქტერიოფაგეფს მიოგორუ. რდჷ ფაგოთერაპიაშ ართ-ართი დუმარსხუაფალი.
| ფელიქს დერელი | |
| ფრანგ. Félix d'Hérelle | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
ფურთუთა 22, 1949 (75 წანერი) |
| ღურაშ აბანი: |
პარიზი, საფრანგეთი |
| მენოღალობა: | |
| ომენცარე სფერო: | |
| სამუშაშ აბანი : | |
| ალმა-მატერი: | |
| ჯილდოეფი დო პრემიეფი: |
ლევენჰუკიშ მენდალი (1925) |
.svg){kind=small}
დუდშე ბაქტერიოფაგეფი მერჩქინელი რდჷ ტიფიშ დო ქოლერაშ კურნალუაშ ეფექტური მეთოდო, მარა პენიცილინიშ გოვითარაფაშ უკულ, მენცარეფქ ბაქტერიოფაგეფი გიჭყოლიდეს. 1970-იანი წანეფიშე, მუჟამსჷთ ბაქტერიეფქ ოძირეს რეზისტენტულობა ანტიბიოტიკეფიშ მეხჷ, ბაქტერიოფაგეფქ კინ გინირთჷ მენცარეფიშ ინტერესეფიშ სფეროთ.
ფელიქს დერელიქ დებადჷ პარიზის. გურაფულენდჷ კონდორსეშ ლიცეუმს, უკულ გურაფა გაგინძორჷ ბონიშ უნივერსიტეტის. ახალნორდობაშე დერელი ბრელს შარალენდჷ. რდჷ ევროპაშ შხვადოშხვა ქიანეფს, ოორუე დო ობჟათე ამერიკას, ეგვიპტეს, ინდოეთის. 1934 წანას დერელიქ სსრრ-შა მიდართჷ. რდჷ ქართის ხოლო, სოდეთ ართი პერიოდის გიორგი ელიავაწკჷმა მუშენდჷ.
მაჟირა მოსოფელიშ ლჷმაშ პერიოდიშე, ინფექციური ლახარეფიშ კურნალუაშ ორქოშ სტანდარტო მერჩქინელი რდჷ პენიცილინი. ბჟადალიშ ქიანეფიშ დახე არძო კლინიკას კურნალენდეს პენიცილინით. მენცარეფქ გიჭყოლიდეს ფაგოთერაპია, თაშნეშე ფელიქს დერილი ხოლო. დერილიქ ღურუ პარიზის, 1949 წანას, პანკრეასიშ კიბოთ.
დერილიქ 1925 წანას მიპალუ ლევენჰუკიშ მენდალი. ნობელიშ პრემიაშა რდჷ ნომინირაფილი ვითიშა, მარა პრემია დღას ვემუღებჷ.