ფირვალდშტეტიშ ტობა

ფირვალდშტეტიშ ტობა (გერმ. Vierwaldstättersee; ლუცერნიშ ტობა) — ტობა შვეიცარიაშ ცენტრალურ ნორთის, ალპეფიშ კართეს. ტობა დინორე გვალეფოშქაშე ტექტონიკურ ქვიბის, ნამუშ ქვინჯი ჯვეში ჯიშთეფშე რე მოტაბაკელი. ტობა ზუღაშ დონეშე 434 მ სიმაღალას იდვალუაფჷ. ტობაშ ფართობი — 114 კმ². მაქსიმალური სიტომბა — 214 მ. წყარიშ ნტირა — 11.8 კმ³. ტობაშ წყარპიჯიშ დიდი ნორთი კვათირო იმაღალებჷ გვალეფიშჸურე — 1500 მ სიმაღალაშახ. ელმოლშე ტობას გვალეფი ომძღჷ. ტობაშ ლანდშაფტი სქვამი რე. ტობაშ მუკი-მუკი ომძღჷ პილატუსიშ დო რიგიშ გვალეფი. ტობას მეურს წყარმალუ როისი. თაშნეშე ინმაკათუ როისიშ ღანჩოშ მუსხირენი მორჩილი ნადუ. ტობა აკმოდირთჷ ოთხი ღანჩოშე, ნამუეფით ართიანწკჷმა მერსხილი რე ინწრო (1 კილომეტრშახ) საროტეფით.

ფირვალდშტეტიშ ტობა
გერმ. Vierwaldstättersee
ფირვალდშტეტიშ ტობა
კოორდინატეფი: 47.019444,8.40111147°01′10″ ოორ. გ. 8°24′04″ ელ. გ.
ორენი	შვეიცარია
სიმაღალა ზუღაშ დონეშე	434 მ
ფართობი	114 კმ²
მოცულობა	11.8 კმ³
მაქსიმალური სიტომბა	214 მ
ინმალი წყარმალუეფი	როისი
გჷშმალი წყარმალუ	როისი
ფირვალდშტეტიშ ტობა

ზარხულს წყარიშ დონე იძინანს, ნამუთ გოპიჯალაფირი რე გვალეფს ჯიშთეფიშ წირადუათ. წყარი უჯიმოლი რე, ფერო მოცაშფერე. 1601 წანას მოხვალამირ ჭყანიერ დიხაშნწალუაქ ტობას ცუნამი გჷმიჭანჷ, რეღმეფიშ სიმაღალაქ 4 მეტრის მიოჭირინჷ. ტობა სანიშოლი რე. გოვითარაფილი რე ჩხომჭოფუა. ტობას ხე კალმახა. ტობაშ წყარპიჯის მიარე კურორტი რე, თინეფს შქას ლუცერნი (ტურიზმი).

თაშნეშე ქოძირით

• შვეიცარიაშ ტობეფიშ ერკებული

რესურსეფი ინტერნეტის

• შეგილებუნა ქოძირათ მედიაფაილეფი თემაშე „ფირვალდშტეტიშ ტობა“ ვიკიოწკარუეს.
• ფირვალდშტეტიშ ტობა (რუს.) — სტატია დიდი სხუნუეფიშ ენციკლოპედიაშე

• ფირვალდშტეტიშ ტობა (ინგლისური) — სტატია ენციკლოპედია ბრიტანიკაშე