ეკვატორული გვინეა

ეკვატორული გვინეაშ რესპუბლიკა
ეკვატორული გვინეაშ რესპუბლიკა ესპ. República de Guinea Ecuatorial; ფრანგ. République de la Guinée Équatoriale; პორტ. República da Guiné Equatorial; ეკვატორული გვინეა
	დევიზი: Unidad, Paz, Justicia („ართობა, თინჩალა, სამართალიანობა“)
	ჰიმნი: Caminemos pisando las sendas;
	ეკვატორული გვინეაშ ორენი
ნანანოღა; (დო უკაბეტაში ნოღა)	მალაბო; 3°21′ ოორ. გ. 8°40′ ელ. გ. /
ოფიციალური ნინა(ეფი)	ესპანური, ფრანგული, პორტუგალიური
თარობა	საპრეზიდენტო რესპუბლიკა
ფართობი
მახორობა
აგი (2013)	0,554 (ოშქაშე) (136-ა)
ვალუტა	სფა ფრანკი (XAF)
ბორჯიშ ორტყაფუ	WAT (UTC+1)
ქიანაშ კოდი	GNQ
Internet TLD	.gq
ოტელეფონე კოდი	+240

ეკვატორული გვინეა, ედომუშამი ოფიციალური ჯოხოდვალა — ეკვატორული გვინეაშ რესპუბლიკა (ესპ. República de Guinea Ecuatorial; ფრანგ. République de Guinée Équatoriale) - ქიანა ცენტრალურ აფრიკას. 28,000 კვ. კმ. ფართობით რე აფრიკაშ ართ-ართი არძოშე მორჩილი ქიანა. ქიანაშ მახორობა აკმადგინანს 704 001 ადამიერს. ქიანა უხურგანს კამერუნს დო გაბონს. ქიანას ომძღჷ გვინეაშ საროტი.

ეკვატორული გვინეა აკმოდირთუ მატერიკულ (რიო-მუნი — 26 ვთშ. კმ²) დო კოკაშური (ბიოკო — 2 ვთშ. კმ², კორისკო, ანობონი დო შხვა კოკეფშე.) ნორთეფშე. ქიანაშ ნანანოღა — ნ. მალაბო, ნამუთ იდვალუაფუ კოკი ბიოკოს.

ორთაშობური პირობეფი

ეკვატორული გვინეაშ მატერიკული ნორთი — რიო-მუნი — წჷმარინუანს 600—900 მეტრიან ლაკადას, ატლანტიშ ოკიანეშ წყარპიჯიშ მანგას — რზენი რე.

ეკვატორიული კლიმატი, ირო ლამე ჰავა. ოშქაშე თუთაშური ტემპერატურა — +24 °C — +28 °C. ნოლექეფი — 2000 მმშე უმოსი წანმოწანაშ გოძვენას.

ქიანაშ ოწყარმალუე რშვილი ძალამ ბრელი დო წყარხვეიანი რე.

ჩანარობა — ლამე ეკვატორული ტყალეფი. ჩანს 150-შე უმოსი ფასდვალირi ჯალეფიშ გვარობა — ზეთიშ დო ქოქოსიშ პალმეფი, ქობალიშ ჯა, რკინაშ ჯა, ოკუმე დო შხვ.

ქიანა ჩხოლარობათ დიდარი დო მიარეფერუამი რე — ხე შხვადოშხვა გვარობაშ ქიეფი, მუნჭყვეფი, ლეოპარდეფი, ანტილოპეფი დო შხვ. მიარეთ ხე გვერეფი, ფურინჯეფი, ჭანდეფი, ბორბოლიაშობურეფი.

ადმინისტრაციული დორთუალა

თარი სტატია: ეკვატორული გვინეაშ პროვინციეფი.

ეკვატორული გვინეაშ პროვინციეფი - ეკვატორული გვინეა ირთუა 2 რეგიონო დო 7 პროვინციათ^[2]:

რეგიონეფი

პროვინციეფი

ეკვატორული გვინეაშ პროვინციეფი

1-3 პროვინცია ორხველჷ კოკამ გვინეას დო 4-7 კონტინენტურ გვინეას.

პროვინციეფ მუშჸურე ირთუნა რეგიონეფო. ^[3]

მახორობა

თარი სტატია: ეკვატორული გვინეაშ დემოგრაფია.

მახორობაშ მუდანობა — 704 001 ვთშ. (2013 წანაშ კვირკვეშ თუთაშო ფასებათ).

ონოღე ძინა — 2,7 % (ფერტილურობა — 5 ჩჷქჩჷ ართ ოსურშა, ჩჷქჩჷუეფიშ ღურაფა — 79 - 1000-შა).

თელარაშ ოშქაშე მუდანობა — 62 წანა.

იმუნოდეფიციტური ლახარათ დალახება (აივ) — 3,4% (2007 წანაშ ფასებათ).

ნოღაშ მახორობა — 39 %.

ქიანაშ უშხუაში ეთნიკური ბუნეფი რე ფანგი (86%) დო ბუბი (7%), მახორობაშ მორჩილ ნორთი (1%-შე მერკე) — ევროპალეფი (უმენტაშო ესპანარეფი).

ნინეფი — ესპანური (დოხოლაფირო მახორობაშ 2/3 უჩქჷ) დო ფრანგული (მახორობაშ 1/3-შე მერკეს უჩქუ) — ოფიციალურ ნინეფ რე; აკანური ნინეფი — ფანგი დო ბუბი.

რელიგია — ნომინალურო კათოლიკეფი, მარა პრაქტიკას გიმირინუანა აკანურ რწუმეფს.

ჭარუა-კითხირიშ რჩქინა — 93% ქომოლკათას დო 80% ოსურკათას (2000 წანაშ ფასებათ).

ეკონომიკა

ორთაშობური რესურსეფი — ნაბთობი, გაზი, ჯა-ტყა, ორქო, ბოქსიტეფი, ალმასეფი, ტანტალი (მეტალი).

ედპ-შ სტრუქტურა (2009 წანას):

ოფუტეშ მეურნობა — 2,4 %
წარმება — 93,3 %
ნინალაშ სფეროეფი — 4,2 %

ოფუტეშ მეურნობას მოჸუნა — ყავა, კაკაო, ორზა, იამსი, კასავა (ტაპიოკა), ბანანეფი, ქოქოსეფი; ამრავლენა ჩხოლარეფს.

წარმება — ნაბთონიშ მოპალაფა (2013 წანას — 14,6 მლნ ტონა^[4]) დო გაზი. ეკვატორული გვინეა — თხიერი ორთაშობური გაზიშ მაწარმებელი დო ექსპორტიორი რე. თარი მაჸიდე რე — ააშ.

აკოანჯარაფილი ნძალეფი

თარი სტატია: ეკვატორული გვინეაშ აკოანჯარაფილი ნძალეფი.

ერუანული გვარდია — ეკვატორულ გვინეაშ ჯარიშ თარი აკოანჯარაფილი ნძალა რე. თიშ რანწკეფს იკოროცხუ დოხოლაფირო 1,3 ვთშ. ადმ. (1100 ადამიერი — ოსქირონე ჯარი, 100 ადამიერი — ოურდუმე-ოჰეერე ნძალეფი).

ოინტერესე ფაქტეფი

თიშ უმკუჯინალო, ნამჷ-და გვინეას ეკვატორიული ჯოხონ, ეკვატორი უმოს ობჟათეშე გოჸუნს, ვინდარო ქიანა იდვალუაფუნ.

რესურსეფი ინტერნეტის

ინფორმაცია ააშ-იშ ცენტრალური ოდოზვერუე ომართუეშ ვებ-ხასჷლაშე Archived 2020-08-31 ვებ-ხასჷლას Wayback Machine.
ინფორმაცია ხასჷლაშე Travel.ru
ინფორმაცია ხასჷლაშე Geogid.ru Archived 2015-09-08 ვებ-ხასჷლას Wayback Machine.
ეკვატორული გვინეაშ სურათეფი Archived 2015-08-11 ვებ-ხასჷლას Wayback Machine.
ეკვატორული გვინეაშ აკოანჟარაფილი ნძალეფი/ ბეტა მაფურინჯეშ გინოჩამა Archived 2016-03-05 ვებ-ხასჷლას Wayback Machine.

სქოლიო

↑ Countries and Areas Ranked by Population. U.S. Department of Commerce (2013). კითხირიშ თარიღი: 2013-10-26.
↑ http://www.dgecnstat-ge.org/Datos/estructurales/Poblacion.htm Archived 2012-12-22 ვებ-ხასჷლას Wayback Machine.
↑ http://www.statoids.com/ygq.html
↑ Стратегии нефтегазовых ТНК в странах Африки южнее Сахары, С. 167

[1] Countries and Areas Ranked by Population. U.S. Department of Commerce (2013). კითხირიშ თარიღი: 2013-10-26.

[2] ttp://www.dgecnstat-ge.org/Datos/estructurales/Poblacion.htm Archived 2012-12-22 ვებ-ხასჷლას Wayback Machine.

[3] ttp://www.statoids.com/ygq.html

[4] Стратегии нефтегазовых ТНК в странах Африки южнее Сахары, С. 167

[1]

[2]

[3]

[4]