კამპანია (იტალია)

კამპანია (იტალ. Campagnia) — ოფუტე-ომეურნე რეგიონი ობჟათე იტალიას. ჯოხო მოურს ლათინურშე, რომაალეფქ თის Campania felix (ბედინერი დიხა) გიოდვეს. რეგიონიშ მახორობა 5 772 625 ადამიერს აკმადგინანს დო თე მაძირაფალით იტალიაშ მაჟირა არძაშე მიარეკათამი რეგიონი რე. რეგიონიშ ფართობი — 13 670,95 კმ² რე დო ქიანაშ არძაშე მეჭედელო დოხორელ რეგიონს წჷმარინუანს. რეგიონი აპენინიშ ჩქონს, ბჟადალშა გიშალი უღჷ ტირენიაშ ზუღაშა. ადმინისტრაციულო თიშ დოჸუნალაშა მიშმურს ფლეგრინიშ კოკეფი დო კოკი კაპრი.

კამპანია
იტალ. Campagnia

გერბი	შილა
ქიანა	იტალია
სტატუსი	რეგიონი
მიშმურს	4 პროვინცია +1 მეტროპოლიური ნოღა
ფორჷნს	550 კომუნა
ადმინ. ცენტრი	ნეაპოლი
შხუ ნოღა	ნეაპოლი
შხუ ნოღეფი	სალერნო, კაზერტა
დორსხუაფაშ თარიღი	1948
მადუდე	ნოღაშ მერ|პრეზიდენტი: ვინჩენცო დე ლუკა
ოფიც. ნინა	იტალიური
მახორობა (2019)	5 772 625
მეჭედალა	422,25 კოჩი/კმ²
ფართობი	13 670,95 კმ² (12-ა აბანი)
სიმაღალა ზუღაშ დონეშე  - უმაღალაშ ჭურჭული	322 მ
ბორჯიშ ორტყაფუ	UTC+1
კოდი ISO 3166-2	IT-72
ოფიციალური ვებ-ხასჷლა
	Campagnia

ხანგჷრძე ისტორიაშ მაღვენი კამპანია ბჟადალი ცივილიზაციაშ ცენტრის იდვალუაფუდჷ. მაართაშე თიში კოლონიზაცია ჯვეშ ბერძენეფქ მანჯეს დო დიდი საბერძნეთიშ (Magna Græcia) აკოდგინალუაშა მიშმურს, სოიშახ ჭყანას მიკათუანდჷ რომიშ რესპუბლიკა. რომაულ ხანს თე ტერიტორია იმპერატორეფიშით მაღალი კულტურაშ კერიათ რდჷ მერჩქინელი, თიშ გეშა, ნამჷ-და თაქ წორწოთ რე წჷმორინაფილი მუჭოთ ბერძენული, თეშ რომაული კულტურეფი. შქა ოშწანურეფს, ბიზანტიაშ იმპერიაშ დო ლომბარდიალეფიშ ხეშა თე არანს მიარე ოჰერცოგე დო ოთავადე უღუდჷ.

ნორმანეფიშ მართუალაშ ხანს, რეგიონქ სიცილიაშ ომაფეს ქემიარსხჷ, მარა მორჩილი ხანიშ უკული თინა ნეაპოლიშ ომაფექ ქიხვამილჷ. ზუსტას თე პერიოდის ქაწაწჷ კამპანიას ესპანურ, ფრანგულ დო არაგონულ კულტურეფქ. მოგვიანაფათ, კამპანია ჟირი სიცილიაშ ომაფეშ აკმადგინალი ნორთო გჷნირთჷ ბურბონეფიშ მართუალათ, ნამუქჷთ 1860 წანაშახ იგჷნძორჷ, მუჟამსჷთ გეთუ იტალიაშ გოართოიანაფაქ დო რეგიონქ ახალასგოჭყაფილჷ იტალიაშ სახენწჷფოშ აკოდგინალუაშა გემშართჷ.

ჰერაშ ოხიდა პესტუმს, ჯვ. წ. 550 წ.

რეგიონიშ ნანანოღა რე ნეაპოლი. კამპანია დინდარი რე დორხველი კულტურათ, გოშაკერზაფილო საგესქუოთ, მუსიკათ, არქიტექტურათ, არქეოლოგიათ დო თიჯგურა უჯვეშაში ძეგლეფით, მუჭომით რე პომპეი, ჰერკულანუმი დო პესტუმი. ორთაშობური ძეგლეფიშ სიდინდარე კამპანიას ტურისტული ინდუსტრიაშ წჷმოძინელ გაოვითარაფას გჷთმოპიჯანს, გიშაკერძაფილო ამალფაშ წყარპიჯის, ვეზუვიშ გვალას დო კოკი კაპრის.

• ფართობი — 13 670,95 კმ²
• მახორობა — 5 772 625 (2019 წ)
• ნოღეფი (ვთშ.) — ნეაპოლი (992), სალერნო (142), ჯულიანო-ინ-კამპანია (98), ტორე-დელ-გრეკო (93).
• მუშობურობეფი — თე რეგიონს იდვალუაფჷ ანტიკური ნოღეფი პომპეი, ჰერკულანუმი, პესტუმი, თაშნეშე ვულკანი ვეზუვი დო კოკი კაპრი.

თაშნეშე ქოძირით

• იტალიაშ ადმინისტრაციული დორთუალა

რესურსეფი ინტერნეტის

• ოფიციალური ვებ-ხასჷლა
• Campania Photo Gallery
• Map of Campania Archived 2005-10-30 ვებ-ხასჷლას Wayback Machine.
• Vesuvius Observatory