ლუგანოშ ტობა
| ლუგანოშ ტობა Lago di Lugano | |
|---|---|
| |
| კოორდინატეფი: 45°59′00″ ოორ. გ. 8°58′00″ ელ. გ. | |
| ფართობი | 48,7 კმ² |
| ოშქაშე სიტომბა | 134 |
| მაქსიმალური სიტომბა | 288 მ |
| აუზიშ ფართობი | 565,6 კკმ² |
| გჷშმალი წყარმალუ | ტრეზა |
ლუგანოშ ტობა (იტალ. Lago di Lugano ვარა Ceresio) — ჯიშთური ტობა ობჟათე-ბჟაეიოლ შვეიცარიას, იტალია-შვეიცარიაშ თანჯას. ჯოხოქ გიადუ ნოღა ლუგანოშე, ნამუთ კომოშ დო ლაგო-მაჯორეშ ტობეფს შქას იდვალუაფუ. ახ.წ. 590 წანას , გრიგოლ ტურელქ თის კერეზიო ქიგიოდუ,[1] ჯოხო, ნამუთ მუჭოთ მიოჩქჷნა, ლათინური სიტყვა cerasus-შე მოურს დო ბიბილო ბულს შანენს, მუთ მიოწურუანს ბიბილო ბულიშ ჯალეფიშ ხვეიანობაშე, ნამუეფით ართ ბორჯის უხვას ჸოფე გოფაჩილი ტობაშ წყარპიჯეფს.[2] 804 წანაშ დოკუმენტის ტობაქ ლაკო-ლუნასკოშ (Laco Luanasco) ჯოხოთ გამკორჩქინდჷ.[1]
ტობაშ ფართობი 48,7 კმ² რე, სოჸურეშეთ 63% შვეიცარიაშ ტერიტორიას გეხვილჷ, 37% — იტალიაშის. ოშქაშე სიგანა დოხოლაფირო 1 კილომეტრი რე, სიტომბა 288 მეტრა დო თინა ოორუე ნორთის იფიქსირებუ.
1848 წანას მიდლეშ დო ბისონეშ მუნიუციპალიტეტეფს შქას იჸუ დოკიდილქ მიდლეშ დამბაქ. თე მუნაკვათას გინმურს ავტომაგისტრალი დო გოტარდიშ რკინაშშარა, ნამუეფით ართიანწკჷმა ლუგანოს დო კიასოს მიორსხუანს. დამბა ართიანშე გჷშმართჷნს ოორუეშ დო ობჟათეშ აუზეფს.
ტობაშ წყარპიჯეფს გინოზინდილი რე ტურისტეფს შქას პოპულარული გვალეფი — მონტე-ბრე (925 მ), მონტე-სან-სალვატორე (912 მ) დო მონტე-ჯენეროზო (1 701 მ). ტობაშე ობჟათეჸურე იდვალუაფუ იუნესკოშ მოსოფელიშ მონძალაშ ობიექტი მონტე-სან-ჯორჯიო.
ქოძირით თაშნეშე
რედაქტირაფარესურსეფი ინტერნეტის
რედაქტირაფა- Lake Lugano Navigation Company იტალიურო -- Includes timetables
- Legambiente
- CIPAIS Commissione Internazionale per la Protezione delle Acque Italo-Svizzere იტალიურო limnologic reports
- Convenzione del 2 dicembre 1992 fra la Svizzera e l’Italia per la disciplina della navigazione sul lago Maggiore e sul lago di Lugano (con R e all.) იტალიურო, გერმანულო, (ფრანგული) აპიჯაფა ნავიგაციაშე
- Convenzione del 19 marzo 1986 tra la Confederazione Svizzera e la Repubblica Italiana per la pesca nelle acque italo-svizzere იტალიურო, გერმანულო (ფრანგული) აპიჯაფა ჩხომუაშე
- Waterlevels at Ponte Tresa from the Federal Office for the Environment
- Waterlevels at Melide, Ferrera from the Federal Office for the Environment
სქოლიო
რედაქტირაფა- ↑ 1.0 1.1 Historic Dictionary of Switzerland - Lake Lugano. კითხირიშ თარიღი: 2008-11-23. იტალიურო
- ↑ Il Gommone: Itinerari - Il Lago dei Ciliegi. კითხირიშ თარიღი: 2008-11-22. (in Italian)
