მონაკო

მონაკოშ სათარო (ფრანგ. Principauté de Monaco; მონაკ. Principatu de Múnegu; იტალ. Principato di Monaco; ოქსიტ. Principat de Mónegue) — ციქა ზოხორინელი სახენწჷფო რე ობჟათე-ელახ ევროპას, სქირონაშქა ზუღაშ ოორუე-ცენტრალურ პიჯის. სუმ დიხაშე ომძღჷ საფრანგეთი დო იტალიაშა მეძჷ 16 კილომეტრი. ფართობი რე 1,98 კმ.კვ. 2014 წანაშ მუნაჩემეფით, ქიანას ოხორანს 37 731 ადამიერი.

მონაკოშ სათარო ფრანგ. Principauté de Monaco მონაკო
დევიზი: Deo Juvante (ლათ.)
ჰიმნი: Hymne Monegasque
მონაკოშ ორენი
ნანანოღა		მონაკო 43.733333,7.41666743°44′ ოორ. გ. 7°25′ ელ. გ.
უკაბეტაში ნოღა		მონაკო, მონტე-კარლო, ლა-კონდამინი დო ფონვეი
ოფიციალური ნინა(ეფი)		ფრანგული
თარობა		დუალისტური კონსტიტუციური მონარქია
-	თარი	ალბერტ II
-	სახენწჷფო მინისტრი	პიერ დარტუ
ფართობი
-	გვალო	1.98 კმ2 (234-ა)
-	წყარი (%)	0,0
მახორობა
-	2014 ფასებათ	37 731 (218-ო)
-	მეჭედალა	18 679 ად/კმ2 (1-ა)
ედპ (ჸუპ)		2011 ფასებათ
-	გვალო	6 109 მილიონი (140-ა)
-	ართ მახორუშე	169694
ვალუტა		ევრო (EUR)
ბორჯიშ ორტყაფუ		UTC+1
-	ზარხულიშ (DST)	UTC+2 (UTC)
ქიანაშ კოდი		MCO
Internet TLD		[.mc]]
ოტელეფონე კოდი		+377

მონაკო რე სათარო კონსტიტუციური მონარქიაშ გიმე. ქიანაშ მადუდური რე პრინცი ალბერტ II. კანონმადვალუ ორგანო რე ჟირპალატამი პარლამენტი (24 მაკათური). 1861 წანაშე, რგებაფულენს ზოხორინალათ საფრანგეთიშ პროტექტორატიშ გიმე.

ქიანა გეჸვენჯი ერეფოშქაშე ორგანიზაციეფიშ მაკათური რე: გოერო (1993 წანაშე), ეუთო, ევროპაშ სხუნუ (2004 წანაშე), ინტერპოლი, იუნესკო, მოსოფელიშ ჯანთელობაშ ორგანიზაცია. მონაკოსქ იდვალუაფუ ერეფოშქაშე ჰიდროგრაფიული ორგანიზაციაშ შტაბ-ორენი. მონაკოს 12 დიპლომატიური მისია უღუ ბჟადალ ევროპას დო იროიანი წჷმმარინაფალი გოეროს დო ევროპაშ სხუნუს. 45 ქიანაშ 106 ნოღას მონაკოშ საპატიო საკონსულო იდვალუაფუ. მონაკოს 66 ქიანას გენერალური საკონსულო უღუ, საპატიო საკონსულოეფი ვარდა საკონსულოეფი.

ჯოხოდვალა

ლეგენდაშ მეჯინათ, ნოღაშ დორსხუაფა მერსხილი რე ჰერაკლეშ ჯოხოწკჷმა, ნამუქჷთ ესპანეთშე მუკორთინაშ უკული მისვანჯჷ თაქიან ზუღაშ პიჯის. თე აბანს ქიგიადუ Portus Herculis Moniechi. ეკონია ზიტყვა ჯოხო იზოლირაფილს.

გეოგრაფია

ქიანა იდვალუაფუ ბჟადალ ევროპას, სქირონაშქა ზუღაშ პიჯის. ოორუეშე დო ბჟადაალშე ომძღჷ საფრანგეთი, ობჟათეშე დო ელახშე სქირონაშქა ზუღა. მონაკოშ ოთანჯე ზოლი რე 4,4 კილომეტრი, ოწყარპიჯე ზოლი რე 4,1 კილომეტრი. თე მუნაჩემეფით მონაკო რე მაჟირა არძაშე უჭიჭაშ დუდიშული ქიანა მოსოფელს, ვატიკანიშ უკული.

ადმინისტრაციულ-ტერიტორიული დორთუალა

მონაკოშ რაიონეფი

ადმინისტრაციულო მონაკოშ სათარო დორთილი რე 3 კომუნათ (ფრანგ. communes), ნამუთ, მუშჸურე, გორთილი რე 10 რაიონო (ფრანგ. quartiers). მონაკოშ სათაროშ 3 კომუნათ დორთუალა მეწურაფილი რე 1911 წანაშ მონაკოშ კონსტიტუციაშ დჷნადგინას. 1967 წანას კონსტიტუციაშა მიშაღალირი მიშათინუათ მეჯინათ, მონაკოშ სათარო აკმოდირთუ ხვალო ართი აკა დო უგურთუ კომუნაშე, ნამუთ მუშჸურე აკმოდირთუ 10 რაიონშე.

მონაკოშ კომუნეფი (ნამუთ არსებენდჷ 1911—1917 წწ. პერიოდის):

• ლა-კონდამინი (La Condamin) — რაიონი ონიშოლიშ მანგას
• მონაკო (Monaco) — ჯვეში ნოღა, ნამუთ იდვალუაფუ კირდეამ კოდმეს
• მონტე-კარლო (Monte-Carlo) — არძაშე დიდარი დო პრესტიჟული რაიონი. თარი საკურორტო ზონა, თაქ იდვალუაფუ არძაშე დიდრული რეზიდენციეფი

№	რაიონეფი	ფართობი (მ²)	მაკორობა (2000 წანაშ მუნაჩემეფით)	მახორობაშ მეჭედალა/კმ²	კვარტალეფი	მეღანკუა
მონაკოშ კომუნა
05	მონაკო	184750	1034	5597	19	ჯვეში ნოღა სათარო რეზიდენციათ
მონტე-კარლოშ კომუნა
01	მონტე-კარლო (Bd. Des Moulins-Av. de la Madone)	281461	3034	10779	20	კაზინო დო საკურორტო ზონა
02	სან-რომანი/La Rousse/Saint Roman (Annonciade-Château Périgord)	105215	3223	30633	15	ოორუე-ბჟაეიოლშე უხურგანს სარანგეთიშ ნოღა ტენაო
03	ლარვოტო/Larvotto/Bas Moulins (Larvotto-Bd Psse Grace)	328479	5443	16570	15	ბჟაეიოლი საპლიაჟო ზონა
10	სენ-მიშელი/Saint Michel (Psse Charlotte-Park Palace)	142223	3807	26768	24
ლა-კონდამინიშ კომუნა
04	ლა-კონდამინი	237283	3847	16213	27	ოზუღე ონიშოლი
07	ლა-კოლე/La Colle (Plati-Pasteur-Bd Charles III)	188073	2822	15005	15	ბჟადალშე უხურგანს კაპ-დ’აილი/Cap-d’Ail
08	ლე-რევუარი/Les Révoires (Hector Otto-Honoré Labande)	75747	2515	33203	11
09	მონეგეტი/Moneghetti/ Bd de Belgique (Bd Rainier III-Bd de Belgique	107056	3003	28051	18
ახალი დიხეფი$:$ ნამუთ ზუღაშ ხარჯიშა რე აკოქიმინელი
06	ფონვეი/Fontvieille	324157	3292	10156	9	начало строительства в 1971 г., იგეგმებუ ანწიანი გოფართიანფა.
11	ლა-პორტიე/Le Portier	2750001)	—	-	-	პროექტი
	მონაკოშ სათარო	1974444	32020	16217	173

მახორობა

მახორობა რე 35,986 კოჩი (2011). თენეფშე 47% ფრანგეფი, 16% მონაკოარეფი, 16% იტალიარეფი. ოფიციალური ნინა რე ფრანგული. ნანანოღა რე მონაკო (1,400). ნოღეფი - მონტე-კარლო (15,4), ლა კონდამინი (14,6).

ეკონომიკა

მონაკოშ ეკონომიკაშ თარი წყუ რე ტურიზმი. ირ წანას ბრელ ტურისტის მიკიჭოფანს მონაკოშ კაზინოეფი დო ჰამო კლიმატი. მონაკოშ მახორუეფს ვა უღჷნა კაზინოშ ლაჸაფიშ ნება. ვალუტა რე ევრო. 2002 წანაშა რდჷ ფრანგული ფრანკი.

რესურსეფი ინტერნეტის

• Monaco(ინგლისური)
• მონაკოშ თარობაშ ოფიციალური ვებ-ხასჷლა(ფრანგული), (ინგლისური)
• მონაკოშ ისტროია, გეოგრაფია, მეჯინეფი დო ოქიანუეფი(მონაკოშ დო ოერეფოშქაშე პუბლიკაციეფიშ გჷნოჯინა)
• მონაკოშ საფოსტო მარკეფიშ ოფისი(ფრანგული), (ინგლისური)
• მონაკოშ მეგორაფა
• მონაკოშ მონტე-კარლოშ დო გრიმალდიშ ისტორია