მოშე დაიანი
მოშე დაიანი (ურ. משה דיין; დ. 20 მესი, 1915 — ღ. 16 გჷმათუთა, 1981) — ურია ოურდუმე მოღალე დო პოლიტიკოსი. ხემანჯღვერენდჷ იერუსალიმიშ ფრონტის ისრაელ-არაბეფიშ 1948 წანაშ ლჷმას, რდჷ ისრაელიშ აკოანჯარაფილი ნძალეფიშ გენერალური შტაბიშ უნჩაში 1956 წანაშ სინაიშ ლჷმაშ მიმალობას დო რდჷ ისრაელიშ დუდთხილუაშ მინისტრი 1967 წანაშ ამშვდღამი ლჷმაშ მიმალობას. ოურდუმე მეჭირინაფეფიშ შედეგო დაიანიქ გინირთჷ თეხანური ისრაელიშ სახენწჷფოშ ლჷმუაშ სიმბოლოთ.
| მოშე დაიანი משה דיין | ||
 | ||
| გალენური საქვარეფიშ მინისტრი | ||
|---|---|---|
| პოსტის გერინაშ ბორჯი | ||
| 20 მანგი, 1977 – 23 გჷმათუთა, 1979 | ||
| პრემიერ-მინისტრი | მენახემ ბეგინი | |
| წიმოხონი | იგალ ალონი | |
| მონძე | იცხაკ შამირი | |
| პოსტის გერინაშ ბორჯი | ||
| 5 მანგი, 1967 – 3 მანგი, 1974 | ||
| პრემიერ-მინისტრი | ლევი ეშკოლი გოლდა მეირი | |
| წიმოხონი | ლევი ეშკოლი | |
| მონძე | შიმონ პერესი | |
| პოსტის გერინაშ ბორჯი | ||
| 17 ქირსეთუთა, 1959 – 4 გერგობათუთა, 1964 | ||
| წიმოხონი | კადიშ ლუზი | |
| მონძე | ჰაიმ გვატი | |
ქნესეთიშ მაკათური | ||
| პოსტის გერინაშ ბორჯი | ||
| 30 გერგობათუთა, 1959 – 16 გჷმათუთა, 1981 | ||
| პოსტის გერინაშ ბორჯი | ||
| 6 ქირსეთუთა, 1953 – 29 ღურთუთა, 1958 | ||
| წიმოხონი | მორდეხაი მაკლეფი | |
| მონძე | ჰაიმ ლასკოვი | |
| დუნაბადი | 20 მესი, 1915 დეგანია ალეფი, ბეირუთი, ოსმალეთიშ იმპერია | |
| ნაღურა | 16 გჷმათუთა, 1981 (66 წანერი) თელ-ავივი, ისრაელი | |
| ნთხორუ აბანი | ნაჰალალიშ სასაფლა | |
| მენოღალობა |  ისრაელი | |
| პოლიტიკური პარტია | მაპაი რაფი ავოდა მაარახი ტელემი | |
| მუმა | შმუელ დაიანი | |
| ნანა | დევორა დაიანი | |
| ალმასქუ | 1. რუთ დაიანი 2. რახელ კორემი | |
| სქუალეფი | იაელ დაიანი ასი დაიანი ეჰუდ დაიანი | |
| რელიგია | ურიული ათეიზმი | |
| ჯილდოეფი |    | |
| ხეშმოჭარუა |  | |
მოშე დაიანიქ, 1930-იან წანეფს ქაკათჷ სიონისტური ოურდუმე ორგანიზაციას ჰაგანას. 1939 წანას ბრიტანული ხეშულობაქ დაიანი ოჭოფუ დო ჯიხას ქუდახუნუ. გადუდიშულაფაშ უკულ, დაიანი ოლიმუდჷ ვიშიშ საფრანგეთიშ ნძალეფს, პალესტინას, სოდეთ თიქ ართ-ართი ოურდუმე რეიდიშ ბორჯის ცალი თოლი მიოდინუ. ისრაელიშ დუდშულობაშო ლჷმაშ პერიოდის დუდენდჷ იერუსალიმიშ ფრონტის. 1949 წანას მონაწილენდჷ იორდანია-ისრაელიშ ოთინჩალე მორაგადეეფს. 1953-1958 წანეფს დაიანის უკინებუდჷ ისრაელიშ არმიაშ გენერალური შტაბიშ უნჩაშიშ პოსტი. დაიანიქ დოგეგმუ დო თინა ხემანჯღვერენდჷ ისრაელიშ ჯარეფიშ მიშაჭკირუას სინაიშ ჩქონიშა, 1956 წანას. ეგვიპტეწკჷმა კონფლიქტიშ მიმალობას, დაიანიქ მიპალუ შანულამი მანჯღვერთარიშ დო ნიჭიერი ოურდუმე მოღალეშ რეპუტაცია.
1959 წანას გიშაგორილქ იჸუ ისრაელიშ პარლამენტიშ, ქნესეთიშ მაკათურო. თე წანაშ ქირსეთუთას, ისრაელიშ პრემიერ-მინისტრიქ დავიდ ბენ-გურიონქ დაიანი ქუდარინუ ოფუტეშ მეურნობაშ მინისტრო. ჸათე პოსტი თის 1964 წანაშახ უკებუდჷ. 1965 წანას დაიანიქ კინ ახალშო იჸუ გიშაგორილქ ქნესეთიშ მაკათურო. 1967 წანას ქიდეკინჷ ისრაელიშ დუდთხილუაშ მინისტრიშ პოსტი. იცხაკ რაბინიწკჷმა ართო, დაიანი გეგმუნდჷ დო დუდენდჷ ისრაელიშ ჯარეფიშ ოპერაციეფს ამშვდღამი ლჷმაშ მიმალობას (1967 წანაშ 5-10 მანგი). უკულ დაიანი ხემანჯღვერენდჷ ისრაელიშით ოკუპირაფილი ტერიტორიეფს. 1973 წანაშ 6 გჷმათუთას, ეგვიპტეშ დო სირიაშ გოართოიანაფილი ჯარეფქ ისრაელს ულებუო ქიგიანთხეს (იომ-ქიფურიშ ლჷმა). ისრაელქ კონფლიქტიშ დოჭყაფას ხაზირელქ ვეშეხვადჷ. ჸათეშ გეშა დაიანი კონწარო გაკრიტიკეს. 1974 წანას ისრაელიშ პრემიერ-მინისტრიშ პოსტის გოლდა მეირი დოთირუ იცხაკ რაბინქ. თიქ დაიანი მუშო ოთარობე კაბინეტიშა ვემშეჸონჷ. 1977 წანას, მენახემ ბეგინქ დაიანი ქუდარინუ ისრაელიშ გალენური საქვარეფიშ მინისტრო. ჸათე პოსტის გერინაშ ბორჯის, თიქ მიშეღჷ შანულამი თია კემპ-დევიდიშ ოთინჩალე მორაგადაფეფიშა. დაიანის ფშხირას კემპ-დევიდიშ ხეკულუაშ ართ-ართი არქიტექტორს ხოლო უძახჷნა.
ლიტერატურა
რედაქტირაფა- Bar-On, Mordechai. Moshe Dayan: Israel's Controversial Hero (Yale University Press; 2012)
რესურსეფი ინტერნეტის
რედაქტირაფა
|
თე სტატია ისრაელიშ დო ურიეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |