ჟაკ დერიდა
ჯაკ დერიდა (ფრანგ. Jacques Derrida; დ. 15 კვირკვე, 1930, ალჟირი, საფრანგეთიშ ალჟირი — ღ. 9 გჷმათუთა, 2004, პარიზი, საფრანგეთი) — ფრანგი ფილოსოფოსი. შინელი რე მუჭოთ დეკონსტრუქციაშ ფილოსოფიაშ დუმარსხუაფალი. დერიდაშ ფილოსოფიური არზუანობაშა დიდი გოლინა იღვენუ ფერდინანდ დე სოსიურიშ ლინგვისტიკაქ დო ედმუნდ ჰუსერლიშ დო მარტინ ჰაიდეგერიშ ფენომენოლოგიაქ. დუდშე დერიდა ასოცირაფილი რდჷ პოსტსტრუქტურალიზმი დო პოსტმოდერნისტული ფილოსოფიაწკჷმა, მარა უკულიან წანეფს თიქ ჸათე მიმალობეფიშე დისტანცირებულქ იჸუ.
| ჟაკ დერიდა | |
| ფრანგ. Jacques Derrida | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
გჷმათუთა 9, 2004 (74 წანერი) |
| ღურაშ აბანი: | |
| მენოღალობა: | |
| ომენცარე სფერო: | |
| სამუშაშ აბანი : |
პარიზიშ უნივერსიტეტი |
| ალმა-მატერი: |
პარიზიშ უმაღალაში ნორმალური სკოლა |
| ჯოხოშინელი მოგურაფეეფი: | |
| ჩინებული რე მუჭოთ: |
დეკონსტრუქციაშ დუმარსხუაფალი |
| ჯილდოეფი დო პრემიეფი: |
თეოდორ ადორნოშ პრემია (2001) |
ჟაკ დერიდა რდჷ 40-შე უმოსი წინგიშ, ოშობათ ესეშ დო პუბლიკაციაშ ავტორი. თიში იდეეფქ შანულამი გოლინა იღვენუ ჰუმანიტარული დო სოციალური მენცარობეფიშა, გიშაკერზაფილო ფილოსოფიაშა, ლიტერატურაშა, იურისპრუდენციაშა, ანთროპოლოგიაშა, ისტორიოგრაფიაშა, ლინგვისტიკაშა, სოციოლინგვისტიკაშა, ფსიქოანალიზიშა დო პოლიტიკური თეორიაშა.
დერიდაშ ნახანდეფს უღუდჷ დო ასე ხოლო უღუ გოლინა ააშს, ევროპას, ობჟათე ამერიკას დო ჸეთი ქიანეფს სოდეთ დომინირენს კონტინენტური ფილოსოფია.
ჟაკ დერიდაშ ნახანდეფიშე ეიოშანალი რე: "საჩიარი დო ფენომენი" (1967), "გრამატოლოგიაშ გეშა" (1967), "ჭარალუა დო შხვადოშხვანერობა" (1967), "ფილოსოფიაშ სანძღოეფი" (1972).
დერიდაქ დებადჷ საფრანგეთიშ ალჟირს, ურიეფიშ ფანიას. გურაფულენდჷ პარიზიშ უმაღალაშ ნორმალურ სკოლას. 1956 წანას საირქიანო გრანტი მიპალუ დო გურაფა გაგინძორჷ ჰარვარდიშ უნივერსიტეტის. გურაფაშ თებაშ უკული მუშენდჷ შხვადოშხვა ომენცარე ინსტიტუტეფს. დერიდა რდჷ თეოდორ ადორნოშ დო ჰარი ოპენჰაიმერიშ პრემიეფიშ ლაურეატი. ნომინირაფილი რდჷ ნობელიშ პრემიაშა ლიტერატურაშ დარგის, მარა პრემია დღას ვემუღებჷ. დერიდაქ ღურუ 2004 წანაშ 9 გჷმათუთას, 74 წანერქ, პანკრეასიშ კიბოთ.
რესურსეფი ინტერნეტის
რედაქტირაფა- Leonard Lawlor. Entry in the Stanford Encyclopedia of Philosophy
- John Rawlings. Jacques Derrida Stanford Presidential Lectures in the Humanities and Arts
- Jean-Michel Rabaté. Jacques Derrida ვებ-ხასჷლას Wayback Machine (archived 3 May 2003) Johns Hopkins Guide to Literary Theory.
- Guide to the Jacques Derrida Papers. Special Collections and Archives, The UC Irvine Libraries, Irvine, California.
- Guide to the Jacques Derrida Listserv Collection. Special Collections and Archives, The UC Irvine Libraries, Irvine, California.
- Mario Perniola, Remembering Derrida, in "SubStance" (University of California), 2005, n.1, issue 106.