ალეხო კარპენტიერი
ალეხო კარპენტიერ-ი-ვალმონტი (ესპ. Alejo Carpentier y Valmont; დ. 26 ქირსეთუთა, 1904, ლოზანა, შვეიცარია — ღ. 24 პირელი, 1980, პარიზი, საფრანგეთი) — კუბარი ჭარუ, ნოველისტი, ესსეისტი, მუსიკოლოგი დო ჟურნალისტი, შინელი რე რომანით ჸათე მოსოფელიშ ომაფე.
| ალეხო კარპენტიერი | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: |
პირელი 24, 1980 (75 წანერი) |
| ღურაშ აბანი: | |
| ერუანობა: | |
| საქვარუა: | |
| პერიოდი : |
1924—1980 |
| Magnum opus: |
ჸათე მოსოფელიშ ომაფე (1949) |
| ნინა: | |
| ჯილდოეფი: |
სერვანტესიშ პრემია (1977) |
ბიოგრაფია
რედაქტირაფაალეხო კარპენტიერიქ დებადჷ 1904 წანაშ 26 ქირსეთუთას, შვეიცარიაშ ნოღა ლოზანას. მალას კარპენტიერეფიშ ფანიაქ ოცხოვრებშა ჰავანაშა მიდართჷ, სოდეთ 1912 წანაშა ცხოვრენდეს. უკულ კარპენტიერეფქ პარიზიშა გეგნორთეს. ალეხო კარპენტიერიქ ჭარალუათ ორდოიანი წანეფიშე დეინტერესჷ. უმოსო ოინტერესჷდჷ ბალზაკიშ, ფლობერიშ დო ზოლაშ ნაწარმებეფი. 1920-იან წანეფშე კარპენტიერი მუშენდჷ ჟურნალისტო. 1927 წანას, ჰავანას, კარპენტიერიქ დარსხუ ჟურნალი Revista de Avance, ნამუთ რადიკალური და ნაციონალისტური ხასიათიშ რდჷ. კუბაშ დიქტატორიშ ხერარდო მაჩადოშ კრიტიკაშ გეშა, კარპენტიერი ოჭოფეს დო 40 დღას ჯიხას ქუდახუნეს. ჯიხაშე გოტებაშ უკული, 1928 წანას საფრანგეთიშა მიდართჷ. საფრანგეთის რინაშ ბორჯის, კარპენტიერიქ გაგინძორჷ მუში ჟურნალისტური დო ლიტერატურული კარიერა. 1936 წანას კუბაშა დირთჷ. 1940-იან წანეფს შარალენდჷ დიო ჰაიტის დო უკულ ვენესუელას. 1945-1959 წანეფს კარაკასის ცხოვრენდჷ. კუბაშ რევოლუციაშ ტრიუმფიშ უკულ, კარპენტიერი ფიდელ კასტროს ალურდჷ. 1966 წანაშე რდჷ კუბაშ ელჩი საფრანგეთის. კარპენტიერიქ ღურუ 1980 წანაშ 24 პირელს, კიბოთ. ნთხორილი რე ჰავანაშ კოლონიშ სასაფლას.
ალეხო კარპენტიერი რე ავტორი რომანეფიშ, ესსეეფიშ დო კუნტა თხობელუეფიშ. კარპენტიერი თაშნეშე რდჷ მუსიკოლოგი ხოლო. გიმირკვიუ კუბაშ მუსიკალური ტრადიციეფი. კარპენტიერი მუში ნაჭარეფს ირინუანდჷ კუბაშ მუსიკაშ, აფრო-კუბიზმიშ კულტურულ ასპექტეფს. კარპენტიერი რდჷ მაგიური რეალიზმიშ ართ-ართი მაართა პრაქტიკოსი ლათინური ამერიკას. კარპენტიერიშ ნახანდეფს ინტეგრირებული რე სიურრეალიზმიშ დო ბაროკოშ ლიტერატურული სტილი. კარპენტიერიშ ნაჭარეფქ დიდი გოლინა იღვენუ ლისანდრო ოტეროშ, ლეონარდო პადურაშ დო შხვა გიშარჩქინელი კუბარი ავტორეფიშა.
კარპენტიერიშ არძაშე უმოსო ჩინებული ნახანდიე "ჸათე მოსოფელიშ ომაფე", ნამუქჷთ 1949 წანას გიშართჷ დო ავტორს დიდი პოპულარობა მოუღჷ. რომანი ისტორიული ჟანრიში რე დო ეთმოჭარუნს ჰაიტიშ რევოლუციაშ დო თიშ უკულიან პერიოდეფს.
კარპენტიერი რდჷ შხვადოშხვა პრემიეფიშ დო ჯილდოეფიშ ლაურეატი. 1975 წანას მიპალუ ჩინო დელ დუკაშ პრემია, 1977 წანას სერვანტესიშ პრემია დო 1979 წანას მედიჩიშ პრემია.
გიშნაგორა ნახანდეფი
რედაქტირაფარომანეფი
რედაქტირაფა- ¡Écue-Yamba-O (1933)
- El reino de este mundo (1949) (ჸათე მოსოფელიშ ომაფე)
- Los pasos perdidos (1953)
- El acoso (1956)
- El siglo de las luces (1962)
- Concierto barroco (1974)
- El Recurso del método (1974)
- La consagración de la primavera (1978)
- El arpa y la sombra (1979)
კუნტა თხობელუეფი
რედაქტირაფა- Guerra del tiempo (1956)
- Otros relatos (1984)
ესსეეფი
რედაქტირაფა- La música en Cuba (1946)