მინგეჩაური

მინგეჩაური
ქიანა	აზერბაიჯანი
რეგიონი	არანი ეკონომიკური რეგიონი
კოორდ.	40°46′12″ ოორ. გ. 47°02′56″ ელ. გ. /
ნოღაშ მადუდე	ილხამ ისმაილოვი
დირსხუ	1946
ორდოიანი ჯოხოეფი	1948 წანაშახ — დაბა მინგეჩაურჰესი
ნოღა	1948 წანაშე
ფართობი	47 კმ²
ზუღაშ დონეშე	545 ± 1 მ
კლიმატიშ ტიპი	სუბტროპიკული
ოფიციალური ნინა	აზერბაიჯანული
მახორობა	104,955 კოჩი (2018)
ერუანული; აკოდგინალუა	აზერბაიჯანალეფი -99.37%; რუსეფი, ლეზგეფი,; თათარეფი, უკრაინალეფი დო შხვეფი
ორწუმობური; აკოდგინალუა	მუსლიმანეფი, მართლმადიდებელეფი; კათოლიკეფი, ლუთერანეფი, იუდევეალეფი დო შხვეფი
ბორჯიშ ორტყაფუ	UTC+4
ტელ. კოდი	+994 24
ოფოსტე ინდექსი	AZ 4500
ოავტომობილე კოდი	45
ოფიციალური ვებ-ხასჷლა	www.mingechevir-ih.gov.az
	მინგეჩაური

მინგეჩაური თაშნეშე მინგეჩევირი (აზერ. Mingəçevir) — აზერბაიჯანიშ, სიდიდაშ მეჯინათ მაანთხა ნოღა, ნამუთ წყარმალუ მტკვარიშ ჟირხოლო წყარპიჯის იდვალუაფჷ. 2018 წანაშ ფასებათ, ნოღას 104,955 ადამიერი ოხორანს.

ისტორია რედაქტირაფა

ნოღა მინგეჩაურქ, 1945 წანას, მინგეჩაურიშ ჰიდროელექტროდგჷმილიშ აკოგაფაშ გეშა დირსხჷ. ნოღაშ სტატუსი 1948 წანაშე უღუ.

მინგეჩაურიშ რაიონს მეგორაფილი რე მიარეფერუამი არქეოლოგიური კომპლექსი (ჯვ. წ. III ვითოშწანურა - ახ. წ. XVII ოო.), ნამუშ დოგურაფაქ XIX ოშწანურაშ დალიაშე დიჭყჷ. სისტემატიური გონთხორუეფი 1946-1953 წანეფს მიშჷ (მადუდე ს. გაზიევი). არძაშე ორდოშიანი რე ჯვ. წ. III ვითოშწანურაშ №1 ნოხორიშ გიმენი ფა დო ონთხორუეფი, ნამუეფჷთ მტკვარ-არაქსიშ კულტურას ორხველჷ.

ქუა ალბანური მუკნაჭარეფით

კინ თე ნონოხორიშ შქა ფა, ორომეონთხორუეფი დო გაონთხორუეფი ორხველჷ ხოჯალი-გოდაბეიურ კულტურას (ჯვ. წ. II ვითოშწანურა - I ვითოშწანურაშ დაჭყაფუ). დოგურაფილი რე თე ხანიშ ნოხორეფი, ომეურნე ორომეფი, კერამიკული ოფურაშეფი დო 200-შე უმოსი ონთხორუ. მეგორაგილი რე ყვილიშ მიოგამალეფშა (სტვირი-ფლეიტეფი). ორდოშიანი რკინაშ ხანიშ რე (ჯვ. წ. VIII-II ოშწანურა) კინ თე ნოხორიშ ჟილენი ფა დო მუსხირენი ონთხორუშ კომპლექსი. გიშაკერძაფილ ბუნას აკმოქიმინჷნს ჯვ. წ. II- ახ. წ. I ოშწანურაშ 300-შე უმოსი ქუაშ ონთხირუე. თაშნეშე გონთხორილი რე 30-შე უმოსი ოკიცე ოფურაშე.

შქა ოშწანურეფიშ ძეგლი რე №2-3 (III-XIII ოშწანურეფი) დო №4 (XIV-XVII ოშწანურეფი) ნოხორეფი, V-VIII ოშწანურეფიშ ალბანურ-ქირსიანული ოხიდა, ქირსიანული დო მუსლიმანური ონთხორუეფი დო შხვ.

სათოჸუჯი რე ჯვარიშ ქუაშ ოსხირი დო კერამიკული ოსანთელეეფიშ ფრაგმენტეფი, ნამუეფსჷთ ალბანური მუკნაჭარეფი ასქილადირი რე.