კარლ ფაბერჟე
პეტერ კარლ ფაბერჟე (რუსულო: Карл Гу́ставович Фаберже́, 18(30) მესი 1846, სანქტ-პეტერბურგი - 24 ეკენია 1920, ლოზანა) — რუსი იუველირი. არძა ფარანიშ ართ-ართი არძაშე რჩქინელი იუველირი. თელ ქიჸანას რჩქინელი ფაბერჟეშ მარქვალეფიშ მაღოლამარი.
ბიოგრაფია
რედაქტირაფაკარლ ფაბერჟექ დებადჷ რუსეთის, სანქტ-პეტერბურგის 1846 წანაშ 30 მესის. თიშ მუმა - გუსტავ ფაბერჟეშ კჷნოხონეფი რდეს გერმანალეფი ესტონეთიშე, თიშ დიდა - შარლოტა იუნგშტედტი რდჷ დანიარი მახანტალიშ სქუა. 1842 წანას უნჩაშ ფაბერჟექ ქჷდარცხუ იუველირული ფირმა სანქტ-პეტერბურგის.
პეტერ ფაბერჟე შარალენდჷ ევროპას დო დუდიშე გურაფულენდჷ დრეზდენს, უკული ქჷდიჭყჷ იუველირული საქვარიშ გურაფა ფრანკფურტალ მასტერ იოსეფ ფრიდმანწკჷმა. 1870 წანას 24 წანერ რდჷნი თიმწკჷმა მუშ ხეშა გეჭოფუ მუამუშიშ ბიზნესი. 1882 წანას გჷმოფინუას ქიმკიჯინჷ იმპერატორი ალექსანდრე III, თეშ უკულ ფაბერჟექ მიღჷ ომაფური ფანიაშ გოტიბაფა. ფირმა ფაბერჟეშ ანბე ევროპას ხოლო უჩქუდეს. ბრელი მარქვალს ჯღონო არძენდეს იმპერატორიშ ბრელ მოჯგირე დიდ ბრიტანეთის, დანიას, საბერძნეთის დო ბულგარეთის. 1900 წანას პარიზის ფაბერჟეს ქიმეჩეს ,,პარიზიშ იუველირეფიშ გილდიაშ უსტაშ" ტიტული დო ოპატიე ლეგიონიშ ორდენი. რუსეთიშ რევოლუციაშ გურშენი 1918 წანას ფაბერჟექ დოკილუ მუში ფირმა. თეშ უკულ მიდართჷ ხურგიშგინოხ დო დოღურჷ ლოზანას, შვეიცარიას 1920 წანაშ 24 ეკენიას. ნთხორილი რე გრან-ჟაშ საფულეს კანს.
ფანია
რედაქტირაფაკარლ ფაბერჟეს დასკიდჷ ოთხი სქუაქ, თენეფი რენა: ევგენი ფაბერჟე (1874-1969), აგაფონ ფაბერჟე (1876-1951), ალექსანდრე ფაბერჟე (1877-1952) დო ნიკოლაი ფაბერჟე (1884-1939).
ფაბერჟეშ მარქვალეფი
რედაქტირაფაკარლ ფაბერჟექ დო მუშ ფირმაშ იუველირეფქ პრიველი სათანაფო მარქვალი აკეთეს 1885 წანას იმპერატორ ალექსანდრე III-შ დოკვათუათ, იმპერატორიშ ჩილ მარია ფიოდოროვნაშოთ სიურპრიზო. მარქვალი გალეშე ფორილი ემალით, ნამუთ სკულპტურაშ იმიტაციას ორთჷ, ხოლო გური ორქოშ უღჷ.
-
მარქვალი "მოსკოვიშ კრემლი" -
მარქვალი "ლილიეფიშ ქუჩუჩი"
რესურსეფი ინტერნეტის
რედაქტირაფა- More facts from Faberge biography Archived 2009-10-06 ვებ-ხასჷლას Wayback Machine.
- Empire of Eggs, Svetlana Graudt, Moscow Times, November 18, 2005
- Wartski, London Fabergé specialists
- A La Vieille Russie. New York. American Fabergé Specialists
- The House of Fabergé Archived 2013-12-11 ვებ-ხასჷლას Wayback Machine.
- Current Fabergé Museum Exhibitions Archived 2014-02-03 ვებ-ხასჷლას Wayback Machine.
- Picture gallery of private art collector Archived 2011-02-02 ვებ-ხასჷლას Wayback Machine.
- Pallinghurst Resources LLP Archived 2009-03-18 ვებ-ხასჷლას Wayback Machine.
- Objects of Fantasy – The World of Peter Carl Faberge Archived 2009-02-21 ვებ-ხასჷლას Wayback Machine. Melissa Jellema. St. Xavier University. Chicago, IL. May 3, 2008