2020-იანეფი
2020-იანი (ჟირ ვითოშ ეჩიანი) წანეფი, თაშნეშე ჩინებული, მუჭოთ 2020-იანეფი — გრიგორიანული კალენდარიშ ვითწანურა, ბორჯიშ შქაფონი 2020 წანაშ 1 ღურთუთაშე 2029 წანაშ 31 ქირსეთუთაშამო.
| ვითოშწანურა: | III |
| ოშწანურა: | XX – XXI – XXII |
| ვითწანურა: | 1990-იანეფი 2000-იანეფი 2010-იანეფი
– 2020-იანეფი – |
| წანეფი: | 2020 · 2021 · 2022 · 2023 · 2024 2025 · 2026 · 2027 · 2028 · 2029 |
2020-იანეი წანეფქ დიჭყჷ კორონავირუსიშ პანდემიათ, პოსტსხუნუური ოფირჩას დო არხო ბჟაეიოლს რანწკი აკოანჯარაფილი კონფლიქტეფით.
შანულამი მოლინეფი
რედაქტირაფაCOVID-19 პანდემია
რედაქტირაფა
- კორონავირუსული ინფექცია COVID-19-შ პანდემია, ნამუქჷთ 2019 წანაშ ქირსეთუთას მადჷ ჩინეთის, თეურეშე — ედომუშამი მოსოფელსჷთ, ნამუქთ ისტორიას ართ-ართი არძაშე მასშტაბურ პანდემიათ გჷნირთუ. პანდემიაშ დოჭყაფაშე 2022 წანაშ ოშწაშეშახ, ლახარათ ამშვი მილიონშე უმოსი ადამიერქ გოჭყორდჷ[1]; ლახარაშ შხვადოშხვა ფორმა გჷნიღ 500 მილიონშე უმოსი ადმიაერქ[1] (დიხაუჩაშ მახორობაშ 5%-შე უმოსი).
- არძაშე უმოსი გავალქ მიოდირთჷ ააშ-ს, ბრაზილიას, ინდოეთის, მექსიკას დო რუსეთის — ირი თე ხუთი ქიანაშე COVID-19-ით 300 ვითოში ადამიერშე უმოსიქ გოჭყორდჷ[1].
- თაშნეშე სერიოზულო დეღამაკეს ევროპაშ ქიანეფქ: გოართოიანაფილი ომაფექ, იტალიაქ, საფრანგეთიქ, ესპანეთიქ დო გერმანიაქ, თაშნეშე რუსეთიქ დო თურქეთიქ, ირი ქიანას დელახჷ 10 მილიონშე უმოსიქ დო გოჭყორდჷ 100 ვითოში ადამირშე უმოსიქ. ევროპაშ ანდა ქიანას დალახებაშ დო ღურალაშ მაძირაფალი ართ-ართი არძაშე მაღალი რდჷ ედომუშამი მოსოფელს (გიშაკერზაფილო ბოსნია დო ჰერცეგოვინას, უნგრეთის, საქორთუოს, ბულგარეთის, ჩეხეთის დო ბჯაეიოლი ევროპაშ შხვა ქიანეფს, სოდე ლახარაშე ღურალაქ მილიონი მახორუშა 3-4 ვითოში ადამიერი აკადგინჷ). 2022 წანას, ობჟათე ევროპაშ ქიანეფქ მაჟირაშა გჷნირთეს პანდემიაშ გეჸვენჯი რეღმაშ ოკიბირალეთ.
- 8 მილიონშე დაინფიცირებულქ დეფიქსირჷ არგენტინას, 6 მილიონშე უმოსიქ — ირანს დო კოლუმბიას, 4 მილიონშე უმოსიქ ინდონეზიას. COVID-19 დაინფიცირებაშ რსული უღვენობაშ გეშა აცხადენდჷ თურქმენეთიშ, მიკრონეზიაშ ფედერაციული შტატეფიშ დო ტუვალუშ ოფიციალური სტატისტიკა.
- პანდემიაქ გჷნიჭანუ საკარანტინო დო პროფილაქტიკური ზჷმეფიშ მასობური მიშაღალა (მუჭომით რდჷ სოციალური დისციპლინა, ლოკდაუნი, კომენდანტიშ სათი, კონტაქტეფიშ გითორკუალა, მუშითიზოლაცია), ნამუქჷთ მუშჸურე გჷმიჭანუ ეკონომიკურიკრიზისი. მილიონობათ ადამიერქ გეგნირთჷ დისტანციური მუშობა დო გურაფაშა.
- რეცესია COVID-19-შ პანდემიაშ გეშა.
- 2021 წანას დიჭყჷ მასობური კორონავირუსიშ სააწმარენჯო ვაქცინაციაქ. პირველ გვერდ წანაშ გოძვენას მილიონ დო გვერდი ვაქცინაქ იკეთინჷ, თარო ააშ-ს, ჩინეთის დო ინდოეთის[2][3]. 2022 წანაშო, ანდა ქიანას ვაცქინაციაქ უციოთ გჷნირთუ მახორობაშ რსული ვარ-და გვერდი კატეგორიაშო[4].
- 2022 წანაშ დალიას, ჩინეთის იმანჯჷ ანდამუდანობაშ პროტესტეფქ COVID-19-შა ნულოვანი ტოლერანტობაშ პოლიტიკაშ მანჯებაშის, ლოკდაუნიშ მასობური გჷმორინაფაშ მეხჷ.
- 2023 წანას, მოსოფელიშ ჭყანთელუაშ ორგანიზაციაქ გჷმაცხადუ, ნამჷ-და კოვიდიშ პანდემია მოსოფელიშ მასშტაბიშშ ოშქურანჯობას ვაწჷმარინუანდუნ.
სქოლიო
რედაქტირაფა- ↑ 1.0 1.1 1.2 Coronavirus Update (Live): COVID-19 Virus Outbreak — Worldometer. კითხირიშ თარიღი: 2020-06-22.
- ↑ Coronavirus (COVID-19) Vaccinations Archived 2021-01-24 ვებ-ხასჷლას Wayback Machine. — Statistics and Research — Our World in Data
- ↑ Covid World Vaccination Tracker Archived 2021-12-22 ვებ-ხასჷლას Wayback Machine. — The New York Times
- ↑ Factbox: Countries making COVID-19 vaccines mandatory Archived 2021-11-18 ვებ-ხასჷლას Wayback Machine. | Reuters
|
თე სტატია ისტორიაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |