ვიკიპედია

Metallica

(გინოწურაფილი რე მეთალიქა-შე)

მეტალიკა (ინგლ. Metallica გჷმითქუალუ /mʉˈtælɨkə/ ( მორჩქილაფა)) — ამერიკული მეტალ-ბუნა, დორსხუაფილი 1981 წანას ნოღა ლოს-ანჯელესის, ააშ, ჯეიმზ ჰეტფილდი (რიტმური გიტარა, ვოკალი) დო ლარს ულრიხიშით (დრამი).

მეტალიკა
Metallica
მეტალიკაშ კონცერტი ლონდონს, 2008
მეტალიკაშ კონცერტი ლონდონს, 2008
ბიოგრაფია
ბადებაშ აბანილოს-ანჯელესი, კალიფორნია, შილა: ამერიკაშ აკოართაფილი შტატეფი ააშ
ჟანრ(ეფ)იმონკა მეტალი
თრეშ მეტალი
მონკა როკი
ობირეში ხონარი
აქტიური1981–შე ამუდღარშა
ლეიბლ(ეფ)იWarner Bros., Elektra, Vertigo, Megaforce,
Sony (იაპონია)
ასოციაციეფიMegadeth, ეჰობრეინი, სპასტიკ ჩილდრენი, ლიზერ ჩარმი, ექსოდუსი
ვებ-ხასჷლაwww.Metallica.com
მაკათურეფი
ჯეიმზ ჰეტფილდი
ლარს ულრიხი
კირკ ჰემეტი
რობერტ ტრუჰილო
ჸოფილი მაკათურეფი
ჯეისონ ნიუსტედი
კლიფ ბარტონი
დეივ მასტეინი
რონ მაკგოვნი

მეტალიკაშ ორდოშიანი ინნაჭარეფი იკათუანდჷ ნჭაფიერ პარტიეფს, ინსტრუმენტალეფს, აგრესიულ მუსიკას, მუდგაქჷთ თინეფი თრეშ მეტალიშ დიდი ოთხურეფშა მართინუ თიშნერი ბუნეფიშ ხასჷლას, მუნერეფით რე: სლეიერი, მეგადეზი, ანთრაქსი.[1] 1986 წანას გჷშულირი ალბომი „Master of Puppets“ იკოროცხუ ართ-ართი არძოშე უმოსი გოლინუან „მონკა“ თრეშ მეტალიშ მიმალუობაშ ალბომო. თახმი კომერციულ წჷმოძინას ბუნაქ 1991 წანას ალბომიშ „Metallica“ გიშაშქუმალაბორჯის მიოჭირინუ მუქჷთ ბილბორდ 200-ის მაართა აბანს მოხვადჷ.[2]

მეტალიკას აკოძინელო გჷშაშქუმალირი აფჷ ჩხორო სტუდიური ალბომი, სუმი ცოცხალი ალბომი, ხუთი EP, ეჩიდოოთხი მუსიკალური ვიდეო დო ჟარნეჩიდოხუთი სინგლი. ბუნაქ ჩხოროშა ეჭოფჷ გრემი, ოდო თინეფიშ ხუთი ალბომქ ბილბორდ 200-ის მაართა აბანი დეკინჷ, მუდგაშ გეშათ მაართა ბუნათ გინირთჷ ნამუქჷთ თეს მიოჭირინუნ. ათე ბორჯიშო ბუნას ედომუშამო მოსოფელს 100 მილიონშე უმოსი ალბომი აფჷ გჷმოჩამილი.[3]

ისტორია

რედაქტირაფა

ორდოშიანი წანეფი (1981–1983)

რედაქტირაფა

მეტალიკაქ 1981 წანას ლოს-ანჟელესის, კალიფორნიას, დირსხუ. დრამერქ ლარს ულრიხიქ აბანობურ გაზეთ The Recycler-ის აკეთჷ განცხადება, ნამუდა გორუნდჷ დჷნოსქილედ მუსიკოსეფს მეტალ-ბუნაშ დარსხუაფალონ. თის ჯეიმზ ჰეტფილდიქ გიშეხონარჷ. მორო მუჭოთ მოგვიანაფილო რონ მაკგოვნიქ თქუ ჟურნალშო „So What!“ მეჩამილი ინტერვიუსჷნ, ლარსი დო ჯეიმზის ართიანი მუნეფიშ საართო მაჸალექ ჰიუ ტანერქ გაჩინებაფუ. ორდოშიან სტადიას ბუნას ირო პრობლემეფი უღუდჷ თარ გიტარისტწკჷმა რსხუაფათ. ჭე ხანით ბუნას მითმიოგანდეს ლოიდ გრანტი, ბრედ პარკერი დო ჯეფ უორნერი (ღოზგასუმალარი რე, ნამუდა ნამთინ ჟიმოშინელი გიტარისტი ვეკოროცხუ მეტალიკაშ მაკათურო, თინეფს „სუმარიშ“ სტატუსი უღუნა). მეტალიკაქ ოფიციალურო 1981 წანაშ გჷმათუთას დირსხუ, ულრიხიშ დო ჰეტფილდიშ აკოხვამილაფეფშე ხუთი თუთაშა.[4]

ლარსიშ მაჸალექ რონ ქუინტანაქ თხუ თის, ქუმოხვარებუდუკო ჯოხოშ გჷშაგორუას მუშ ახალი ჟურნალშონ, ნამუთ ამერიკული დო ბრიტანული მეტალ-ბუნეფიშ გეშა იჸიდჷნ. რონს უკვე აფუდჷ გჷშაგორილი მუსხირენ ჯოხო: Metallica, Metal Mania დო Hesse. ლარსიქ მირჩქინჷ ნამუდა, „მეტალიკა“ გოსოფური ჯოხო იჸუაფუდჷ მუშ ბუნაშონ დო რონს ვა უზუკოლჷ ჟურნალშო თეცალი ჯოხოდვალაშ გედვალა. ათაშ გიადჷ ბუნას „მეტალიკა“-ქ.

1982 წანაშ დაჭყაფუს ლარსიქ Metal Blade Records-იშ დჷმარსხუაფალი ბრაიან სლეიჯელი დარწუმჷ გემშუღალუდუკო მეტალიკაშ ბირა Hit the Lights ლეიბლიშ მაართა კათელშან Metal Massacre. ბუნაქ დემო Power Metal ქენაჭარჷ, სოდეთ თინეფიშ მაართა ბირა — Hit the Lights მიშმეშჷნი. ბას-გიტარას მიოგანდჷ დო იბირდჷ ჯეიმზი, ოდო გიტარას — ლოიდ გრანტი (უმოს გვიანიშ ინნაჭარეფს თიშ აბანს მასტეინი იკჷნენს), თაშნეშე The Mechanix, Jump In The Fire დო Motorbreath. ულრიხიქ ხოლო ართი განცხადება ქენახუნუ გაზეთის The Recycler თარი გიტარისტიშ ვაკანსიაშ გეშა. თის უგამჷ დეივ მასტეინიქ, ნამუთ თი ბორჯიშო ბუნა „პანიკის“ მითმიოგანდჷნ. ჰეტფილდის დო ულრიხის თეშ მეწონეს დეივიშ მეგამაქ, ნამუდა ბუნაშა ქიმიჭანეს. ლარსიქ დო ჯეიმზიქ ბასისტო ქჷმიჭანეს რონ მაკგოვნი, ნამუთ თეიშახ ჯეიმზწკჷმა ართო მითმიოგანდჷ ბუნა ლიზერ ჩარმისჷნ. მუსხირენ თუთაშ უკული ინაჭარეს No Life 'til Leather რსული ფორმატით, სოდეთ შკვითი ბირა მიშმეშჷნ დო ნამუქჷთ მალას ქჷმკიჭოფჷ ფანეფიშ თოჸუჯი.

ბუნაშ მაართა ცოცხალი კონცერტიქ აკოდირთჷ 1982 წანაშ 14 მელახის კლუბი Radio City-ის, ნ. ანაჰაიმი, კალიფორნია.[5] კინ თი წანას, 25 მესის ბუნაქ კონცერტი ამანჯჷ სკოლას, სოდეთ ულრიხი გურაფჷლენდჷნ. თე ბორჯიშო ჰეტფილდის დო მასტეინს ანწი ვა მოწონდეს მაკგოვნიშ მეგამა, რახან მიოჩქუდეს ნამუდა „რონი ახალს მუთუნს ვართუდჷ, უბრალეთ მალუობას მეჸუნდჷ“. ბრაიან სლეიჯელქ უზუკოლჷ ლარსის, მიდურთუმუდუკო სან ფრანცისკოშა დო ქჷმურჩქილუაფუდესკონ ბასისტ კლიფ ბარტონიშა, ნამუთ ბუნა ტრაუმას მითმიოგანდჷნ. ლარსიქ დო ჯეიმზიქ კლიფიშ ბუნაშ შოუს სერიშ კლუბის Whisky a Go Go დერსეს დო თეშ მეწონეს თიშ რსულებაქ, ნამუდა მეტალიკაშა გინულა ქოთხიის. დუდშე კლიფიქ ვარია თქუ, მორო წანაშ ბოლოშო დეყაბულჷ ხვალე თი პიჯალათ, ნამუდა მეტალიკა ნოღა ელ ქერიტოშა, სან-ფრანცისკოშ გოხოლუაშა, გინილენდუ-და. ლარსიქ დო ჯეიმზიქ კლიფიშ პიჯალას დეალეს. მეტალიკაშ მაართა გჷშულაქ კლიფწკჷმა ართო სერიშ კლუბის The Stone აკოდირთჷ 1983 წანაშ მელახის. უკულიანეშის ბუნა შხირას მითმიოგანდჷ სან-ფრანცისკოშ კლუბეფს, შხირას ბუნა ექსოდუსწკჷმა ართო. კინ თე წანას მეტალიკაქ იშარჷ ნიუ-იორკშა, სოდეთ ხეკირილი ლეიბწკჷმა Megaforce Records გაფორმეს. მალას ჯეიმზიქ დო ლარსიქ გეგნოჭყვიდეს, ნამუდა უკვე უშულებუ რდჷ მასტეინიშ ეჭოფუა თიშ აგრესიულობაშ, ნარკოტიკეფიშა დო ალკოჰოლშა მებუნაფილობაშ გეშა. თეშ გურშენ, 1983 წანაშ მაართა პირელს დეივსის ბუნა ქუდატებაფეს დო თიშ მანგიორო კინ თი ონჯუას კირკ ჰემეტი ქჷმიჭანეს ბუნა ექსოდუსიშე (მოგვიანაფილო დეივქ ობაღინაფალო პოპულარული ბუნა მეგადეზი ქჷდარსხუ). მეტალიკაშ მაართა შოუქ ჰემეტწკჷმა ართო 1983 წანაშ 16 პირელს სერიშ კლუბის Showplace აკოდირთჷ, ნ. დოვერს, ნიუ ჯერსი.

ინტერვიუეფს მასტეინი ირო გჷმოხანტჷნდჷ მუშ ნეგატიურ მერინას ჰემეტიშ მეხჷ. თინა იჩიებუდჷ, ნამუდა ჰემეტიქ თის სამუშა მიდუღჷნ,[6] ნამუდა თინაქ პოპულარულო მასტეინიშ ჭარილი რიფეფიშ დო სოლოეფიშ რსულებაშ გეშა გინირთჷნ. მეგადეზიშ 1985 წანას ოდებიუტე ალბომს Killing Is My Business... and Business Is Good! მასტეინქ გემშეღჷ ბირა Mechanix, ნამუთ მიშულირი რე თაშნეშე მეტალიკაშ ალბომშა Kill 'Em All თირელი ჯოხოთ The Four Horsemen. მუჭოთ უკულნეშის გაცხადჷ მასტეინქჷნ, თენა თიქ თიშენ ქიმინჷ, ნამუდა მეტალიკას „ქეკოჭიშაფუდუკონ“.[7]

Kill 'Em All და Ride the Lightning (1983–1984)

რედაქტირაფა

1983 წანას მეტალიკაქ როჩესტერშა (ნიუ-იორკი) იშარჷ, ოდებიუტე ალბომიშ Metal up Your Ass-იშ ინაჭარალო, მარა ბუნაშ ლეიბლი დო დისტრიბუტორეფ შქას კონფლიქტიშ გეშა, ალბომს ჯოხო დუთირეს დო თეშ გეშა ქიანას Kill 'Em All-ქ გორჩქინდჷ. ალბომიშ ლეიბლი რდჷ Megaforce Records ააშ-ის, ოდო Music for Nations ევროპას. ალბომქ ბილბორდ 200-ის 120-ა აბანს მიოჭირინუ 1988 წანას.[2] მორო, ფინანსურო ვართ ფერი წჷმოძინელქ გიშართჷ. მანგიორი ალბომქ ბუნას ახალი ფანეფი ქჷმეუძინჷ. ბუნაქ ალბომიშ ხუჯიშ მიოჩამალო ტური Kill 'Em All For One ამანჯჷ ბუნა რავენწკჷმა ართო, ნამუთ 27 კვირკვეშე 3 ეკენიაშა იგინძორებუდჷ. ტურიშ აპოგეათ 13 მარაშინათუთას ჩიკაგოს მანჯებულ კონცერტიქ გინირთჷ, ნამუშ ფრაგმენტეფიშ ძირაფა შელებუანი რე 1988 წანას გიშაშქუმალირ ვიდეოფილმის Cliff 'Em All. 1984 წანაშ ფურთუთას მეტალიკა ხუც არზენს ბუნა ვენომს ტურნეს Seven Dates of Hell, სოდეთ თინეფქ 7000 მაჯინეშ წოხოლე წჷმოდირთეს.[8]

1984 წანაშ მარაშინათუთას მეტალიკაქ რანწკით მაჟირა სტუდიური ალბომი Ride the Lightning გჷშაშქჷ. ალბომი ბილბორდ 200-ის 50 მარაშ განწხანს რდჷ დო მასუმა აბანს მიოჭირინუ.[2] საფრანგეთის თე ალბომშო კაბრეფქ ჩილათირო წვანე ფერეფს დიბეშტჷ, ნამუთ უკვე კოლექციონერეფიშ თოჸუჯიშ მეკონი რე. კრიტიკოსეფიშ დო ფანეფიშ უნელო ალბომი აკუსტიკური გიტარაშ პარტიათ იჭყაფუ. თიშა მიშულირი რე ბირეფი: For Whom the Bell Tolls, Fade to Black, Creeping Death დო შხვეფი. თენეფშე ეკონია ბიბლიური სიუჟეტშა რე ეგაფილი. ბირაქ Ride the Lightning იჭარჷ თიშ უკული, მუთ ბუნაშ მაკათურეფი კათაშ წოხოლე დადჷნოშურჷ ტეხასიშ შტატიქ ახალნორდეფიშ სისინაფას უკანონო ქიმინჯალეფშა, კერზოთ ნძალუეფშა. მეტალიკაქ ჭარჷ თე ბირა პროტესტიშ საგამათ, მუდგათ მახვამილუ თიშ დემონსტრირაფა, ნამუდა ჯალათეფი დუდო გინმირთუნა მაჸვილარეფო, მუჟამც ორთუნა ნძალუას მუნეფიშ სხვერპლიშ მეხჷ დორხველი რწუმეფიშ გეშან. შხვეფშე გჷშმეგორუ ალაზიმაფათ ნარა დო მელოდიური Fade to Black, ნამუქჷთ არგამათ გეგშართჷ მეტალიკა შხვა თრეშ მეტალ ბუნეფშე. თე ალბომს რე თაშნეშე ინსტრუმენტალი The Call of Ktulu, ნამუშ ჯინჯიერი თია, თეშნეშეთ მუჭოთ Ride the Lightning მასტეინიშ ნაჭარა რე.[9]

Master of Puppets (1984–1986)

რედაქტირაფა

ხონარიშ ინმაჭარალი ლეიბლიშ Elektra Records დირექტორი მაიკლ ალაგოქ დო Q-Prime Management-იშ წოროდჷმარსხუაფალ კლიფ ბარნსტეინქ მეტალიკაშ 1984 წანაშ ეკენიაშ კონცერტის დერსეს დო ნაძირეფუთ მოწონებულქ დოსქიდეს. თინეფიშ სოფინიშ გეშა, მეტალიკაქ კონტრაქტი Elektra Records-წკჷმა გაფორმჷ დო Q-Prime Management-იშ კლიენტო გჷნირთჷ.[9] ევროპული ტურნეშე დორთელ მეტალიკა ხუჯის არზენს ბუნეფს W.A.S.P. დო არმორედ საინტის. 1985 წანაშ 17 მარაშინათუთას ფესტივალს Monsters of Rock ბონ ჯოვი დო რეტწკჷმა ართო ინგლისის, დონინგტონიშ პარკის, მეტალიკაქ უდიდაშ შოუ ამანჯჷ, სოდეთ 70 000 მარჩქილეშ წოხოლე წჷმოდირთჷ. უკულნეშის კალიფორნიას, კერზოთ ნ. ოკლენდის, ფესტივალს Day on the Green ბუნაქ 60 000 მარჩქილეშ წოხოლო მიოგჷ.[9]

მასუმა სტუდიური ნახანდი ბუნაშო დო მაართა ლეიბლიშო Elektra Records რდჷ 1986 წანაშ მელახის გჷშაშქუმალირ ალბომი Master of Puppets, ნამუქჷთ ინიჭარჷ სტუდიას Sweet Silence Studios, კოპენჰაგენი, დანია. ალბომქ 72 მარას რდჷ ბილბორდ 200-ის დო 29-ა არდგილს მიოჭირინუ.[10] ალბომი ბუნაშ მაართა ნახანდი რდჷ, ნამუსჷთ 1986 წანაშ 4 გერგობათუთას ორქოშ, ოდო 2003 წანაშ დგომარობათ ამშვიშა პლატინაშ სტატუსიქ მიაჩჷნ. თინაქ ბუნაშ თი მომენტშახ გჷშაშქუმალირ ალბომეფ შქას არძოშე ჯგირაშო გიმოჩამუან ალბომო გჷნირთჷ: მილიონშე უმოსიქ გჷმიჩინჷ ხვალე ააშ-ს. კრიტიკოსეფი Master of Puppets-ის არძო ბორჯიშ ართ-ართ საუჯგუშო თრეშ მეტალ ალბომო მირჩქინანა. ოზი ოზბორნიშ ააშ-იშ ტურნეშ გონწყუმაქჷთ ბუნას ახალი ფანეფი ქჷმეუძინჷ.[9] თე ტურნეშ ბორჯის ჰეტფილდიქ მანჯა მიტახჷ სკეიტბორდინგიშ ბორჯის დო ტურნე ხვალე მუჭოთ ვოკალისტიქჷნ გაგჷნძორჷ. გიტარას თიშ მანგიორო ტექნიკოსი ჯონ მარშალი მიოგანდჷ.[11] თე ფაქტიქ გჷნირთჷ ბაძაძო, მუდგაშ გეშათ მოგვიანაფილო ტურნეეფიშ ორგანიზატორეფს კონტრაქტშა მიშაღალაფუ ჭე „სარიკო“ ბირგული, ნამუთ ტურნეეფიშ ბორჯის სკეიტბორდით ართუაფაშ ნებას მიდმუღანდჷ ბუნას.

ბარტონიშ ღურა დო Garage Days Re-Revisited (1986–1987)

რედაქტირაფა
 
კლიფ ბარტონიშ მემორიალი

1986 წანაშ 27 ეკენიას, Damage Inc. ტურნეშ ბორჯის ევროპას ბუნაშ მაკათურეფი კარტის ლაჸაფენდეს, გურკვიებუდესკონ, მი მიშ დანჯირეს დირულუანდჷ ავტობუსისჷნ. კლიფიქ მიიგჷ დო გეგშეგორჷ ჰემეტიშ დანჯირეს ლური. სტოკჰოლმიჸურე მიმალ შარას დორარპიშ გოხოლუას, შვედეთის, ავტობუსიშ შოფერქ დუდალაშა კონტროლი მიოდინუ, ავტობუსიქ გისიონტჷ დო მუზჷმაშარენ გემნირთჷ. ჯეიმზის, ლარსის დო კირკის ჭიჭე ფორაქ მიოდირთეს, ოდო კლიფიქ ოსინთეშე გაგთოლჷ დო ავტობუსის ქათაჸუნჷ. უკვე რდჷ დო ვარი კლიფი ღურელინ, უგურკვიუთ სქიდუ. ემაკინუს, ნამუთ ავტობუსის ეთმუკინანდჷნ, ბაგერქ მეუხორცქჷ დო ავტობუსიქ მაჟირაშა ქჷგიანთხჷ კლიფის. ჯეიმზი იშინანს:

 
„მა ვორწყედი მუჭო გეჯანუდჷ თინა ავტობუსიშ თუდონ. ფშჷ, ავტობუსიშ შოფერი ოცადუდჷ გეგთოუზინდუდჷკონ გინაფორაფალი თიშ თუდოშე, დჷნოსქილედეფს გეგმომირინუაფუდესკონ თიშენი. თაქ მა ქჷმიწიბძახი: „ხე ვა მოთხა,სქანი დიდას!“ მა ხაზირ ვორდი დომიჸვილუდკო თინან. ვა მიჩქჷ ნაშუმა რდჷ დო ვარინ. მიჩქჷ ხვალე, ნამუდა თინა გეხედჷ დო კლიფი უკვე ვა რდჷ...“

[11]

ბარტონიშ ღურაქ მეტალიკაშ სქჷლადა საეგებიოთ გჷნაშქჷ. სუმ დჷნოსქილედ მაკათურქ გჷნოჭყვადჷ, ნამუდა კლიფიშ ზალამი იჸუაფუდჷ თინეფს გუგინძორებუდესკონ დო კლიფიშ ფანიაშე ალობაშ ეჭოფუაშ უკული, ქჷდიჭყეს კლიფიშ გაამაშ გორუა.[12]

დოხოლაფირო ჟარნეჩ ბასისტი ოხოლუდჷ აუდიენციას, ნამუსჷთ მეტალიკაშ მუმალი მაანთხა მაკათური ოკო გჷმურჩქინაფუდჷკო. თინეფ შქას რდეს ჰემეტიშ ბაღანობაშ მაჸალე ლეს კლეიპული, ტროი გრეგორი ბუნა პრონგიშე დო ჯეისონ ნიუსტედი ბუნა ფლოტსამ ენდ ჯეტსამიშე. კლეიპულქ მეწონჷ ბუნას, მარა თიშ მეგამაშ სტილი ვა ენმოდოხოდუდჷ მეტალიკაშ სტილს. უკული, მეტალიკაშა მეჯღუნელ Behind the Music სერიას, ჯეიმსი ეთმონწყუნს, ნამუდა კლეიპული რდჷ „ნამეტანი ჯგირი“ მეტალიკაშო. საბოლა ანგარიშით, ჯეიმზიქ, ლარსიქ დო ჰემეტიქ გჷნოჭყვადეს, ნამუდა ჯეისონ ნუსტედის ოკო დოუთირუდჷკო ბარტონინ. ნიუსტედიქ ბუნაშ აკოდგინალუაშა ოფიციალურო 1986 წანაშ 28 გჷმათუთას მიშართჷ - კლიფიშ ნთხორუაშე სუმი მარაშ უკული. ჯეისონიშ მაართა გჷშულაქ ბუნაწკჷმა ართო აკოდჷრთჷ კლუბის Country Club, ნ. რესედა, კალიფორნია.[12]

1987 წანას მეტალიკა ევროპაშა ირთუ ტურნეშ გაგჷნძორაფალო. მელახის ჯეიმზიქ უკვე მაჟირაშა მიტახჷ მანჯა სკეიტბორდინგიშ ბორჯის. თეშ გეშა, რიტმურ გიტარაშა მეგამა კჷნე მარშალს ანდეს, მარა თე დაღამაკებაქ აძვილჷ, შურიშხა ონჯუას ცოცხალი წჷმორინაფა დუნჩალუდჷკონ. ტურნეშ უკული ბუნაქ მანწყუ მუსიკალური სტუდია ლარსიშ ავტოფარეხის დო ინაჭარჷ შხვა ბუნეფიშ მუსხირენ ბირაშ ქავერ ვერსია. კვირკვეს გჷშაშქჷ ახალი ალბომი The $5.98 E.P.: Garage Days Re-Revisited, სოდეთ მიშულირი რე თე ბირეფინ. ალბომიშ ინოჭარუაბორჯის ბუნაქ გამორსჷ ახალი სტუდია დო აკაფასჷ ნიუსტედიშ ტალანტი. თე წანასჷნე გჷშაშქუმალირქ იჸუ ფილმიქ Cliff 'Em All, სოდეთ ეჭარილი რე კლიფიშ მუკოჸონაფილი სუმი წანა მეტალიკას. ფილმშა მიშულირი რე კლიფიშ სოლოეფი ბასის, ჸუდეს გჷნოღალირ ვიდეოეფი დო სურათეფი.[13]

...And Justice for All (1988–1990)

რედაქტირაფა
 
მეტალიკა ალბომიშ ხუჯიშ მიმაჩამალ ტურნეს

1988 წანაშ ეკენიას გჷშართჷ მეტალიკაშ რანწკით მაანთხა, კლიფიშ ღურაშე მაართა სტუდიურ ალბომქ …And Justice for All. ალბომს დიდი კომერციული წჷმოძინაქ ხვადჷ თიათ. მიოჭირინუ მაამშვა აბანს ბილბორდ 200-ის. თენა რდჷ ბუნაშ მაართა ალბომი, ნამუქჷთ საუჯგუშო ვითულს მოხვადჷნ.[10] ალბომს მეჩეს პლატინაშ სტატუსი გჷშულაშე ჩხორო მარაშ უკული.[14]

ალბომს ნიუსტედიშ ბას პარტიეფი დახე ვერჩქილედჷ, თიში მუსიკალური იდეეფქ იგნორირაფილქ იჸუ (მორო, თია მეუჯღონს ალბომიშ მაართა ბირაშ Blackened ჭარუას).[15] ბრელ ფანქ მირჩქინჷ, ნამუდა თენა სპეციალურო რდჷ ღოლამირინ, მუჭოთ რეაქცია კლიფიშ ღურაშ უკული, ვარა მუჭოთ ნიუსტედიშ გეძიცა. უმოსი ორწუმებელ რე ვერსიეფი, ნამუნეფით ჰეტფილდიქ დო ულრიხიქ თქვის უკულნეშიან ინტერვიუეფსჷნ: ჰეტფილდიქ ეშანჷ, ნამუდა ჯეისონი შხირას ვარსუდჷ აკოკათუეფს, მუდგაშ გეშათ თინა თე პროცესშა ვა მახვამილუანდჷ გოლინას; ოდო ლარსიქ შინუ, ნამუდა ნიუსტედიშ ბას-გიტარა იმაჟირანდჷ ჰეტფილდიშ რიტმ-გიტარაშ პარტიასჷნ.

თიშ უმუკუჯინუო, ნამუდა ალბომი ფანეფქ დო პრესაქ ეფურინათ ეჭოფუნ, გოკრიტიკაფილქ იჸუ ალბომიშ პროდიუსირაფაქ. ულრიხიშ დრამეფი ისჷმედჷ ძალამ ჸუნგათ დო გიტარეფი ონდეთ. ალბომიშ ხუჯმიოჩამალო მეტალიკაქ მუკიჸონჷ მოსოფელიშ ტურნე Damaged Justice.[16] ხვალე ააშ-ს ბუნაქ მუკიჸონჷ 120 კონცერტი სტადიონეფს. გჷშაშქვეს ოთხი სინგლი, თინეფ შქას: Harvester Of Sorrow დო One.

კრიტიკაშ უმუკუჯინუო, მეტალიკაშ მაართა ალბომი, ნამუქჷთ გრემიშ დაჯილდებაშ ნომინაციაშა იჸუ წჷმორინაფილქჷნ, რდჷ ...And Justice for All, კატეგორიას „საუჯგუშო ვოკალური ვარა ინსტრუმენტული მონკა როკ/მეტალ რსულება“. მეტალიკა მირჩქინუაფუდჷ ფავორიტო თე კატეგორიას. მორო არძოშო უნელო გრემი ეჭოფჷ ბუნა ჯეთრო ტალიშ ალბომქ Crest of a Knave.[17] თექ დიდი რია-რია დო ტირუ-ტარუ გჷშეჭანუ ფანეფ შქას დო პრესას. გომორძგვილ ბუნა, ნამუსჷთ ბრელი ვართ მირჩქინანდჷ მონკა როკ/მეტალ ბუნათჷნ, ცერემონიას ვა დარსებჷ, რახან თინეფიშ პროდიუსერქ ალუჩჷ ვა დარსებუდესკონ, თიზჷმაშა ჯერდჷ მეტალიკაშ გომორძგუა.[17] სუმი წანაშ უკული თე ცერემონიასჷნე, მუჟამც ბუნას გეგნოჩეს გრემი ბირაშო Enter Sandman, ლარსიქ ირონიულო მარდობა გინუგჷ ჯეთრო ტალს:

 
„ჩქი მარდობა ოკო ვუწუათ ჯეთრო ტალს, ნამუდა თე წანას ვა გჷშაშქჷ ალბომინ“

თე ჯილდოქ ჟურნალ Entertainment Weekly-იშით მიშაღალირქ იჸუ ერკებულშა „გრემიშ ვით არძოშე დიდი დარღვია“.[18]

ალბომიშ გჷშაშქუმალაშ უკული, მეტალიკაქ გჷნიღჷ მუში ოდებიუტე მუსიკალური ვიდეო ბირაშე One. ბუნაქ კლიპი გჷნიღჷ მეტებულ ოწკარუეს დო გედჷ მომენტეფი ფილმიშე Johnny Got His Gun. ოლიცენზიე გარიგაშ მანგიორ, მეტალიკაქ ედომუშამო ქიჸიდჷ ოავტორე ნებეფი მოშინელ ფილმიშა. თეშ გეშა ფილმიშ DVD ვერსია ვა გჷშაშქუმალე, თიშე ინოჩამა ფართო აუდიტორიას ხვალე მეტალიკაშ გორემიქსაფილ ვერსიაშე უღჷ. 1999 წანას მუსიკალური ვიდეო One ჯოხოდვალირქ იჸუ 38 აბანშა MTV-იშ ჩარტის „არძო ბორჯიშ 100 საუჯგუშო ვიდეო“.[19]

Metallica (1990–1993)

რედაქტირაფა

გეჸვენჯი ალბომიშ ინაჭარალო 1990 წანაშ გჷმათუთას მეტალიკაქ ქჷმერთჷ სტუდიაშა One on One ოორუე ჰოლივუდის. პროდიუსერო დექირეს ბობ როკი. ალბომქ Metallica, ნამუთ თაშნეშე ჩინებული რე უჩა ალბომიშ ჯოხოთჷნ, სუმშა ინიჭარინჷ. ალბომიშ გეზაშენ დო სიმურობაშენ ბობ როკიშ დო ბუნაშ მაკათურეფ შქას ირონი დებაშ გეშა ინოჭარუაშ პროცესიქ წარმოწანაშე უმოს ხანს გეგინძორჷ დო ინოჭარუაშ ღირებაქ ართ მილიონ დოლარს ქჷმიოჭირინუ.[20] ალბომქ მონწყჷ წოხოლენ ალბომეფიშ არძო რეკორდი დო მაართა აბანს ქჷმიოჭირინუ ბილბორდ 200-ის, მაართა მარასჷნე 650 000 ეგზემპლარქ გჷმიჩინჷ.[21] სინგლიქ თე ალბომშე Enter Sandman გჷნირთჷ ინტერნაციონალურ ჰიტო, საუჯგუშო ოკონცერტე ნომერი Sad but True, Nothing Else Matters დო Wherever I May Roam-წკჷმა ართო. 15-შა მიაჩჷ ალბომს პლატინაშ სტატუსიქ ააშ-ის, მუთ ალბომს გჷნმაშქვანს ქიანაშ საუჯგუშოთ გჷმოჩამუონ ალბომეფ შქას ეჩიდომაამშვას.[22] ალბომიშ ინოჭარუაშ პროცესი დო გეჸვენჯი ტურნეეფი ესახილი რე დოკუმენტურ ფილმის A Year and a Half in the Life of Metallica.

1991 წანაშ მარაშინათუთაშე 1993 წანაშ კვირკვეშახ ბუნაქ ამანჯჷ 300-შე უმოსი კონცერტი. 1991 წანაშ ეკენიას ბუნა გჷშმეშჷ სცენაშა მოსკოვს თინერი ბუნეფიშ ხასჷლას, მუნერეფით რე: AC/DC, პანტერა დო შხვები. მოსოფელიშ ტურნეშ უკული მეტალიკაქ მანწყუ არდადეგეფი ართი წანათ.

1992 წანაშ 8 მარაშინათუთას Guns N' Roses-წკჷმა ართო ტურნეშ ბორჯის ჰეტფილდიქ ეჭოფჷ მაჟირა დო მასუმა ხარისხიშ ჭუალა სახეს, ხუჯის, ხელეფს დო კუჩხეფს პიროტექნიკაშ ეფექტეფიშ გეშა Fade to Black-იშ რსულებაბორჯის. თეშ გეშა თის მეგამა გიტარაშა ვა შეულებუდჷ დო მუჭოთ გიტარისტინ, კჷნე ჯონ მარშალქ დოთირუ თინა, მით ასე უკვე მიოგანდჷ ბუნა მეტალ ჩარჩისჷნ. 1993 წანას ბუნაქ გჷშაშქჷ მაართა ცოცხალი ალბომი ჯოხოდვალათ Live Shit: Binge & Purge.[23]

Load, ReLoad, Garage Inc., და S&M (1994–1999)

რედაქტირაფა
 
ჯეიმზი Garage Inc. ალბომიშ გჷშულაშ ბორჯის.

თიშ უკულ, მუთ მეტალიკაქ სუმი წანა მუკიჸონჷ უჩა ალბომიშ ხუჯიშ დუმაკინალ ტურნეეფსჷნ, დაართჷ სტუდიას, ქენუჭარუდჷკო მაამშვა სტუდიური ალბომინ. დოხოლაფირო ართი წანა მუკიჸონჷ მეტალიკაქ ახალი ალბომიშ ინოჭარუას, თეშ გეშა 1996 წანას გჷშაშქუმალირქ იჸუ ალბომქ Load, ნამუქჷთ ბილბორდ 200-ის დო ARIA ჩარტეფს მაართა აბანს მოხვადჷ.[2] თენა რდჷ ბუნაშ მაჟირა ალბომი, ნამუქჷთ თენა შილებუნ. ალბომქ დადასურჷ თირაფეფი ბუნაშ მუსიკალურ გეზას. თე პერიოდისჷნე ბუნაშ მაკათურეფქ თუმეფი დიკუნტარეს. ბუნაქ გამანჯჷ გეჸვენჯი ტურნე Poor Touring Me ახალი ალბომიშ ხუჯიშ მიოჩამალო. 1996 წანაშ ზარხულს მეტალიკაქ გონწყჷ ალტერნატიული როკ მუსიკაშ ფესტივალი Lollapalooza.[24][25]

Load-შე მუშობაბორჯის თეშ იჸუ, ნამუდა ბუნას დასაბაღ მოღე უღუდჷ მაჟირა ალბომიშ გჷშაშქუმალაროთ. გეგნოჭყორდჷ, გვერდი ბირეფი გეგშუშქუმალუდესკო ალბომო, ოდო დჷნოსქილედ გვერდშე გუგინძორებუდესკო მუშობა დო გეგშუშქუმალუდესკო მაჟირა ალბომი გეჸვენჯი წანას. თეშ გეშა, 1997 წანას გჷშაშქუმალირქ იჸუ ალბომქ ReLoad, ნამუქჷთ ბილბორდ 200-ის მაართა აბანი დეკინჷ, ოდო კანადაშ ჩარტის Top Canadian Album — მაჟირა.[2] ალბომიშ ხუჯიშ დაკინებელო მეტალიკაქ ამანჯჷ შოუ NBC's Saturday Night Live 1997 წანაშ ქირსეთუთას, სოდეთ არსულ ბირეფი Fuel დო The Memory Remains დუეის მერიენ ფეითფულწკჷმა.[26] გეჸვენჯი წანას ბუნა მანჯუნს ტურნეს ჯოხოდვალათ Poor Re-Touring Me.

1998 წანას მეტალიკაქ გჷშაშქჷ ალბომი Garage Inc. ჟირ დისკო. მაართაშა მიშულირი რე შხვადოშხვა მარსულებერეფიშ ბირეფიშ ქავერეფი. მაჟირა დისკი იკათუანს 1987 წანას ინოჭარილ ალბომს The $5.98 E.P.: Garage Days Re-Revisited დო გეძინელ აფჷ ნამთინე ახალი ქავერი. ალბომქ მაჟირა აბანი დეკინჷ ბილბორდ 200-ის.[26][27] წანაშ ბოლოშო გჷშმურს მეტალიკაშ ახალი ვიდეო Cunning Stunts.

1999 წანას 7 პირელი სან ფრანცისკოშ მერქ უილი ბრაუნქ გჷმაცხადჷ „მეტალიკაშ ოფიციალურ დღათ“ ნოღას. თე წანასჷნე 21 დო 22 პირელს მეტალიკაქ ამანჯჷ კონცერტი სან-ფრანცისკოშ სიმფონიურ ორკესტრწკჷმა ართო მაიკლ კემენიშ დირიჟორობათ. კონცერტიშ მანჯებაშ იდეაქ მოურთჷ კემენს 1991 წანას Nothing Else Matters-შე მუშობაბორჯის. მეტალიკაქ კემენწკჷმა ართო ჭარჷ ჟირ ახალი ბირა თე კონცერტიშო No Leaf Clover დო -Human. კონცერტიშ აუდიო ინნაჭარაქ გჷშეშქვინჷ ალბომო S&M 1999 წანას, თაშნეშე გჷშაშქუმალირქ იჸუ კონცერტიშ ვიდეო ინნაჭარაქ. ალბომქ ბილბორდ 200-ის მაჟირა, ოდო ავსტრალიურ ARIA ჩარტის დო Top Internet Albums ჩარტის მაართა აბანს მოხვადჷ.[2]

კონფლიქტი ნაპსტერწკჷმა (2000–2001)

რედაქტირაფა
 
ლარს ულრიხი

2000 წანას მეტალიკაქ მირჩქილუ, ნამუდა თინეფი ბირაშ I Disappear დემო ვერსია, ნამუდგაშ გჷშულა იგეგმუაფუდჷ კინოფილმწკჷმა „უშურსულებუ მისია 2“ ართონ, გეგნიჩამუდჷ რადიო-ეერით. მეტალიკაქ გეკლეძჲუ დო ქჷმიოგორუ გოჟონუაშ ჭურჭულს, ფაილი ძირეს კომპანია ნაპსტერიშ (ინგლ.: Napster) peer-to-peer ფაილეფიშ აკორზიებეფიშ რშვილს. თაშნეშე გეკლაძირეს, ნამუდა ბუნაშ ედომუშამი კატალოგი უფასეთ ხემიოჭირინაფუს რდჷნ. მეტალიკაქ ქუჩიულჷ კომპანიას სასამართოს,[15] თაშნეშე სუმ უნივერსიტეტის: ობჟათე კალიფორნიაშ, იელიშ დო ინდიანაშ უნივერსიტეტეფს, თინეფს ხე ვა უნჩალეს ფაილეფიშ დუდიშულ აკორზიებასჷნ თიშენ. მეტალიკაქ დექირუ ონლაინ საკონსულტაციო ფირმა NetPD, თოჸუჯი ქჷმეუჸუნუაფუდჷკო ნაპსტერიშ სერვისშა გარკვიული პერიოდიშ განწხანსჷნ. მეტალიკაშ სასამართო დებას ქახოლჷ რეპ მარსულებერ Dr. Dre-ქ ნაპსტერიშ მეხჷ. 2001 წანას მეტალიკა დო კომპანიაქ გარკვიულ აპიჯაფაშა ქჷმერთეს[28] ნაპსტერქ გჷნირთჷ ფასამ სერვისო. დებაქ მეტალიკა დო ნაპსტერს შქას ესახჷ მულტსერიალს ობჟათეშ პარკი, მაშქვითა სეზონიშ მაჩხორა სერიას. მოგვიანაფილო, მუჟამცჷთ ულრიხი გჷშმეშჷ შოუშა „მის ოკო გჷნირთას მილიონერონ“ მაჸონაფუშ კითხირშე მოწონს დო ვარ გჷნოჩამაშ მუსიკან, ულრიხიქ კითხირით უგამჷ, ნაპსტერიშ რშვილშე ხომ ვა უშიბუნა თინა.[29]

ნიუსტედიშ ულა დო St. Anger (2001–2005)

რედაქტირაფა
 
რობერტ ტრუჰილო 2003 წანაშ 24 ფურთუთაშე მეტალიკაშ მაკათური რე

2001 წანაშ 17 ღურთუთას ჯეისონ ნიუსტედიქ ქჷდიტუ ბუნა, მუში თქუალათ, კეზძო დო დორხველი ბაძაძეფიშ გეშა დო თი ფიზიკური ფორაშ გეშა, ნამუთ თიქ მიორინუ მუშ დუც წანეფიშ განწხანს თი მუსიკაშ მეგამაბორჯის, ნამუთ უჸორსჷნ.[30] მორო, მუჭოთ მოგვიანაფილო ჟურნალ „პლეიბოიშა“ მეჩამილ ინტერვიუს ირკვიებუნ, ჯეისონს ოზალუდჷ ალბომიშ გჷშაშქუმალა დო ტურნეშა ულა ბუნა ეჰობრეინწკჷმა ართო, მარა ჯეიმზი კატეგორიულ ვარიას გერდჷ, მუქჷთ გჷშეჭანუ ნიუსტედიშ ულა ბუნაშე.[15]

2001 წანაშ ზოთონჯის ჯეიმზი მიშარუაფჷ კამჩატკაშა თუნთეფიშ ოჯინუშა. რუსული ზოთონჯი დო თიშ უთირუ ატრიბუტი — დირფა მუშ უჩა საქვარს ორთჷნა. თეშ გეშა 19 კვირკვეშე ჰეტფილდის მოუწჲუ კურნალუაშ კურსიშ გულაქ „ალკოჰოლიზმიშ დო შხვა ხვამილაფეფიშ“ მარიებელო. ბუნაშ მუმალი ეჭვთუდო გერდჷ. მაართათ თეზჷმა ხანიშ მეძენას ლარსი დო კირკი სერიოზულო ფირქენდეს, ნამუდა შილებე ბუნას სქჷლადა მეუჭყვიდუდჷკონ.[31] მორო, 4 ქირსეთუთას ჯეიმზიქ კჷნე დაართჷ ბუნას დო ბუნაქ გაგჷნძორჷ მუშობა ახალ ბირეფშე. ჯეიმზი თხულენდჷ უმუშებუდესკონ დღას ხვალე ოთხი სათინ, დჷნოსქილედ ბორჯის თინა ფანიას უთმენდჷ. თაიშახ ბირეფშო ტექსტეფს ხვალე ჯეიმზი ჭარუნდჷ-და, ასე თე პროცესის ედომუშამი ბუნა რდჷ კათაფილი. ბას გიტარაშ პარტიას არსულენდჷ თინეფიშ მუსიკალური პროდიუსერი ბობ როკი. ალბომშე მუშობაშ პროცესი ესახილი რე 2004 წანას გჷშაშქუმალირ დოკუმენტურ ფილმის Some Kind of Monster.

St. Anger-შე მუშობაშ სურებაშ უკული, მეტალიკაქ ამანჯჷ ბასისტეფიშ გჷშაგორალი კონკურსი ნიუსტედიშ ირალ გაამაშ გჷმარჩქინალო. სუმი თუთაშ უკული გჷშაგორილქ იჸუ რობერტ ტრუჰილოქ, ნამუთ თეიშა მიოგანდჷ ბუნა სუისიდალ ტენდენსის დო ოზი ოზბორნიშ ბუნას.[32] ტრუჰილო მეტალიკაშ მაკათური ოფიციალურო 2003 წანაშ 24 ფურთუთაშე რე. მესის ბუნაქ ამანჯჷ მუსხირენი კონცერტი სან ფრანცისკოშ კლუბეფს. ნიუსტედიქ 2002 წანას აკათჷ კანადურ თრეშ მეტალ ბუნა ვოივოდის დო 2003 წანას ოზიშით მანჯებულ ტურნეს Ozzfest, ნამუსჷთ მუში ბუნა ხოლო ოხოლუდჷნ, ოზი ოზბორნიშ ბუნას ტრუჰილოშ გაამა რდჷ.[33]

2003 წანაშ მანგის მეტალიკაშ მაბრუო სტუდიურ ალბომქ St. Anger მაართა აბანი დეკინჷ ბილბორდ 200-ის. თეშ უმუკუჯინუო, ალბომქ მიარეშახ იჸუ გოკრიტიკაფილქ ულრიხიშ „ფულანდიშ სიმურობაშ“ მაღვენჯ სნეარ (snare) დრამიშ დო გიტარაშ სოლოეფიშ გორკებაშ გეშა.[34] ბირაქ St. Anger 2004 წანას ეჭოფჷ გრემი ნომინაციას საუჯგუშო მეტალ რსულება.[35]

2004 წანას ინგლისის Download Festival-ს მეტალიკაშ გჷშულაშახ ჭე ხანით ორდო ლარსიქ ფულირ ლახალაშ ოსქილიდაფარო ოლეხეშა ქჷმერთჷ.[36] ჰეტფილდი გორუნდჷ მოხალისეეფს ეკონია წუნს, ნამუეფსჷთ ლარსი ოკო ენუთირაფუდესკონ. დეივ ლომბარდოქ სლეიერიშე დო ჯოი ჯორდისონქ სლიპკნოტისე იდუდეს ლარსიშ მანგიორო მეგამა. ლომბარდოქ არსულ ბირეფი Battery დო The Four Horsemen, ულრიხიშ დრამიშ ტექნიკოსიქ ფლემინგ ლარსენქ- Fade to Black, დჷნოსქილედ ბირეფი ჯოიწკჷმა ართო არსულჷ მეტალიკაქ.[36] ბუნაქ ჟირ წანა მუკორთჷ St. Anger-იშ ხუჯიშ მიმაჩამალ ტურნეეფს Summer Sanitarium Tour 2003 დო Madly in Anger with the World. კონცერტეფშა თაშნეშე გჷშმეშეს ბუნეფი მუდვაინი, დეფტოუნზი, ლინკინ პარკი, ლიმპ ბიზკიტი დო გოდსმაკი. მეტალიკაშ დახე არძო გჷშულა პროფესიონალურო იჭარუდჷ დო ჯგირაშო გჷმიჩამუდჷ საიტის LiveMetallica.com. უკული ბუნაშ მაკათურეფქ ქჷმისვანჯეს დო 2005 წანაშ უმენტაშ ნორთი ფანიეფწკჷმა ართო მუკიჸონეს. მორო, 13 დო 15 გერგობათუთას გონწყეს როლინგ სტოუნზიშ კონცერტი სან ფრანცისკოს, AT&T პარკის.[37]

Death Magnetic (2006-)

რედაქტირაფა
 
კირკ ჰემეტი

2006 წანაშ 6 მანგის ტურნეს Escape from the Studio '06 ბერლინს მეტალიკაქ არსულჷ ახალი ბირა კუნტახანური ჯოხოდვალათ The New Song, ნამუსჷთ ფანეფქ Death Is Not the End გიოდვეს, ბირას თე ფრაზაშ შხირი გომაჟირუაშ გურშენი. 12 მარაშინათუთას ტოკიოს არსულეს ხოლო ართი ბირა The Other New Song. მაჟირა ბრელი ასპექტით ვა ომანგუდჷ ბუნაშ სტილსჷ-და, მაართა ბირაშ ფრაგმენტეფქ ესახჷ ახალ ალბომს, კონკრეტულო კომპოზიციას The End of the Line.

2006 წანაშ 16 ფურთუთას მეტალიკაქ მუშ ოფიციალურ საიტის გჷმაბჟინუ, ნამუდა ვითოხუთწანამ წორომოხანდალაშ უკულ ბობ როკი ვა გუწიენდჷ პროდიუსირაფას თინეფიშ გეჸვენჯ ალბომსჷნ. ახალ პროდიუსერო გჷშაგორილქ იჸუ რიკ რუბინქ, ნამუთ თეიშა მუშენდჷ ბუნეფწკჷმა: დანზიგი, სლეიერი, სლიპკნოტი დო სისტემ ოფ ე დაუნი.[38] ბუნაქ ახალი ალბომიშ Death Magnetic გჷშულაშ თარიღო გჷშაგორჷ 2008 წანაშ 12 ეკენია. თაშნეშე გეგნიღეს მუსიკალური ვიდეო მაართა სინგლიშო The Day That Never Comes ათე ალბომშე.

2006 წანაშ 4 ქირსეთუთას მეტალიკაქ გჷშაშქჷ DVD ჯოხოდვალათ The Videos 1989–2004, ნამუთ იკათუანდჷ არძო მუსიკალურ ვიდეოს 1989 წანაშე 2004 წანაშა. მაართა მარაშენო 28 000 ეგზემპლარქ გჷმიჩინჷ დო ჩარტის Billboard Top Videos მასუმა აბანი დეკინჷ.ციტირაფაშ ჩილათა არასწორი ტეგი <ref>; არასწორი სახელები, ძალიან ბევრი. მეტალიკაქ ინაჭარჷ ენიო მორიკონეშ ბირაშ The Ecstasy of Gold ქავერი მორიკონეშა მეჯღუნილ ალბომშო We All Love Ennio Morricone, ნამუქჷთ 2007 წანაშ 20 ფურთუთას გჷშართჷ. ქავერქ წჷმორინაფილქ იჸუ გრემიშ ნომინაციაშა „საუჯგუშო როკ ინსტრუმენტული რსულება“ დაჯილდოებაშ 50-ა ცერემონიას.

2008 წანაშ 2 ეკენიას ართ-ართი ფრანგულ მუსიკალურ მაღაზიაქ ვით დღათ ორდო დიჭყჷ დიო ხოლო უგშურთუმუ ალბომიშ Death Magnetic გჷმოჩამა,[39] მუქჷთ გჷშეჭანუ ალბომიშ ხემეჭირინაფუანობა ფაილეფიშ აკორზიებაშ სისტემეფს. თე ფაქტიქ უჯიკუ ბუნაშ ოფიციალურ დისტრიბუტორს დიდ ბრიტანეთის Vertigo Records ოფიციალურო გეგშუშქუმალუდჷკო ალბომი გეგმელშე ჟირ დღათ ორდო, 10 ეკენიას. დიო ხოლო უჩინებუ რე, ქიმინუნა დო ვარი მუთუნს მეტალიკა ვარა Warner Bros. Records საცალოთ მოვაჭარეშ მეხჷნ. ლარსიქ თეწკჷმა რსხუაფათ ართ-ართ ინტერვიუს ეშანჷ:

 
„ალბომიშ გჷშულაშახ ვითი დღაქ დოსქიდჷ. ჩქი თეშით ხოლო ირფელი გოსოფურო მიღუნა. ჩქინი ალბომი ხემიოჭირინაფუ იჸუაფჷ ინტერნეტის გიმახარგალო ამუდღა ვარა ჭუმანი-და — ქო პატჷნი, ქჷმმენდით, პრობლემა ვა რე... ამუდღანერ სტანდარტეფით თენა გომორძგუა ხოლო ქო რე. ამშვი თუთათ ორდო ქუთქუალუდჷკო მიდგა იჸინს ჩქიმდა, ნამუდა ხვალე 10 დღათ ორდო მოხვადუდჷ გოჟონუა-და, მა ხვალე მახიოლედჷ თენა.“

[40][41]

ალბომქ დეკინჷ მაართა აბანი 32 ქიანაშ საუჯგუშო ალბომეფიშ ჩარტეფს, თინეფ შქას გოართოიანაფილ ომაფეს, კანადას დო ავსტრალიას. მაართა დღალეფშენო გჷმიჩინჷ 490 000 ეგზემპლარქ ხვალე ააშ-ს, ოდო მეტალიკაქ გჷნირთჷ მაართა ბუნაქ ბილბორდ 200-იშ ისტორიას, ნამუდგაშ მეჸუნელო გჷშაშქუმალირ ხუთი სტუდიური ალბომქ მოხვადჷ მაართა აბანსჷნ.ციტირაფაშ ჩილათა არასწორი ტეგი <ref>; არასწორი სახელები, ძალიან ბევრი. გჷშაშქუმალაშე ართი მარაშ უკული Death Magnetic დოსქიდჷ მაართა აბანს ბილბორდ 200-ის, European album chart-ის დო გჷნირთჷ 2008 წანაშ არძოშე ნჭაფიერო გჷმოჩამუონ ალბომო ავსტრალიას.ციტირაფაშ ჩილათა არასწორი ტეგი <ref>; არასწორი სახელები, ძალიან ბევრი. ალბომი მაართა აბანს ვათმენდჷ ბილბორდ 200-ის გჷშულაშე სუმი მარაშ უკული ხოლო, მუდგათ მეტალიკაქ გამაჟირუ ჯეკ ჯონსონიშ (ალბომი Sleep Through the Static) 2008 წანაშ რეკორდი. ალბომქ თაშნეშე ქესქილიდუ მაართა აბანი ხუთი მარაშ განწხანს ბილბორდიშ ჩარტეფს Hard Rock album, Modern Rock/Alternative album დო Rock album.[42]

მეტალიკაქ წჷმორინაფილქ იჸუ MTV Europe-იშით მუში მუსიკალურ დაჯილდოებაშ ჟირ ნომინაციას: Rock Out დო Headliner, ოდო MTV Latin America-ქ მიჭანუ ბუნა მუნეფიშ მუსიკალურ დაჯილდოებაშ ცერემონიას გჷშაულარო.[43] მეტალიკაქ არსულჷ The Day That Never Comes. 2008 წანაშ 21 გჷმათუთას დიჭყჷ ტურნექ World Magnetic Tour.

ალბომით Death Magnetic მეტალიკაქ დაართჷ მუში შქა ოთხონეჩამ წანეფიშ მონკა/თრეშ მეტალიშ ჯინჯეფს.[44][45] თინა უმოსო გჷ ალბომეფს Master of Puppets დო ...And Justice for All, ვინდარო გვიანიშ ალბომეფს.

2008 წანაშ გერგობათუთას მეტალიკა დო თიშ ლეიბლი Warner Bros. Records შქას კონტრაქტის ვადაქ გეშაწირჷ. ბუნა ვერსიეფს ორსხუანს, მიწკჷმა ართო გჷშაშქვას გეჸვენჯი ალბომინ. ართ-ართი ვერსიათ, შელებუანი რე ალბომიშ გჷშაშქუმალაქ ინტერნეტიშ მეშქაშალათ მოხვადასჷნ. [46]

2009 წანაშ 27 მესის მეტალიკაშ ვებსაიტის გჷმიბჟინუ, ნამუდა მეტალიკას ულამუდჷ ახალი ცოცხალი DVD-ეფიშ გჷშაშქუმალა, ნამუეფსჷთ ესახილი იჸუაფუდჷ ნიმეს დო მეხიკოს (თეშ მანგურო საფრანგეთის დო მექსიკას) მანჯებულ კონცერტეფი გეძინელი მოღეეფით.[47] მეხიკოს მანჯებულ კონცერტის გჷშაშქუმალირქ იჸუ DVD Orgullo, Pasión y Gloria: Tres Noches en la Ciudad de México 2009 წანაშ 30 გერგობათუთას, ოდო ნიმესის მანჯებულ კონცერტის — Français Pour Une Nuit 2009 წანაშ 23 გერგობათუთას.[48]

2009 წანაშ მანგის იტალიაშ Rock TV-შა მეჩამილ ინტერვიუს ლარსიქ ეშანჷ, ნამუდა ტურნეს გაგჷნძორენდეს 2010 წანაშ მარაშინათუთაშან. თაშნეშე ეიშანჷ, ნამუდა თეჟამო მავითა ალბომიშ გჷშაშქუმალაშ გეგმეფი ვა უღუნა, მარა უციოთ გეგშაშქვანა კჷნე რიკ რუბინწკჷმა ართონ.[49] Blabbermouth.net-იშ მეჯინათ, ბუნაქ ახალი ალბომიშ ინოჭარუაშე ფირქი შელებუანი რე 2011 წანაშ მაჟირა გვერდიშა ვა დიჭყასჷნ.[50]

თრეშ მეტალიშ დიდი ოთხურქ, მეტალიკაქ, სლეიერიქ, Megadeth-იქ დო ანთრაქსიქ, მაართათ ისტორიას ართო წჷმოდირთეს მაჯინეშ წოხოლე 2010 წანაშ 16 მანგის ბემოვოშ აეროპორტის, ვარშავა, პოლონეთი. თენა რდჷ თე ბუნეფიშ მაართა რსულება, ნამუთ Sonisphere Festival-იშ სერიეფიშ ნორთი რდჷ. ართ-ართი გეჸვენჯი კონცერტი, ნამუქჷთ იმანჯჷ 2010 წანაშ 22 მანგის სოფიასჷნ, ბულგარეთი, ჯღონელქ იჸუ სატელიტით HD ფორმატის კინოთეატრეფშო.[51] კჷნე თი წანაშ 26 მანგის თინეფქ მიოგეს ბუქარესტის, რუმინეთი, ოდო 27 მანგის - სტამბოლს, თურქეთი. 2010 28 მანგის ალბომი Death Magnetic-იქ 2-შა იჸუ სერთიფიცირაფილქ პლატინათ RIAA-შით.[52]

მეტალიკაშ World Magnetic ტურნექ მისურჷ 2010 წანაშ 21 გერგობათუთას მელბურნის, ავსტრალია. ბუნაქ ჟირ წანაშე უმოსი მუკორთჷ შარას ახალი ალბომიშ ხუჯიშ დჷმაკინუ ტურნეეფს. სოიშახ მასურენდეს მუნეფიშ ტურნეს საბოლა კონცერტით ავსტრალიას დო ახალ ზელანდიასჷნ, გეგშაშქვეს ცოცხალი EP Six Feet Down Under თეიშახ მანჯებულ კონცერტეფით ავსტრალიას.[53] 2010 წანაშ 12 გერგობათუთას თე EP-ის მაჸუნჷ მაჟირა ნორთიქჷთ, Six Feet Down Under (Part II).[54] მაჟირა ნორთიშა მიშულირი რე ბრუო ბირა, ნამუეფით ინოჭარილი რე ტურნეს კონტინენტიშმოლე მანჯებულ მაართა ჟირ ნორთიშ განწხანს.

2010 წანაშ 26 გერგობათუთას მეტალიკაქ გჷშაშქჷ გეჸვენჯი ცოცხალი EP, Live at Grimey's, ნამუქჷთ ინიჭარინჷ 2008 წანაშ მანგის გრიმიშ ინნაჭარეფიშ მაღაზიას, ჭე ხანით ორდო მეტალიკაშ გჷმორჩქინაშახ ბონარუშ მუსიკალურ ფესტივალს კჷნე თი წანას.[55][56]

მეტალიკაშ მინულა როკ-ენ-როლიშ დიდებაშ დარბაზშა

რედაქტირაფა
 

2009 წანაშ 14 ღურთუთას გჷმიცხადინ, ნამუდა 4 პირელს მეტალიკა მიშმეშჷ როკ-ენ-როლიშ დიდებაშ დარბაზშან.[57] მიჭანეს ბუნაშ ბრელი მაჸალე, თინეფ შქას რეი ბარტონი, კლიფიშ მუმა დო ჯეისონ ნიუსტედი, ნამუსჷთ ოკო მეუგამუდჷკო ბას-გიტარაშა ბუნაწკჷმა ართო.[58] წჷმორინაფა ბუნაშ რედ ჰოთ ჩილი პეპერსიშ ბასისტიქ ფლიქ გონწყჷ სალამიშ ზიტყვათ. ეიოშანალი რე, ნამუდა ასეიან ბასისტიქ — რობერტ ტრუჰილოქ ქჷდაჸუნჷ ვა მეუგამუდჷკონ, რახან, მუში ზიტყვეფით, ოზალუდჷ ქოუძირუდჷკო უჩა ალბომიშ აკმაქიმინალ ბუნან.[59] მარა, ბირეფიშ Master of Puppets დო Enter Sandman რსულებაბორჯის ჯეისონით დო რობერტით სცენას რდეს.[60] თე ჟირი ბირაშ რსულებაშ უკული ბუნას ახოლეს ჯეფ ბეკიქ, ჯიმი პეიჯიქ, ჯო პერიქ, რონი ვუდიქ დო ფლიქ დო არსულეს ჯემ სესია, ნამუქჷთ ეჭოფჷ ჯოხოდვალა Train Kept A Rollin' (All Star Jam). მეტალიკაქ ცერემონიაშა დაპეჯჷ თაშნეშე დეივ მასტეინი, მარა თიქ მოჭანაფაშე ვარია თქუ, ოდო ბაძაძო ახალ ალბომშენ მონჭირელ სამუშა გრაფიკი შინუ.[61]

სტილი დო ტექსტეფიშ თემატიკა

რედაქტირაფა

ინოჩამილი ორდოშიან მონკა მეტალ დო მონკა როკ ბუნეფშე, მუნერეფთ რე ბლექ საბათი, დიფ ფარფლი, ლედ ზეპელინი დო სკორპიონსი[62] დო ბრიტანული მონკა მეტალიშ ახალი რეღმა მარსულებერ ბუნეფშე, მუნერეფით რე ვენომი, მოუტერჰედი, დაიმონდ ჰედი, ჯუდას პრისტი დო აირონ მეიდენი, მეტალიკაშ ორდოშიანი ინნაჭარეფი იკათუანდჷ აგრესიულ მუსიკას, ნჭაფიერ პარტიეფს დო ჩხორო წუნამ ინსტრუმენტალეფს. სტივ ჰიუ Allmusic-შე ეშანჷნს:

მუსიკალური ნოჭყვედეფი:
    Creeping Death (1984 წ.)
    noicon
    ბირა ეთმოსახჷნს ნჭაფიერ ტემპის, აგრესიულ მუსიკას, მუთ დჷმახასიათაფალი რე მეტალიკაშ ორდოშიან ინნაჭარეფსჷნ
  • ვა გუგანწყინესო ფაილქ? ქძ. მედია მოხვარე.
    EnterSandman (1991 წ.)
    noicon
    მონკა მეტალიშ სამანგი: ტემპი გოწყჷნარაფილი რე, უმოსი თოჸუჯი ეთმებუ მელოდიურობას
  • ვა გუგანწყინესო ფაილქ? ქძ. მედია მოხვარე.
    Purify (2003 წ.)
    noicon
    2003 წანაშ ექსპერიმენტი გიტარაშ სოლოეფიშ უმუშო დო ფულანდიშ სიმურობაშ დრამეფით
  • ვა გუგანწყინესო ფაილქ? ქძ. მედია მოხვარე.
 
„Ride the Lightning-ში მეტალიკაქ გაფართუ მუში ორსულებერ ტექნიკა დო გჷმოხანტუაშ დიაპაზონი, ოდო ტექსტეფი უმოსო დორხველ დო ოჯარალუთ ჩინებულ პრობლემეფს ეთმებუ.[63] მოშინელ თემეფქ გოგინძორაფა ძირჷ Master of Puppets-ის, სოდეთ თიქ ქიკინდუ რელიგიური დო ოურდუმე ლიდერეფი, ჸალება, უგაღიერობა, მონსტრეფი დო ნარკოტიკეფი“

[64]

1991 წანას ახალ პროდიუსერ ბობ როკწკჷმა ართო გჷშაშქუმალირ ალბომშე იგივე ჰიუ ეშანუნდჷ, ნამუდა მეტალიკაქ გაუკაჭულჷ მუში მუსიკა დო კომერციული ღანკეფშო გოკოროცხჷ.[65] ოდო რობერტ პალმერქ Rolling Stone-შე ეშანჷ, ნამუდა ბუნაქ მიოტუ აგრესიული, ნჭაფიერ მუსიკა, გუფართანებუდჷკო მუში მუსიკა დო გჷმოხანტუაშ დიაპაზონინ.[66] უჩა ალბომიშ კომერციულ წჷმოძინაქ გამეკენჯჷ თირაფეფი მეტალიკაშ მუსიკალურ გეზას, Metallica ხომ მეტალიკაშ მაართა ალბომი რდჷ, ნამუქჷთ ბილბორდ 200-ის მაართა აბანს მოხვადჷნ. მეტალიკაქ ძირჷ თირაფეფი როკ სცენას გჷშაჭანაფილი ორდოშიანი 90-ამეფიშ გრანჟ ყარაფით. ბუნაქ ფოკუსირაფა ქჷმახვამილუ ვა-მეტალ გოლინაშა დო ხოლო ართშა დოთირუ მუში მუსიკალური გეზა.[67] ოდო ტექსტეფიშ თემატიკა მონსტრეფშე დო ნარკოტიკეფშე ქენათირუ ტექსტეფქ გაჸალებაშე, ნოდინეფუშე დო ნჯარიშ ეშაღალაშენ. ნამთინე ფანი დო კრიტიკოსი უდუბაღინაფუ რდჷ თე თირაფეფით, ნამუთ იკათუანდჷ თუმეფიშ დაკუნტარებას, Load -იშ გოფორმაფას დო ბუნაშით ალტერნატიული როკიშ ფესტივალ Lollapalooza გონწყჷმათ.[25] დევიდ ფრაიკიქ Rolling Stone-შე Load-ის გიოდჷ 1996 წანაშ უმონკაშ ინნაჭარა.[25]ReLoad-იშ გჷშაშქუმალათ 1997 წანას ბუნაქ ოძირუ ბლიუზიშ დო ორდოშიანი მონკა როკიშ უმოსი გოლინა, იკათუანდჷ მუ უმოს რითმულობას დო ჰარმონიულობას მუსიკაშ სტრუქტურას.[67]

გეჸვენჯი დიდი თირაფა ბუნაშ მეჸუნალობას რდჷ ალბომი St. Anger. ჰემეტი აწმარენჯი რდჷ, გიტარეფიშ სოლოეფიშ გჷშატებაშ, მარა ბუნაშ გჷნოჭყვადუათ, თე ალბომს ძნელო გეგენთ სოლო-პარტიეფს.[68] ბუნაქ გჷმირინუ გიტარეფიშ drop C ტიუნინგი, ოდო ულრიხიშ ფულანდიშ სიმურობაშ სნეარ დრამეფქ გჷშაკერზაფილ კრიტიკა დეინალუ. ტექსტეფიშ თემატიკაქ დეთმჷ ჰეტფილდიშ რეაბილიტაციას, ნამუთ იკათუანდჷ განჩეფს ეშმაკშე, ანტი-ნარკოტიკულ თემეფს, კლაუსტროფობიას, ჭარაშ რცქინს დო რელიგიურ ჰიპოკრიზის.[68][69] პროდიუსერ რიკ რუბინიშ ალაჩამათ მეტალიკაქ მაჩხორა სტუდიურ ალბომს Death Magnetic დართჷ E ტიუნინგის დო ოგიტარე სოლოეფს. ალბომს ართიანწკჷმა რე მერინაფილი მეტალიკაშ ორდოშიანი თრეშ მეტალი შქა ბჟაეიოლურ გოლინაწკჷმა.ციტირაფაშ ჩილათა არასწორი ტეგი <ref>; არასწორი სახელები, ძალიან ბევრი.

გოლინა დო მონძალა

რედაქტირაფა

მეტალიკაქ გჷნირთჷ არძოშე გოლინუან მონკა მეტალ ბუნათ, თე ბორჯისჷნე, თინა მიშულირი რე თრეშ მეტალიშ დიდ ოთხურშა.[1] ბუნაქ გჷმოჩჷ ოშ მილიონშე უმოსი ინნაჭარა მოსოფელს,[70] თინეფ შქას 57 მილიონი ააშ-ს, მუთ მეტალიკას გჷნმაშქვანს კომერციულო არძოშე წჷმოძინელ თრეშ მეტალ ბუნათ.[71] The Rolling Stone Encyclopedia of Rock & Roll-იშ აკმადგინალეფს მიორჩქუნა, ნამუდა მეტალიკაქ მონკა მეტალშა არძოშე ოხვილური თირაფეფი მიშეღჷნ.[72] სტეფენ ტომას ერლეუაინი დო გრეგ პრატო Allmusic-შე რაგადანა:

 
„ნჭაფიერალაშ დო ხონარიშ სიმაღალაშ მეშქაშალათ მეტალიკაქ გაფართუ თრეშიშ თანჯეფი დო უმოსო აკობანძღილო გჷნაშქჷ დორხველ მუსიკაშ სტრუქტურა... მეტალიკა, ქექას ქობთქუათჷნ, ოთხონეჩამ წანეფიშ არძოშე გოლინუან მონკა მეტალ ბუნა რე, ნამუქჷთ დიხაუჩას მუსიკა დოურთინუნ“

[65]

ჯონათან დევისი კორნიშე მეტალიკას მიშინუანს მუშ ფავორიტ ბუნათ დო რაგადანს: მა მიჸორს ირფელი, მუთ თინეფქ აკოქიმინეს დო მუსჷთ თხილანდეს წანეფიშ განწხანსჷნ, დო ამუდღა თინეფი კჷნე ოსქვებურალას რენა ბორჯიწკჷმა. მიმოჩქჷ მეტალიკა არძო ბორჯიშ ართ-ართი საუჯგუშო ბუნა რენ.[73] გოდსმაკიშ დრამერქ შანონ ლარკინქ თქუ, ნამუდა მეტალიკაქ უდიდაში გოლინა მახვამილუ მუშ ბუნაშა: 16 წანაშ ხანს თინეფქ დასურო დოთირეს ჩქიმი რინა, მა თენერი მონკა დღას მუთუნი ვა მომირჩქილუაფუდჷ.[74] ტრივიუმიშ გიტარისტეფი კორი ბიულიუ დო მეტ ჰიფაი რაგადანა, ნამუდა გიტარაშ მეგამაქ თიწკჷმა მაკორინეს, მუჟამს თინეფქ მირჩქილუეს მეტალიკან.[75]ციტირაფაშ ჩილათა არასწორი ტეგი <ref>; არასწორი სახელები, ძალიან ბევრი. ემ შადოუსი ავენგედ სევენფოლდიშე ტურნეს მეტალიკაწკჷმა ართო ბუნაშ ისტორიას სინთუან ჭურჭულო კოროცხუნს დო რაგადანს: ტონობათ ინნაჭარეფიშ გჷმოჩამა დო მიარერიცხუამ შოუეფიშ მანჯებას ხოლოშა ხოლო ვა მიართე თი ღიაბშა, ნამუთ მუნგაფინუ ჯაკონეფწკჷმა აკოხვალამაბორჯისჷნ.[76] გოდ ფორბიდიშ გიტარისტეფქ დოკ კოილქ დო დალას კოილქ მეტალიკაშ ინოჩამათ მირდეს, ოდო ბენდიშ ბასისტი ჯონ აუთკალტი აღორონთენს ბარტონს.[77] ილ ნინოშ დრამერი დეივ ჩავარი ახასიათენს მეტალიკაშ ორდოშიან ინნაჭარეფს, მუჭოთ მონკა, ჸინჩი, მეარყე, ნამუთ რაგადანს: „მეუ სკანი“.[78] ადემაშ დრამერი კრის კოლსი რაგადანს, ნამუდა ბენდი ინოჩამილი რე მეტალიკაშითინ.[79]

2006 წანაშ 8 პირელს Kerrang!-იქ გჷშაშქჷ ტრიბუტ ალბომი ჯოხოდვალათ Master of Puppets: Remastered (მუჭოთ ჟურნალიშ გჷშაშქუმალა), მეტალიკაშ Master of Puppets-იშ გჷშულაშე ეჩი წანაშდუდიშ ეიოშანალო. ალბომშა მიშმეშჷ მეტალიკაშ ბირეფიშ ქავერ ვერსიეფი, ნამუეფსჷთ არსულენდეს მეშინ ჰედი, BFMV, ჩიმირა, მასტოდონი, მენდიდი დო ტრივიუმი, ხვალე თი ბუნეფი, ნამუნეფიშ აკოქიმინჯალაშა მეტალიკაქ მახვამილუ გოლინან. ვითოხუთაშახ მეტალიკაშა მეჯღუნელ (ტრიბუტ) ალბომქ იჸუ გჷშაშქუმალირქ შხვადოშხვა ბუნეფიშთ. 2006 წანაშ 10 ეკენიას მეტალიკაქ გჷშართჷ სიმპსონეფიშ მავითობრუო სეზონიშ საპრემიერო სერიას The Mook, the Chef, the Wife and Her Homer[80] დო ჰეტფილდიშ დო ჰემეტიშ ხონარეფქ გჷმორინაფილქ იჸუ ანიმაციურ ოტელევიზიე სერიალიშ Metalocalypse სუმ ეპიზოდის.[81]

ფინურ ბუნაქ აპოკალიპტიკაქ გჷშაშქჷ ტრიბუტ ალბომი Plays Metallica by Four Cellos, ნამუშათ მიშმეშჷ მეტალიკაშ ბრუო ბირა ინოჭარილ ძილეფამ-შქვილამ მიოგამალეფით. პაროდიული ბუნა ბიტალიკა არსულენს მეტალიკაშ დო ბითლზიშ ბირეფიშ კომბინაციეფს. ბიტალიკა იურიდიულ პრობლემეფს თიწკჷმა მიშალჷ, მუჟამცჷთ კომპანიაქ Sony Corporation, მით მინჯენს ბითლზიშ კატალოგისჷნ, ქუჩიულჷ თის დო მოთხუ ბუნაშით საქვარუაშ მეჭყვადუა დო ძივთიშ გჷნოგაფა „მერინაფილ გურგაჩამალ დო რეალურ ფორაშენ“. ბიტალიკაშ ფანქ, ლარს ულრიხიქ თხუ მეტალიკაშ ადვოკატის პიტერ პატერნოს ქჷმოხვარაფუდჷკო ბუნას თე იურიდიულ ოკითხუშ მოგვარებასჷნ.[82]

მეტალიკაქ MTV-იშით მიშაღალირქ იჸუ არძო ბორჯიშ საუჯგუშო მეტალ ბუნეფიშ სუმურშა,[73] მახუთა აბანს რე VH1-იშ ერკებულს ოში საუჯგუშო მონკა როკ მარსულებერი[83] დო მაართა აბანს VH1-იშ ერკებულს ეჩი საუჯგუშო მეტალ ბუნა.[84] Master of Puppets-იქ იჸუ ჯოხოდვალირქ 167-ა აბანშა Rolling Stone-იშ არძო ბორჯიშ ხუთოში საუჯგუშო ალბომი, ოდო Metallica-ქ კჷნე თე ერკებულს 252-შა.[85] Master of Puppets ჯოხოდვალირქ იჸუ Q ჟურნალიშ ერკებულს არძო ბორჯიშ 50 უმონკაშ ალბომი,[86] მაართას რე IGN-იშ ერკებულს 25 საუჯგუშო მეტალ ალბომი,[87] დო თაშნეშე მაართა აბანს რე Metal-rules.com-იშ ერკებულს ოში საუჯგუშო მონკა მეტალ ალბომი.[88] ბირაქ Enter Sandman დეკჷნჷ 399-ა აბანი Rolling Stone-იშ ერკებულს არძო ბორჯიშ ხუთოში საუჯგუშო ბირა.[89]

2003 წანას მეტალიკას მეჩეს ჯილდო MTV Icon დო იმანჯჷ მეტალიკაშა მეჯღუნილ კონცერტიქ, სოდეთ ირსულჷ მეტალიკაშ ბირეფქ შხვადოშხვა მარსულებერეფიშით: გვალო 41-იქ არსულჷ For Whom the Bell Tolls, Enter Sandman დო Master of Puppets; სტეინდიქ არსულჷ Nothing Else Matters, ავრილ ლავინქ — Fuel, სნუპ დოგიქ — Sad But True, კორნიქ — One დო ლიმპ ბიზკიტიქ — Welcome Home (Sanitarium).[90]

პოპულარულ ლაჸაფიქ Guitar Hero მეტალიკაშ ბრელი ბირა გეუძინჷ მუშ სერიეფს. მაართა სამანგი რდჷ Guitar Hero III, სოდეთ მიშაღალირქ იჸუ მეტალიკაშ One-ქ. უკული Guitar Hero: World Tour-ს გჷმორინაფილქ იჸუ Trapped Under Ice-ქ. 2009 წანას დუდო მეტალიკა წორომოხანდენდჷ Guitar Hero: Metallica-აშ აკოქიმინუაშე. Harmonix-იშ ლაჸაფის Rock Band გოტებულქ იჸუ ბირეფქ Enter Sandman, Ride the Lightning, Blackened დო ...And Justice For All. მოგვიანაფილო, გეჸვენჯი ლაჸაფის Rock Band 2, გჷმორინაფილქ იჸუ მეტალიკაშ ბირა Battery-ქ.

ჯილდოეფი

რედაქტირაფა

გრემიშ დაჯილდოება

რედაქტირაფა
  • 1990: არძოშე უჯგუში მეტალიშ რსულება — One
  • 1991: არძოშე უჯგუში მეტალიშ რსულება — Stone Cold Crazy
  • 1992: არძოშე უჯგუში მეტალიშ რსულება — Metallica
  • 1999: არძოშე უჯგუში მეტალიშ რსულება — Better Than You
  • 2000: არძოშე უჯგუში მონკა როკიშ რსულება — Whiskey in the Jar
  • 2001: არძოშე უჯგუში როკიშ ინსტრუმენტული რსულება — The Call of Ktulu სან ფრანცისკოშ სიმფონიური ორკესტრწკჷმა ართო მაიკლ კამენიშ ხემანჯღვერალათ.
  • 2004: არძოშე უჯგუში მეტალიშ რსულება — St. Anger
  • 2009: არძოშე უჯგუში მეტალიშ რსულება — My Apocalypse
  • 2009: არძოშე უჯგუში დინნაჭარაშ აკოქუნუა — Death Magnetic

MTV-იშ მუსიკალური ვიდეოეფიშ დაჯილდოება

რედაქტირაფა

მეტალიკა რე აღიარაფილი MTV-იშე, მუჭოთ ”არძოშე უჯგუში მეტალ ბუნა” თელი ისტორიას

  • 1992: არძოშე უჯგუში მეტალ ვიდეო — Enter Sandman
  • 1996: არძოშე უჯგუში მეტალ ვიდეო — Until it Sleeps

ამერიკული მუსიკაშ დაჯილდოება

რედაქტირაფა
  • 1993: ფავორიტული მონკა მეტალი/მონკა როკიშ მარსულებელი — მეტალიკა
  • 1996: ფავორიტული მონკა მეტალი/მონკა როკიშ მარსულებერი: მეტალიკა — Load
  • 1996: ფავორიტული მონკა მეტალი/მონკა როკიშ ჟანრიშ ბირა — Until it Sleeps”
  • 1997: ფავორიტული მონკა მეტალი/მონკა როკიშ მარსულებერი — მეტალიკა

ბილბორდიშ მუსიკალური დაჯილდოება

რედაქტირაფა
  • 1997: ბილბორდიშ როკ ენ როლიშ წანაშ არტისტი — მეტალიკა (RIAA Diamond Award)
  • 1999: წანაშ არტისტი — მეტალიკა
  • 1999: წანაშ ალბომი — Metallica

Kerrang! დაჯილდოება

რედაქტირაფა
  • 2003: დიდებაშ დარბაზი — მეტალიკა
  • 2004: პლანეტაშ არძოშე უჯგუში ბუნა-მეტალიკა
  • 2008: ინოჩამა — მეტალიკა
  • 2009: არძოშე უჯგუში ალბომი — მეტალიკა, Death Magnetic

აკოდგინალუა

რედაქტირაფა

მეტალიკაშ აკოდგინალუა წანეფიშ მეჯინათ

რედაქტირაფა

ასეიანი აკოდგინალუა

რედაქტირაფა

ჸოფილი მაკათურეფი

რედაქტირაფა

მაკათურეფი

რედაქტირაფა

ასეიანი მაკათურეფი

რედაქტირაფა

ჸოფილი მაკათურეფი

რედაქტირაფა

დისკოგრაფია

რედაქტირაფა

სტუდიური ალბომეფი

რედაქტირაფა

ცოცხალი ალბომეფი

რედაქტირაფა

ქავერ ვერსიეფიშ ალბომეფი

რედაქტირაფა

EP

რედაქტირაფა

სქოლიო

რედაქტირაფა
  1. ↑ 1.0 1.1 კოსმო ლი (2007-05-07). Get Thrashed: The Story of Thrash Metal. 'Stylus Magazine. კითხირიშ თარიღი: 2008-01-03.
  2. ↑ 2.0 2.1 2.2 2.3 2.4 2.5 მეტალიკა ჩარტეფს, Allmusic.com, კითხირიშ თარიღი 12 მელახი, 2007
  3. ↑ საუჯგუშოთ გჷმოჩამუან ინნაჭარეფიშ მარსულებერეფი: მეტალიკა
  4. ↑ 1981 წანაშ მოლინეფი: მეტალიკა Archived 2009-06-23 ვებ-ხასჷლას Wayback Machine. კითხირიშ თარიღი: 26 ქირსეთუთა , 2009
  5. ↑ მეტალიკა 14 მელახიშე 6 კვირკვეშახ , 1982. Archived 2009-04-11 ვებ-ხასჷლას Wayback Machine. MTV.com. MTV Networks. კითხირიშ თარიღი: 28 მესი, 2009
  6. ↑ DAVE MUSTAINE: JAMES HETFIELD Is Jealous Of Me - Sep. 21, 2004. კითხირიშ თარიღი: 31 მესი, 2009
  7. ↑ LOVE IT TO DEATH, ბერნად დოუ ეჩიებჷ დეივ მასტეინს მეტალიკაშე გიშულაშ უკული კითხირიშ თარიღი: 6 ქირსეთუთა, 2007
  8. ↑ მეტალიკა 1983 წანაშ გჷმათუთაშე 1984 წანაშ მარაშინათუთაშა. Archived 2009-01-15 ვებ-ხასჷლას Wayback Machine. MTV.com. MTV Networks. კითხირიშ თარიღი: 2 მანგი, 2009
  9. ↑ 9.0 9.1 9.2 9.3 მეტალიკა 1984 წანაშ 24 მელახშე 1986 წანაშახ. Archived 2009-01-15 ვებ-ხასჷლას Wayback Machine. MTV.com. MTV Networks. კითხირიშ თარიღი: 2 მანგი, 2009
  10. ↑ 10.0 10.1 მეტალიკაშ დისკოგრაფია. Billboard.com. კითხირიშ თარიღი: 2 მანგი, 2009
  11. ↑ 11.0 11.1 მეტალიკა, 16 მანგიშე 27 ეკენიაშახ, 1986 წანა. Archived 2007-12-17 ვებ-ხასჷლას Wayback Machine. MTV.com. MTV Networks. კითხირიშ თარიღი: 2 მანგი, 2009
  12. ↑ 12.0 12.1 მეტალიკა 1986 წანაშ გჷმათუთაშე 1987 წანაშ მელახშახ. Archived 2009-04-11 ვებ-ხასჷლას Wayback Machine. MTV.com. კითხირიშ თარიღი: 30 გერგობათუთა, 2007
  13. ↑ მეტალიკა 21 მარაშინათუთაშე 4 ქირსეთუთაშახ, 1987. Archived 2009-04-11 ვებ-ხასჷლას Wayback Machine. MTV.com. კითხირიშ თარიღი: 1 ქირსეთუთა, 2007
  14. ↑ იან ქრაისტი (2003). Sound of the Beast: The Complete Headbanging History of Heavy Metal. HarperCollins. ISBN 0-380-81127-8. 
  15. ↑ 15.0 15.1 15.2 ინტერვიუ ჟურნალ პლეიბოიწკჷმა - მეტალიკა კითხირიშ თარიღი: 3 ქირსეთუთა, 2007
  16. ↑ Damaged Justice მოსოფელიშ ტურნე. Metworld.co.uk. კითხირიშ თარიღი: 9 ქირსეთუთა, 2007
  17. ↑ 17.0 17.1 Rockin' on an island, Kerrang! გჷშაშქუმალა № 258, 1989-09-30
  18. ↑ მაიკლ ენდელმანი, გრემიშ 10 არძოშე დიდი დარღვია Archived 2007-12-16 ვებ-ხასჷლას Wayback Machine. EW.com. კითხირიშ თარიღი: 3 ქირსეთუთა, 2007
  19. ↑ MTV: არძო ბორჯიშ 100 საუჯგუშო ვიდეო. Rockonthenet.com. კითხირიშ თარიღი: 8 ქირსეთუთა, 2007
  20. ↑ მეტალიკა 1990 წანაშ ფურთუთაშე 1991 წანაშ 13 მარაშინათუთაშახ Archived 2011-10-25 ვებ-ხასჷლას Wayback Machine. MTV.com. კითხირიშ თარიღი: 2 ქირსეთუთა, 2007
  21. ↑ გაი გარსია, Heavy Metal Goes Platinum Archived 2011-09-21 ვებ-ხასჷლას Wayback Machine. Time.com. კითხირიშ თარიღი: 12 ქირსეთუთა, 2007
  22. ↑ 100 საუჯგუშო ალბომი. RIAA.com. კითხირიშ თარიღი: 2 ქირსეთუთა, 2007
  23. ↑ მეტალიკა 1992 წანაშ 9 მარაშინათუთაშე – 1993 წანაშ 23 გერგბათუთაშახ. MTV.com. კითხირიშ თარიღი: 2007-12-01.
  24. ↑ მეტალიკა 1995 წანაშ ქირსეთუთაშე – 1996 წანაშ 27 მანგიშახ. MTV.com. კითხირიშ თარიღი: 2007-12-05.
  25. ↑ 25.0 25.1 25.2 დევიდ ფრაიკი (1996-12-04). Load იშ გოსხუნუა Rolling Stone-იშით. Rolling Stone. კითხირიშ თარიღი: 2007-12-07.
  26. ↑ 26.0 26.1 მეტალიკა 1997 წანაშ 18 გერგობათუთაშე 1998 წანაშ 8 ქირსეთუთაშა. Archived 2013-05-02 ვებ-ხასჷლას Wayback Machine. MTV.com. კითხირიშ თარიღი: 5 ქირსეთუთა, 2007
  27. ↑ მეტალიკა 1999 წანაშ 24 ფურთუთაშე – 2000 წანაშ 20 ფურთუთაშა. MTV.com. კითხირიშ თარიღი: 2007-12-05.
  28. ↑ ბენი ევანგელისტა, Napster runs out of lives – judge rules against sale. სან ფრანცისკოშ ქრონიკეფი. კითხირიშ თარიღი: 3 ღურთუთა, 2008
  29. ↑ Lars Ulrich on Who Wants To Be A Millionaire, youtube.com
  30. ↑ დევიდ ბაშამი, Bassist Jason Newsted Leaves Metallica. Archived 2008-07-26 ვებ-ხასჷლას Wayback Machine. MTV.com. კითხირიშ თარიღი: 3 ქირსეთუთა, 2007
  31. ↑ მეტალიკა 2001 წანაშ პირელშე 2001 წანაშ 4 ქირსეთუთაშა. Archived 2010-05-23 ვებ-ხასჷლას Wayback Machine. MTV.com. კითხირიშ თარიღი: 3 ქირსეთუთა, 2007
  32. ↑ დოკ. ფილმი Some Kind of Monster, მეტალიკა, 2004 წანაშ ღურთუთა, პარამაუნტ პიქჩერზი
  33. ↑ მეტალიკა 2002 წანაშ 3 ღურთუთაშე – 2003 წანაშ 19 მელახშახ. MTV.com. კითხირიშ თარიღი: 2007-12-05.
  34. ↑ მეტალიკაშ St. Anger. Archived 2009-03-07 ვებ-ხასჷლას Wayback Machine. Metacritic.com. კითხირიშ თარიღი: 5 ქირსეთუთა, 2007
  35. ↑ გრემიშ ჯილდოშ მაღვენჯეფი – მეტალიკა. Grammy.com. კითხირიშ თარიღი: 2007-12-05.
  36. ↑ 36.0 36.1 Metallica's Lars Ulrich Hospitalized In Switzerland, Misses Show. Yahoo Music. კითხირიშ თარიღი: 12 ქირსეთუთა, 2007
  37. ↑ გილ კაუფმენი Metallica Opening For Rolling Stones In San Francisco. Archived 2008-12-02 ვებ-ხასჷლას Wayback Machine. MTV.com. კითხირიშ თარიღი: 12 ქირსეთუთა, 2007
  38. ↑ მეტალიკაშ სტუდიაშ გოახალაფა. Metallica.com. კითხირიშ თარიღი: 20 ფურთუთა, 2008
  39. ↑ მეტალიკაშ Death Magnetic ფრანგულ მაღაზიას ჟირი მარათ ორდო გჷმიჩამუდჷ?. BLABBERMOUTH.NET. კითხირიშ თარიღი: 5 ღურთუთა, 2009
  40. ↑ მეტალიკაშ ალბომიშ გოჟონუა. Kerrang.com. კითხირიშ თარიღი: 17 ეკენია, 2008
  41. ↑ ედნა გუნდერსენი (2008-09-11). Metallica remains calm over 'Magnetic' leaks. USA TODAY.com. კითხირიშ თარიღი: 2008-09-17.
  42. ↑ Metallica's Death Magnetic Tops Album Chart for Third Week in a Row. Archived 2012-02-17 ვებ-ხასჷლას Wayback Machine. Euroinvestor.co.uk. კითხირიშ თარიღი: 1 გერგობათუთა, 2008
  43. ↑ “Metallica nominated in the EMA's and playing live at the VMA's in Latin America“, Alternativeware, 2008-10-08. კითხირიშ თარიღი: 2008-10-08. 
  44. ↑ Death Magnetic : მეტალიკა : გოსხუნუა. Archived 2010-04-12 ვებ-ხასჷლას Wayback Machine. RollingStone.com. კითხირიშ თარიღი: 5 ღურთუთა, 2009
  45. ↑ მეტალიკაშ ალბომიშ Death Magnetic გოსხუნუა. BBC.co.uk. კითხირიშ თარიღი: 5 ღურთუთა, 2009
  46. ↑ მეტალიკა ფირქენს, გეჸვენჯი ალბომი ინტერნეტიშ მეშქაშალათ გეგშაშქვასჷნ Ultimate-guitar.com. კითხირიშ თარიღი: 1 ნოემბერი, 2009
  47. ↑ Metallica.com. Metallica.com (2009-05-27). კითხირიშ თარიღი: 2009-10-01.
  48. ↑ Metallica.com. Metallica.com. კითხირიშ თარიღი: 2009-10-01.
  49. ↑ მეტალიკაშე ლარს ულრიხი: I Would Like To Make Another Album With Rick Rubin. Blabbermouth.net (2009-07-11). კითხირიშ თარიღი: 2009-07-11.
  50. ↑ Metallica Is Open To Performing Full Albums In Concert Again. Blabbermouth.net (2009-10-15). კითხირიშ თარიღი: 2009-11-05.
  51. ↑ Metallica Heading To Cinemas
  52. ↑ ორქო დო პლატინა. კითხირიშ თარიღი: 24 კვირკვე, 2010.
  53. ↑ Metallica.com - Six Feet Down Under. კითხირიშ თარიღი: 08.10.2010
  54. ↑ ბოლო რელიზი 2010 წანაშო. Metallica (25 გჷმათუთა, 2010). კითხირიშ თარიღი: 2010-11-15.
  55. ↑ მეტალიკა: 'Live At Grimey's' EP გერგობათუთას გჷშურს. Blabbermouth. Roadrunner Records (6 გჷმათუთა, 2010). კითხირიშ თარიღი: 2010-10-12.
  56. ↑ ხოლო ართი 2010 წანაშო!. Metallica (6 გჷმათუთა, 2010). კითხირიშ თარიღი: 2010-10-12.
  57. ↑ Metallica, Run D.M.C. Lead Rock Hall Inductees. Billboard.com. კითხირიშ თარიღი: 2009-01-14.
  58. ↑ ჯეისონ ნიუსტედი კჷნე ახოლუ მეტალიკას. idiomag.com. კითხირიშ თარიღი: 30 მელახი, 2009
  59. ↑ ჯეისონ ნიუსტედი: ტრუჰილო ვა მიოგანს როკ-ენ-როლიშ დიდებაშ დარბაზის. idiomag (2009-04-01). კითხირიშ თარიღი: 2009-04-01.
  60. ↑ Metallica rocks Hall of Fame with other new members. Reuters (2009-04-05). კითხირიშ თარიღი: 2009-04-05.
  61. ↑ BLABBERMOUTH.NET - DAVE MUSTAINE To METALLICA: 'I Am So Very Proud Of All You Have Accomplished'. Roadrunnerrecords.com. კითხირიშ თარიღი: 1 გერგობათუთა, 2009
  62. ↑ 30 on 30: The Greatest Guitarists Picked by the Greatest Guitarists. guitarworld.com. კითხირიშ თარიღი: 2010-04-28.
  63. ↑ სტივ ჰიუ. Ride the Lightning – Metallica. Allmusic. კითხირიშ თარიღი: 2007-12-08.
  64. ↑ სტივ ჰიუ. Master of Puppets – Metallica. Allmusic. კითხირიშ თარიღი: 2007-12-08.
  65. ↑ 65.0 65.1 სტივ ჰიუ. Metallica-შ გოსხუნუა Allmusic-იშით. Allmusic. კითხირიშ თარიღი: 2007-12-05. ციტირაფაშ ჩილათა Invalid <ref> tag; name "Metallica AMG" defined multiple times with different content
  66. ↑ რობერტ პალმერი (1997-01-21). Metallica-შ გოსხუნუა Rolling Stone-იშით. Rolling Stone. კითხირიშ თარიღი: 2007-12-05.
  67. ↑ 67.0 67.1 ლორეინ ალი (1997-11-20). ReLoad-იშ გოსხუნუა Rolling Stone-იშით. Rolling Stone. კითხირიშ თარიღი: 2007-12-08.
  68. ↑ 68.0 68.1 ტომ სინკლარი (2003-06-09). St. Anger-იშ მუსიკალური გოსხუნუა. Entertainment Weekly. კითხირიშ თარიღი: 2007-12-08.
  69. ↑ ჯონი ლოფტუსი. Allmusic – St. Anger. Allmusic. კითხირიშ თარიღი: 2007-12-08.
  70. ↑ Metallica, Limp Bizkit and Linkin Park committed to the Sanitarium. Metallica.com. კითხირიშ თარიღი: 2006-12-05.
  71. ↑ RIAA-ს ედომუშამ გჷმოჩამეფი. RIAA. კითხირიშ თარიღი: 2006-12-05.
  72. ↑ მეტალიკაშ ბიორგაფია Rolling Stone-იშ მეჯინათ. Rolling Stone. კითხირიშ თარიღი: 2008-01-19.
  73. ↑ 73.0 73.1 Why they Rule? Metallica. MTV.com. კითხირიშ თარიღი: 2007-12-05.
  74. ↑ ჯეიმზ რაიტი. Godsmack. Blistering. კითხირიშ თარიღი: 2008-01-19.
  75. ↑ ინტერვიუ ტრივიუმწკჷმა. Metal Theater (2007-11-02). კითხირიშ თარიღი: 2008-01-19.
  76. ↑ ჩად ბოუარი. ინტერვიუ Avenged Sevenfold-წკჷმა. About.com. კითხირიშ თარიღი: 2007-12-05.
  77. ↑ God Forbid - The new wave of American metal has arrived. f-p-e-.com. კითხირიშ თარიღი: 2007-12-05.
  78. ↑ ტალია სონგომონიანი. ინტერვიუ Ill Niño-შ დეივ ჩავარიწკჷმა. nyrock.com. კითხირიშ თარიღი: 2007-12-06.
  79. ↑ Adema-ს დრამერი: ჩქინდა გოლინა მახვამილუეს მეტალიკაქ დო პანტერაქ. Blabbermouth.net (2003-08-11). კითხირიშ თარიღი: 2007-12-09.
  80. ↑ Metallica Rocks 'The Simpsons'. Spin.com (2007-07-07). კითხირიშ თარიღი: 2007-12-06.
  81. ↑ James Hetfield's and Kirk Hammett's voices will appear as cameos in the new Adult Swim series, Metalocalypse!. Metallica.com (2006-05-09). კითხირიშ თარიღი: 2007-12-10.
  82. ↑ ჯილ კაუფმენი (2005-05-16). Metallica Mash-Up Band Gets By With A Little Help From Its Friend ... Lars. MTV.com. კითხირიშ თარიღი: 2007-12-05.
  83. ↑ ოში საუჯგუშო მონკა როკ მარსულებერი. VH1. კითხირიშ თარიღი: 2006-12-23.
  84. ↑ VH1 ეჩი საუჯგუშო მეტალ ბუნა. VH1.com. კითხირიშ თარიღი: 2007-12-05.
  85. ↑ არძო ბორჯიშ ხუთოში საუჯგუშო ალბომი. Rolling Stone. კითხირიშ თარიღი: 2007-12-05.
  86. ↑ არძო ბორჯიშ 50 უმონკაშ ალბომი. Rocklistmusic.co.uk. კითხირიშ თარიღი: 2007-12-05.
  87. ↑ 25 საუჯგუშო მეტალ ალბომი. IGN.com. კითხირიშ თარიღი: 2007-12-05.
  88. ↑ ოში საუჯგუშო მონკა მეტალ ალბომი. Metal-rules.com. კითხირიშ თარიღი: 2007-12-05.
  89. ↑ არძო ბორჯიშ ხუთოში საუჯგუშო ბირა. Rolling Stone. კითხირიშ თარიღი: 2007-12-05.
  90. ↑ Icon Performance Highlights. MTV.com. კითხირიშ თარიღი: 2007-12-05.

რესურსეფი ინტერნეტის

რედაქტირაფა
 
ვიკიოწკარუეს? რე ხასჷლა თემაშენ:
გორილი რე "https://xmf.wikipedia.org/w/index.php?title=Metallica&oldid=226498"-შე