ექსკლავი

ექსკლავი (ლათ. ex-შე — შე + ლათ. clavis — „კილა“) — ვასუვერენული რეგიონი, ნამუთ ქიანაშ თარ ტერიტორიაშე რე მოჩილათირი დო გოხურგელი რე შხვა (ართი ვარდა მუსხირენ) სახენწჷფოთ. ართი დო იგივე ტერიტორია ექსკლავს წჷმარინუანს თი ქიანაშო, ნამუსჷთ თინა ორხველჷნ, დო ანკლავს თი ქიანაშო, ნამუსჷთ თინა ვარხველჷნ. გჷმნარკი რე წჷმინდე ექსკლავი — ვასუვერენული რეგიონი, ნამუთ ქიანაშ თარ ტერიტორიაშე რე მოჩილათირი დო ართშე უმოსი ქიანათ რე გოხურგელინ.

C — B ქიანაშ ექსკლავი დო A ქიანაშო ანკლავი

C — B ქიანაშო ექსკლავი, ნამუთ ელმოლშე გოხურგელი რე А დო D ქიანეფიშ ტერიტორიეფით დო თინეფშო ანკლავს ვაწჷმარინუანს.

ექსკლავს, ნამუსჷთ ზუღაშა გიშალი უღუნ, გვერდოექსკლავი ჯოხო. ოზუღე სამართალიშ მეჯინათ, გვერდოექსკლავშა მეჭირინაფაშ ბლოკირაფა შხვა ქიანაშ ფლოტიშით ვეშილებე. რჩქვანელობურ გჷმორინაფას გვერდოექსკლავეფი დო გვერდოანკლავეფი შხირას ჯოხოიდვალუაფჷნა უბრალოთ ექსკლავეფი დო ანკლავეფი.

ექსკლავეფიშ სამანგეფი

• ნახიჩევანიშ ავტონომიური რესპუბლიკა, აზერბაიჯანიშ აკოდგინალუაშა მიშმურს, გოხურგელი რე სომხეთით, ირანით დო თურქეთით.
• სანკოვო-მედვეჟიე, ბელარუსიშ გომელიშ დო რუსეთიშ ბრიანსკიშ ოლქეფიშ ოშქაშე ტერიტორიას იდვალუაფუ, ადმინისტრაციულო რუსეთიშ ბრიანსკიშ ოლქის ორხველჷ.
• შაჰიმარდანიშ ექსკლავი დო სოხიშ რაიონი, ნამუთ ფერგანაშ ოლქის ორხველჷნ, ყირგიზეთიშ ტერიტორიას უზბეკეთიშ ექსკლავი რე.
• იტალიური ოხორუე კამპიონე დ'იტალია, ლუგანოშ ტობას, ლომბარდიას ორხველჷ, გოხურგელი რე შვეიცარიაშ ტერიტორიათ, იტალიაშ ექსკალვი დო შვეიცარიაშ ანკლავი რე.
• ლივიაშ მუნიციპალიტეტი, მიშმურს ესპანეთიშ აკოდგინალუაშა, გოხურგელი რე საფრანგეთიშით

გვერდოექსკლავეფიშ სამანგეფი

ოერეფოშქაშე:

• რუსეთიშ კალინინგრადიშ ოლქი გოხურგელი რე ბალტიაშ ზუღათ, პოლონეთით დო ლიტვათ.
• კაბინდაშ პროვინცია, ანგოლას ორხველჷ დო გიშმურს ატლანტიშ ოკიანეშა, გოხურგელი რე კონგოშ რესპუბლიკათ დო კონგოშ დემოკრატიული რესპუბლიკათ.
• ალიასკა — ააშ-ოშ გვერდოექსკლავი დო კანადაშ გვერდოანკლავი.
• ოფუტე დუბკი კოდმეს, ნამუთ გინოჩქჷ პსკოვიშ ტობას, რუსეთიშ პსკოვიშ ოლქშე გიშართილი რე ესტონეთიშ ტერიტორიათ. ესე იგი რუსეთიშ გვერდოექსკლავი დო ესტონეთიშ გვერდოანკლავი რე.
• მუსანდამი — ომანიშ მუჰაფაზა (პროვინცია), ობჟათეშე დო უდიდაშ ნორთით ბჟადალშე არაბეფიშ გოართოიანაფილი საამიროეფიშ ტერიტორიათ, ომძღჷ სპარსეთიშ ჸუჯი დო ომანიშ ჸუჯი.

თაშნეშე ქოძირით

• ანკლავი